وأخيرا القصة المنتضرة ❤️ الكاتبة زهور السليماني في قنبلة الموسم
غادي نقيس بزاف ديال المشاعر فهاد القصة غانقيس مشاعر كل أنثى وكل مرأة غانعطيكوم نبدة عن حياة مرأة تقدر تعيش بلاصتها اي وحدة
قصة خدات من عقلي مدة كبيرة وخدات من وقتي ساعات لا تحصى ولا ت...
بعد مافرقو آتاي كلسو نيسرين جنب يونس، وحضر العدول كتب كتابهوم وناضت العائلة كاتسالم حتا كلسو وفرقو الحلوة.. كانت سارة كالسة حدا نبيل وهو بقا كيشوف فيها .. نبيل : بحالي فايتلي شايفك لا ؟ سارة : ( عضات على شفايفها من الصباح وهي كاتسناه يقولها ) احم انا ههه ماعقلتش .. نبيل : ( ابتاسم حيت هو عارف فين شافها بالضبط ) وايلي .. ولاو حنيكاتها حومر اه ..
ناض سيف وعيط لشهد تبعاتو دخلو لواحد الصالون مغاير لي حضر فيه غير جدو وسي حسن وكلسو .. سيف : اليوم حضرتكوم باش نرجع مرتي قدامكوم، ( شاف فيهوم بجوج ) راكوم عارفين المشاكيل لي وقعو ولي داز علينا ماشي قليل، اليوم باغي نرجع مرتي ام ولدي بعد ما بردت دمتي من مراتي الثانية لي كنت تزوجتها وطلقتها دابا، والحرام ساليناه وبعنا كل ماجا منو، ودابا بغيت ناخد موافقتكوم باش نبدا حياة جديدة مع شهد ... حسن : شاف فيهوم بجوج عاد هضر ) أنا اولدي غانرضي عليك هاد المرة حيت شفت كيفاش خدمتي راجل وعرفت بلي تربيت يدي مامشاتش باطل وبينتلي بلي كل حاجة قاد تحلها ( شاف فشهد ) بنتي سمحيليا .. ناضت بزربة وجات تجني باش تبوسلو يديه وهو يمنعها .. حسن : الله رضي عليك ابنتي بلى ماتعذبي راسك يكفي العذاب لي عذبناك والله اغفرلينا .. شهد : ماتقولش هاكا اعمي نتا دابا بحال بابا الثاني .. ادريس : سي تاجدين هاد المرة بنتي فامانتكم ولكن لا طرات ليها شي حاجة هاد المرة منعقلش عليكوم .. سيف : فعيني الواليد ( باسلو يدو وماض باس اليد لجدو وهمسلو فودنو بينما كان ادريس كيشلم على شهد لي باقا مامصقاش وعينيها مدمعين بالفرحة ) شكرا حيت دعمتيني فهاد القرار اجدي .. حسن : ( ضربلو فكتفو ) مابقيتش نخاف عليك .... ناض حسن وادريس كيجمعو مع بعضهوم خارجين بقات سيف وشهد مع بعضهوم فالبيت بوحدهوم .. شهد : ( خرجو ليها الدموع من عينيها ) سيف باقا مامصدقاش بلي ولينا مع بعضياتنا وهاد المرة للأبد .. سيف : ( ابتاسمليها ودور يدو على ضهرها جرها لعندو تكاليها راسها على سدرو وبقا كيرطب على كتافها وضهرها ) انشاء الله الله اكمل علينا بالخير وتولد حتا ابرار بالخير والسلامة .. شهد : ( طلعات عينيها شافت فيه عينيها كانو مدمعين ) ابراار ؟؟!! سيف : ( هبط راسو كيضحك ورجع ذلع يدو كيمسح ليها دموعها وفنفس الوقت كيهضر ) من ايامات الجامعة ديالي وانا كنقول النهار لي غاتزاد عندي بنت غانسميها ابرار .. شهد : ( جمعات فمها كتشوف فيه ) مين جبتي هاد الاسم ديال ابرار ؟ سيف : واحد البنت كانت كتعجبنييي من البعيد ..( هزات يديها وهي ضربو لسدرو وهو يضحك ) والحمقة والمغيارة، راه نتي اول حب ونتي غاتبقاي آخر حب .. شهد : ياااك واخا يوقع لي وقع واعدني ؟؟!! سيف : واخا يوقع لي وقع ..
بعد سنة ونصف ... بقات غادا جايا غادا جايا .. وقلبها كيضرب ..سادا عينيها ومزيرة على الصباعي ديال يديها .. شهد : يا ربي مايكون والو يا ربي مايكون والو يا ربي .. حلات عينيها بشوية وشافت فوق لاڤابو .. هزات التيست وهي تشوفها جوج شرطات .. شهقات وحطات يديها على فمها عينيها تغرغرو .. شهد : ناااري نااري نااري .. ماعندي زهر انا والله .. ( عضات على شفايفها ) وكلسات فوق لاشاس تاخدات نفس عاد ناضت .. خرجات من الطواليط لقاتو كيلعب مع ابرار فوق الناموسية متكين كيفما خلاتهوم.. دار شاف فيها هاكاك وهو يتوگض فالكلسة .. سيف : حبيبة صاڤا ؟؟ كاين شي بغوبلام .. ابرار : ( كضحك وتفركل ) ماماااا .. شهد : سيف أنا حاملة .. سيف ماض بسرعة توكض نطق بفرح : واااايلييي هههههه دخلنااا علييك بالله .. شهد : شفتك فرحتي راه ابرار باقا صغيرة اسيف .. سيف : شناهو منييتك هادا رااه رزق اللحمقة رززق ( ناض دار عندها وهزها كيدور بيها تابدات ضحك بلهلا يطريه ليها تاشافتهوم ابرار كضحك ) .. ابرار : تانا باابي تااانا تاانا .. حط شهد وهز ابرار كيدور بيها .. شهد : ابشوية عليها اويلي هههههه .. سيف : ( جرها تاهية وعنقها من اليد الاخرى ) شنو دابا خايوليو عندي جوج فريخات .. شهد : ممم يقدر يكون وليد .. سيف : ولكانت شي اميرة بحال ابرار شكون بحالي .. شهد : ( شافت فيه بعينيها المكحلين ) كنبغيك يا احسن حاجة وقعاتلي فحياتي ( عنقاتو وهي تشدها ابرار من الشعر .. ابرار : بااابيييييي ... سيف : اهيااا رصاي هههههه .. شهد : ايي حشوومة اييي فكليها يديها .. سيف : واختي بنتي كتغير شغاندير انا .. شهد : ياك لموك .. ابرار تخشات فعنق سيف وخرجاتليها لسانها تابدات شهد كضحك .. شهد : لاكنت غانجيبليك شي فنكوشة بحال هاد الخانزة راه غايديوك ليا ويخليوني بلاش .. حط ابرار كتلعب فالارض وجرها من نصها حط شفايفو على شفايفها : واش ماين شي واحد كينسا الاصل ؟ دورات راسها بلا .. وهو يضرب جبهو مع جبهتها : ايوا شفتي .. شهد : شحال باقي لراس العام ؟ .. سيف : عشرة الدقايق !! شهد : ههههه .. هز ابرار وجرها مشاو لحدا الشرجم طبعا كانو فبرج خليفة كيطلو، وبداو احسبو تاوصلات وهوما يبداو اطرطقو وطاكشي طالع هابط وهوما كيبانليهوم منضر وااعر وهاد المرة كانت هديتها لعيد ميلادها انهم غايدوزوه فدبي ... سيف : عيد ميلاد سعيد مدام تاجدين .. شهد : كل عام غاتبقا تخليني نقول هادا احسن عيد ميلاد بالنسبة ليا !! .. سيف : هاد المرة بثلاثة العام الجاي غانرجعو بربعة .. اكحلة عيوني ...
#النهاية - Fin
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
عموما ماعنديش مع كلمات النهاية ولكن فكل الاحوال حبيت نعطيكوم هاد القصة لي بدايتها كانت واقعية واواخرها كانو من كتاباتي وبغيت نقوليكوم ان ربي ماكيحيدليك حاجة حتا كيعطيك حوايج، غير خليو املكم بالله قوي ..
هي كحلة العيون هي العاگرة لي تطلقات وهي لي حملات واخا مامزوجاش وهي لي بغات وعطات فرصة ثانية لراسها .. ماشي عيب نفشلو فشي حاجة ولكن العيب هو نكملو فداك الحاجة .. كنعتاذر على تأخيري مي غير حيت القصة جاتني فاوقات الدراسة وكانت مزيرة عليا شوية وصافي ..
اخواتي كنتمنى يعجبكوم سطوري المتواضعة وكنبغي اي وحدة قرات تخلي رأيها فتعليق وشكرا على المتابعة ديالكوم وبغيت نخلي ديما لمسة هاد الثنائي فقلوبكوم ..
#سيف_الدين & #شهد #كحلة العيون
💫 القصة خدات فكرتها من ڤيديو كليب سيف نبيل والإسراء الأصيل
تأليف : زهور
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
