·
الحلقة 52 صهيب حس براحة كبيرة بعد الشئ الي دارو ... خلاص العم وابن الاخ رح يوقعو بعض .. رح يقتلو بعض .. كان واقف فالبالكون شاد كاس تاع ويسكس في يدو والسيجار فاليد الاخرى .. نسبة الادرينالين في دمو مبوطة لدرجة كبيرة .. بلاك الشئ الي دارو مارحش يرجع زياد .. اما بلاك كي يشوف اشرف ميت يحس شوية بالراحة ..
في لحظة فات عيه طيف سلاف وهي تضحك .. حط لكاس ودخل جاب التلفون تاعو ...ماينكشرش انو توحشهااا .. والمرة الاخيرة كي كانت بين يديه .. كانت كيما الزبدة .. بوساتهاا لمساتهاا كلشي فيهاا يعشق .. ضحك على روحو قاعد يخمم فيهاا .. وعرف بلي يكنلها مشاعر كبار .. كومبوزا النيمرو وبقا يعيط ..اما يعطي مغلق دايما .. " طلع حاجبو وين راحت الفرخة هاذي "
رؤوف دخل ني احم ولادستور وتبزع على الفوتاي .. وش حبيبي نسيتني كامل
صهيب طلع حاجبو .. سلاف مارجعتش مرة اخرى
رؤوف ..اخر مرة خرجت وهي تبكي .. عرفتها بلي ضربتها بعشقة فيك ونتااا رفضتهااا
صهيب قعد ومسح وجهو .. طفلة صغيرة بزاف عليااا .. زيد حياتي غير قتل وسلاح ماعندهاش بلاصة
رؤوف عدل روحو مليح .. اعترف روحك مرة فحياتك ..
صهيب ضيق عينيه كيفاش ..
رؤوف اعترف لروحك بلي ماتقدرش تعيش مع امراة وحدة ..لازم كل يوم طفلة في فراشك .. تعودت على السهرات والخماج نعرف ..بصح كسرت قلبها برفضك
صهيب ضحك .. وش تحبني ندير
رؤوف .. دخلتلها فاللعب تاعك ..تجبد ممبعد ترجع .. اوهمتهااا بالحب هي صغيرة اكيد تكون تحطمت مرة وزوج فهمتني
صهيب رك تخلط رؤوف من وقتاه انا نلعب ببنات الناس
رؤوف .. ناض وجا خارج .. طول عمرك كنت واضع وصلت لسلاف ولعبت دور الرخيس ..
صهيب انصدم من الحقيقة الي قاعد يسمع فيهااا .. كيفاش
رؤوف كيما سمعتني .. دير فيها بليزير وخرج من حياتها تبقاش داخل خارج .. هيا سلام ..
كلمات رؤوف وجعت بزاف صهيب .. الرجل النسوانجي الي اتهم كان الشهوة تاعو يطفيها وخلاص .. اما هاذي المرة عرف روحو بلي غلط والغلطة كانت كبيرة لدرجة كبيرة بزاف ..
اشرف فاق .. لقا ياسمين راحت حط يدو على راسو .. ناض وبقا يدور .. مش فاهم روحو وش يحب .. عقلو بين الانتقام لوالديه وبين حب ياسمين الي قاعد يكبر كل مرة فقلبو ..جبد تصويرة والديه من جيبو وبقا يمسح عليهااا .. " ديما كنت تقلي بلي اذا حبيت تنتقم من اعدائك لازملك تبني قبر بحذاهم .. وانا قاعد نموت ولاول مرة في حياتي تايه .. لدرجة كبيرة .. حط الصورة وبقا يشوف في صوالح ياسمين .. كان كتب تاع شاكسبير ... تبسم اول ماتخيلها دارها نواظرها وتقرى فيهم ... بقا يفتش تاني .. شال نتعهاا .. رفدو بين يديه واستنشق بكل قوتو .. هي المخذر تاعو هي كلشي عندو .. شوية وجارايح لفتت النظر نتاعو صورة العايلة نتعهااا .. بقا يشوف فيها مع سلاف .. شويةة حتى شاف تصويرة عبد المجيد طلع حاجبو .. شايف البنادم هذا من قبل ... وين وين وين .. جبد الصورة من جيبو واذا بيه صورة مطابقة للطبيب الي كان يحوس عليه
· للطبيب الي كان يحوس عليه
الحلقة 53 رفد التلفون .. كوموبوزا النيمرو تاعهااا .. بقا يصوني بصح بلا رد .. ارفدي ياسمين ارفدي ..رما الصورة فالارض وخرج يجري .. حسو قلبو بلي صاريلها كاش حاجة ..
عصام كان قاعد داير رجل على رجل .. وحاط كامل الدوسيات قدامو .. قاعد يطبل على البيرو .. يعني اشرف كان يخدع فيا لوقت هذا كامل .. ومع شكون بنت ماتسوى والو .. شوية وضرب كامل الصوالح من على لطابلة ..
وردة الي شافت بلي كاين طفلة صغيرة تعيط لتحت دخلت عندو تجري .. واش كاين .. تاعش لعياط هذاا
عصام ..بلا يشوف في وجها ..اخرجي .. مانيش حابب نشوفك براااا
وردة زيرت على سنانهااا ..رح تقولي شكون لطفلة هاذي .. منين جبتهااا
عصام ناض وقلب البيرو .. خطفتهااا... ريحتي ضرك .. عندي حساب مع عايلتهااا قوي لبراااا ضرك
وردة استغربت .. حتى جاها الضحك .. واحد فقد بنتو من وقت طويل .. زعما في ذاك الحال .. محروق قلبو عليهااا .. وجايب طفلة مخطوفة جامي شفتهااا
عصام .. برا اخرجي علياااا ..شدها من الذراع وخرجها لبرااا ..
وردة بقت تعيط اطقني .. اطلقني الله لاتربحك .. اول ماخرجها خبط الباب بكل قوتو .زهرة زيرت على سنانهاا .. "رح تشوف وش ندير فيك ..
ياسمين الي كانت في حالة .. من اول ماااتصل بيها المختطف تعليمات كانت واضحة بزاف .. اذا تحب تحافظ على حياة اختهااا ..لازمهااا تقطع اي علاقة بااشرف ... زيد اي محاولة للاتصال مع لابوليس يعني موت سلاف .. ولازمها تسلمو اخر فلاش ديسك على المنظمة .. يعني اذا تسلم رح يمحى اخر اثر للمنظمة ..
دخلت لببيرو بقات تحوس على هذا الفلاش ديسك .. متجاهلة عبد الحميد ومتجاهلة كامل العواقب .. بقات تحوس وسط لكتب .. وسط لدوسيات كامل هاذوك .. من خوفهاااا طيحت زجاجة وجرحت روحهاا.. كانت تحوس وتبكي بهستيرية .. بلاك الاب الى اعتباراتو ابوها من وقت طويل مايخرجش كيما في مخيلتهااا .. بلاك يخرج شخص اخر .. قاتل مغتصب .. ومعتدي .. بعد ساعة كانت قاعدة في وسط لكتب هاذيك ودايرة راسها بين رجليهااا ..
دخل بلعقل .. وقعد مقابلهااا .. يعني عرفتي كلشي
ياسمين طلعت راسهااا .. يديها كانو معمرين دم .. ووجها حمر منفخ من كثر مابكات
عبد المجيد .. كنت حاسب بلي رح تكونو حماية ليااا .. بصح عرفتو السر
ياسمين ناضت ... مدلي الفلاش ديسك تاع 16 shots الي فيه اخر مهمة درتوهااا .. مدهلولي
عبد لمجيد .. ضحك .. علاش نمدهولك
ياسمين ولات تحكي بهسترية قتلك مدلي االفلاش سلاف رح تموت
عبد لمجيد دار رجل على رجل .. يعني خلاص نتهت مدة صلاحيتهااا .. نتوما كنتو الستر نتاعي .. ههه بنات كيما اللويز عايلة .. وراجل مرتو ماتت مضحي
ياسمين .. بلعت ريقهااا حتى انا مانيش بنتك صح
عبد المجيد .. هاذيك هي .. صبتك في ملجااا كي كنت مسافر جبتك من بلاد بعيدة . وكتبتك على اسمي
ياسمين عينيها دمعو يعني مانيش بنتك اناا
عب المجيد للاسف .. ماكيش بنتي
ياسمين كانت تدور بهستيرية تقول فقدت عقلهاااا .. ممدلي الفلاش ..مدلي لفلاش
عبد المجيد .. مانقدرش .. هذااا رح يحميلي حياتي ..
أنت تقرأ
16 shots / عيار ناري الكاتبة منال منولة 16
Açãoهي تلك الحكاية التى تروي قصة شاب عاش في ظل الفساد وصار اداة لتحقيق الاهداف ..هو اشرف ذلك اليتيم الذي شهد مقتل امه ودخول والده السجن ..الشئ الذي ولد في نفسه رغبة بالانتقام من كل من ساهموا في دمار عائلته الجميلة .. ولكن كيف الطريق الى تحقيق ذلك سوى ال...
