الحلقة 43 بعد نص ساعة .. طبيب خرج .. بعدما خرج الرصاصة من جنب اشرف .. كتبلو على دوا وحطلو سيروم .. ياسمين كانت واقفة وتشوف فيه .. قربت ليه وقعدت بحذاه .. وبقات تمسحلو على شعرو .. وتبكي .. كل ليلة ياعمري .. كل ليلة نخاف عليك كثر .. ونخاف على روحي كثر وكثر .. خايفة عليك من الشئ الي راك فيه .. شوية وبقا يهلوس .. نحب نشرب لماء ..
ياسمين ناضت تجري تجيبلو كاش ماء .. واذا بيها فاتت على بلاصة حست بالارض تحتهاا دير فالحس .. مدلتو الماء وشرباتو .. ورجعت الكاس الارضية دارت نفس الحس .. استغربت .. هبطت للارض نحات التابي واذا بيها ارضية متنقلة .. طبطبت فيها تحوس على حاجة واذاا بيها تنفتح .. خرجت صندوق صغير .. وبعض الدفاتر الصغيرة .. شدتهم في يدهااا.. وشافت في اشرف ..
بقات تحاول تفتح الصندوق اما ماقدرتش .. ناضت تحوس على حاجة .. حلت الجرور وبقات تحوس اما مكان حاجة .. قعدت تشوف يمين وشمال .. حتى شافت سنسلة في رقبة اشرف ..فيها لوقو تاع رصاصة ناضت نحاتهالو .. ودخلت الرصاصة فالقفل .. واذا بيه انفتح .. كانت مجموع سيديات واوراق جبدتهم وبقات تقرااا ..
حكمت صورة بين يديها .. كانت تجمع بين راججل وامراة وطفل صغير .. حكتها بين يديها وبقات تتفكر وين شافتهااا .. قلبتها .. عامر بن مهدي ونائلة بن مهدي .. نفس اسم اشرف .. يعني هاذو والدين اشرف ..
فلاش باك .. اليوم لي دخلت فيه ياسمين وسلاف للبيرو تاع عبد المجيد .. اول مادفعتها سلاف طاحو كامل لكتب ..
ياسمين ناضت اخ راسي .. اول مادارت شافت لعجب ... واش هذااا
سلاف .. وشم تاع جمجمة وفيه رصاصات بزاف .. (الصورة)
ياسمين شاف في سلاف .. وقدمت خخطوة وذفعت الباب هذاك ياسمين شعلت الضو تاع التلفون .. واذا بيه كاين درج لتحت .. دخلو للزوج في رحبة .. وبقا يهبطو بلعقل .. وكل ميهبطو نبضات قلبهم تعلى كثر وكثر .. وصلو لتحب ..
سلاف .. واااااا ... هذا مقر لتحت .. مقر تاع جوسسة هذااا
ياسمين قربت وقعدت تشوف .. نفس لوشم الى على لباب على الحيط وجاي كي شغل خريطة .. وكان كاين قريب 4 تاع شاشات مراقبة موصولة في بلايص مش معروف لوين ..
سلاف قربت للحيط الى عليه لوشم .. مكتوب 16 shots .. كان كاين مجموع من الصور .. مربوطة بخيط احمر .. صورة راجل لفوق .. مكتوب عليه النمر .. شوية موراه كاين عصام ووردةة .. زيد موراهااا اووف .. زياد ورونزاا.. ومرارها صورة تاع امراة مكتوب عامر و نائلة .. يعني الصورة تاعهم الي بين يديها تاع ام اشرف وابوها ..بقات دقق مع نائلة ورنزاا مش معقول توام يعني صهيب واشرف ولاد خالة ..
ياسمين حكمت الكتاب الي محطوط .. قواعد المنظمة ..يعني بابا هو واحد من المنظمة
سلاف كانت ملهيك تشوف .. ارواحي شوفي لعجب ارواحي ..
·
الحلقة 44 ياسمين حطت الكتاب وراحت تتتمشى ... لقات كي شغل كلينيك صغير .. كرسي تاع مريض ..ضو لفوق .. وصور تاع راجل من اول وحدة لاخر وحدة كانت صورة عبد المجيد .. بابا بدل وجهو
سلاف خبطت صدرهاا .. مكانش منهااا
ياسمين ..شوفي شوفي من وين يبداا .. هاذي اول صورة ليكي التحول ..ليكي كيفاش ولا يعني ولا عبد المجيد
سلاف تسما الراجل الي راكي تخدمي عليه هو نفسو بابا
ياسمين قعدت وحطت يدها على راسهاا .. مانيش مامنة .. مانيش مامنة
سلاف شدتها من كتفهااا .. وش رح نديرو ضرك .. وشكون هاذذوك الناس الي مشطب عليهم بالاحمر
ياسمين ماعلاباليش .. ماعلاباليش ..
نهاية الفلاش باك
ياسمين عينيها دمعو وهي تشوف في اشرف .. عاودت رجعت وبقات تقرااا .. في مذكرات نتاعو .. بقات تقراا وتقراا .. حتى وصلت لصفحة .. لفتت الانتباه نتعهااا.." خرجت من الميتم في سن 11 .. او بالاحرى هربت .. كنت اعلم دائما انا والديااا كان ضحيتا النمر .. عملا معاا .. وانشاا منظمة بعد مدة تمرد النمر على الجميع .. واراد الغاء كل الاشخاص الذين كانو معه .. في قتل ..سرقة او اغتصاب ..
لمنظمة كانت عبارة عن ميليشيات .. قامو بااختلاس الكثير من الاموال .. قتل الكثير من الاشخاص ..
كان في المنظمة الكثير من القتلة المستئجرين .. وعندما اراد النمر مسح اثاره .. امر بسجن والدي .. وقتل والدتي .. ياسمين بلعت الكتاب وتكات حطت يدها على وجههااا.. "زعما اشرف يكون عرفني شكون اناا.. اه .. زعما يكون شافت فيه .. ورجعت قعدت ..
فااتت اصعب ليلة على ياسمين .. قرات فيها حقاقئق بزاف .. اما مش عارفة اي واحد منهم صحيح حقيقة ابوهااا .. ولاحقيقة انو اشرف ووالديه كان ضحية المنظمة هاذي .. طلع الصباح وهي مزالها تقرا ومع كل حرف تفقد ايمانهااا بالدنيا والناس .. وقبل لايفيق اشرف رجعت كامل الصوالح لبلايصهم ..
وقفت قابلة الزجاج وربعت يديهااا .. راسها مشوش بزاف لدرجة انها مش عارفة روحها وش رح دير ولا وش رح تحكيلو يعني رح تسلم عبد المجيد لاشرف .. ماحست غير بيه يتحرك مسحت عينيها بالزربة وراحت ليه ..
اشرف شاف فيهاا مزالك لهنااا ..
ياسمين بقات تسقملو فالمخدة .. بت معاك لهنااا كنت في حالة
اشرف حكم سيججار وجا يتيكيف ياسمين فكتلهولو مش وقتو لازملك راحة ولازملك دواا
اشرف ضحك .. يابنتي انا راني ميت واش من دوا خلاص روحي
ياسمين مسحت وجهاا .. علاش ديما تعاملني هكاا اه .. علاش ديما هكا غامض ولاواحد يعرف عليك حتى حاجة علاش ديما تلعب فيها دور الصعب
اشرف جاوبها ببرود واحد ماطلب منك حتى حاجة ديري خدمتك برك فهمتيني خدمتك
ياسمين طلقتها مرة وحدة .. انا نحب نخرج من لمهة هاذي .. لاني تعبت اشرف منك من برودك من كل حاجة فيك .. مانعرف عليك حتى حاجة ..
اشرف ناض وبقا يقفل فالشميز نتاعو واش تحبي تعرفي احكي
أنت تقرأ
16 shots / عيار ناري الكاتبة منال منولة 16
Actionهي تلك الحكاية التى تروي قصة شاب عاش في ظل الفساد وصار اداة لتحقيق الاهداف ..هو اشرف ذلك اليتيم الذي شهد مقتل امه ودخول والده السجن ..الشئ الذي ولد في نفسه رغبة بالانتقام من كل من ساهموا في دمار عائلته الجميلة .. ولكن كيف الطريق الى تحقيق ذلك سوى ال...
