#بنات_إبليس💭🔥
وسط ممر الحبس كل السجينات يشوفولي
بطريقه مرعبه !!كأني عدوتهم رغم اني اول
مره نجي للمكان هاذا بس عادي المصحه
النفسيه يلي نشتغل فيها علمتني كل
شي ...مشيت بي ثقه لعند نهاية الممر وقفت
وفتحولي الزنزانه ... خذيت نفس عميق
وخشيت بي اصرار.
الدكتورہ:حطت الكراسه والقلم ع الطاوله
الموجوده وقعمزت علي الكرسي ... شنو ياحلوه رح تحكيلي قصتك زي ماتفاهمنا امس صح؟
البنت:تلفتت وعلامات الشحوب علي وجها من التعب والارهاق لون جلدها متغير كأنها انسانه میته وناضت حيه!!... بصوت هادي
تكلمت ...اي قصه؟
الدكتورہ:لاعاااد مترجعيش في كلامك امس تفاهمنا تحكيلي قصتك ولا؟
البنت: نحنا بنات ابليس.. قصصنا هلبا اي وحده تبي؟
الدكتوره:كلهم عطيني من نقطة الصفر واحكي كل شي
البنت: قامت راسها وباعدت شعرها المبلول من علي عيونها... شن بديري بي قصصنا؟
الدكتورہ:نحاول نساعدك مثلا مرات انتي مضلومه
البنت:ضحكت...ههههه اي ضلم !؟ انا اسوء وحده ممكن تتخيليها فيهم!
الدكتورہ:ابتسمت تحاول تخليها ترتاح.... به احكيلي وانا نحكم
البنت: بلعت ريقها وتحرك في يديها بتوتر
الدكتورہ:هي شنو ؟
البنت: خذت نفس وبدت تحكي بصوت واطي ...طول عمري منحبش الدم وعندي منه فوبيااا ..لسبب هاذا قتلتها بدون ماتحس علي روحها وبدون قطرة دم وحده
الدكتورہ:ليش قتلتيها!؟ شن دارتلك
البنت: قامت راسها وكانت نضرتها حاده... مش شرط تكون مدايرتلي شي
الدكتورہ:استني استني ... احكيلي من البدايه متقوليليش السبب طول
البنت:ابتسمت ابتسامه غريبة وبدت تحكي
🔥رِوايَــــــــــاتْ بــــــَــــــنــــوتــِةْ الشــــِــيـــــــــخْ 🔥
🔥أروى الطــَــــــاهــــــِرْ المــــــســــلاتـــــــــي🔥
نعمات:غير زيدي كلمي راجلك يخليك تباتي حتى الجمعه يلي فاتت روح بيك
شيماء:تسلم علي امها ... والله منقدر جنی غضوا عندها مراجعه
نعمات:باست جنی ....نجيها الغزاله ياربي
شيماء:هي بسلامه تصبحو ع خير
زهرہ:طلعت معاها..هاك القرفه مش من بكري تنقي ع راسي
شيماء:خذت منها.. اي والله الدوره مقطعتني نجيها وخيتي ❤️
زهرہ:تعالي ونبي غضوا وجيبي بنيتي حبيبتي .. جمالها ياكبدي زي خالتها 🤤❤️
وكان متبيش تجينا انا نجيك احم احم
شيماء:ههههه بتجيني انا ولا لي سلفي يابارده
زهرہ:اششش متحكيش علي حبيبي بالك تتعبي من الدوره غضوا وتبيني حاجه نديرهالك 😅
شيماء:لا ياحني خليك مع امي منبي منك شي
زهرہ:دراه کبد یالله اقلبي وجهك لي راجلك 😒
شيماء:طلعت وهي تضحك ❤️
زهرة:اشرتلها بيدها ..باي وسكرت الباب
————————
في الطريق:—
محمد:وراس اغلا شي عندك قبل ما تركبي اقعدي تعشي لوطا مع خواتي وامي
شيماء:اي ويقعدو كل شوية يلقحو عليا في كلام تعرفني منتحملش محمد
محمد:تنهد بصوت واطي...كان ركبتي طول بيقولو عليك قليلة اصل مخشيتيش سلمتي شيماء علي خاطري خشي حتى 5دقايق
شيماء:منبيش منبيش منبيش خلاص سكر عليا الموضوع درهتلي كبدي
محمد:درس السيارة وعصب عليها... انتي شكلك متمشيش بالكلمة الطيبة ورحمه امي متخشيش لوطه تتعشي وتتحركي زي نساوين خوتي تشوفي شن بيصير يا شيماء وجربي
شيماء:نزلت من السيارة تخبط وخشت لي حوش العيلة وعلامات وجها وااضح خاشة بالسيف!!
ام محمد:كيف حالهم اماليك
شيماء:يشكرو ربي 😒
منال(سلفتها):خيرك يا سلفتي كأنه فيك شي ولا حميده الغالي مكشخ عليك
شيماء:محمد مدلعني غير شن تبي بس انتي يلي معين كل يوم مرقدك بي طريحة وصوتكم واصل اخر الشارع
منال:شافت لي عزوزتها
ام محمد:هي ترا انتي وياها كان بتقعدو هكي كل وحده تركب لي حوشها انا مرا كبيرة ومعش نتحمل
سلمى(حماتها):وجوه الشر ما عمرها خشت علينا بي حاجه باهيه
شيماء:تجاهلتها وكملت هدرزة مع سلفتها الثانية(ليلى)
سلمى:غمزت لي بنت منال... سلم بنت خوي نوضي جيبي قهوا
رتاج:به حاضر... وناضت جابت القهوا جت بتفرق لاكن خذتها سلمى
سلمى:هاتي سلم بنتي.... بدت تفرق عليهم وخلت شيماء اخر وحده
شيماء:خذت القهوا تشرب ومتجاهلتهم عشان المشاكل اما منال ابتسمت لي سلمى بهدوء!!
————––—–—
محمد:مقعمز جنب خوته يهدرز بنته في حجره ❤️ وضميره يأنب فيه لأن كشخ علي شيماء!!
صح ديما امه و خواته لازم يضايقوها بس في نفس الوقت ميبيش امه تغضب عليه او شيماء تقاطع العيله !!
شيماء:طلعت من حوش العيله وقفت ع المربوعه... كيف الحال معين
معين:الحمد الله تمام يبارك فيك
شيماء:انا راكبه محمد
محمد:اهو جاي حتى انا
شيماء:تمام... وركبت حوشها غسلت وجها كانت حاسه بي شي غريب لاكن مدورتش ممكن من اعراض الدوره مثلا!
لبست قفطان النوم وحطت شوي بارفان بالك يخليها تصحصح
محمد:ماسك بنته في يده وورده في يده الثانيه
شيماء:ابتسمت
محمد:عطاها الورده وباسها علي راسها.... سامحيني عارف عصبت عليك
شيماء:خذتها ومدارتش ردت فعل... فيك الخير والله
محمد:حط بنته ع السرير وكانت نعسانه هلبا...
شيماء:سكر الضي محمد تاعبه نحس في روحي بنرقد
محمد:سكر الضي وطلع برا الدار يدخن... احيانا يضايق من تصرفاتها معاه !! يعني هو يقدر فيها ويستسمح منها بطريقه رومنسيه لما يبدا غالط!! بس هي جااافه لدرجه مش طبيعيه معاه وديمه كلامها حار!...بس مع هاذا تقعد غاليه عليه وام بنته❤️...كمل دخانه ورجع غرفة باس جنى ع راسها ورقد جنب مرته يلي عطاته بضهر!
————————
معاذ:تي هيا الزح استاحشتك امتى بتجي حوش اختك
زهرة:مزااال زيد استاحشني😊😊
معاذ:بديتي ادرهيلي في كبدي ره يا فرخه
زهرة:اصلا عادي المهم زيد استاحشني
معاذ:كلها شهور ونجي نخطبك بعدين وريني كيف بتهربي مني به!
زهرة:بعدين ساهل المهم توا خليني ندلل براحتي😌
معاذ:اخخخ منك بس قداش نحبك
زهرة: مش اكثر مني
🔥رِوايَــــــــــاتْ بــــــَــــــنــــوتــِةْ الشــــِــيـــــــــخْ 🔥
🔥أروى الطــَــــــاهــــــِرْ المــــــســــلاتـــــــــي🔥
ثاني يوم:–🌤️🌤️
محمد:فتح عيونه علي صوت بنته تبكي بصوت عالي... استغرب في شيماء كيف راقده عادي وبنتها تبكي... ناض مسك بنته يلي كان وجها احمر من العياط يحاول يهديها وعيونه شبه مسكرات... وقف جنب شيماء وينوض فيها
محمد:شيمااء شيمااء نوضي لبنتك
شيماء:مفيش اي حركه
محمد:زاد حركها بقوه وصوته عالي... تي نوضي يا شيماء
شيماء:فاشله بدون اي حركه هنايا محمد عرف ان في شي مش طبيعي !...حط بنته ع السرير وكانت مستمره في العياط قرب من شيماء ويفيق فيها... شيماء شيماء حبيبتي نوضي!! شيماء بنتك تبكي
شيماء:......
محمد:حط صبعه علي يدها مفيش نبض!!!...وكان جسمها بااارد ملامح وجه محمد تغيرت وبدي يرجف مش مستوعب يطبطب علي وجها.... شيماء نووضي بالله نوضي بنتك تبيك شيماء.... ناض بخطوات متعثره وسط عياط بنته جاب اميه ويديه يرجفو مسح علي وجه شيماء ومفيش فايده كان جسمها بارد وفي عالم تانيه
محمد:خدي بنته وخش في حاله هستيريه!!.. عيونه دموع بس رافض فكرة ان مرته توفت 💔...يتبع
قصتنا قاعده مبدتش مزال في قصص ناس تانيه وشخصيات جديده وغريبه بتطلع السؤال هوا تبوني نكملها؟وروني التفاعل!
