Ang League of Angels ay samahan ng mga bayaning tinangkilik natin noong mga nakakaraang taon. At ngayong 2020 ay malugod kong binubuksan ang kanilang pahina upang lumipad at harapin ang mga bagong pag subok na parating sa kanilang tadhana. Muli nat...
Oops! Ang larawang ito ay hindi sumusunod sa aming mga alituntunin sa nilalaman. Upang magpatuloy sa pag-publish, subukan itong alisin o mag-upload ng bago.
henry as Bart
*******
PAUNAWA:
"Hindi lang ikaw ang manunulat sa mundo. Ang ano mang pagkakahawig ng tauhan, lugar at pangyayari sa totoong buhay ay hindi sinasadya ng manunulat. Ang mga nilalaman ng akdang ito ay pawang kathang- isip lamang. Kung hindi mo gusto ang iyong binabasa maaari mong lisanin ang pahinang ito. Maraming salamat po."
Ang Tadhana ni Narding 3
League of Angels
AiTenshi
Dec 18, 2019
"Tapos na commander, sumuko kana at tanggapin ang pag kawala ng iyong anak." ang wika ko.
Hindi siya sumagot..
Napaluhod ito at napaiyak nalang..
Kasabay nito ang pag dating ng media sa pangunguna ni Liza Mae Lawit, dumating rin ang iba pang pulis at sila na ang dumakip sa mga salarin.
Part 10: Haplos ni Bart
"Isang malaking rebelasyon ang naganap ngayong hapon matapos na sumambulat ang malagim na katotohanan sa likod ng sunod sunod na dukutang nagaganap sa buong siyudad. Ngayon mga oras na ito ay natuldukan na ang isang malalang bangungot para sa nakararami. Isang malaking pasabog rin na malamang mga matataas na pulis rin ang nasa likod ng karumaldumal na pag patay sa mga biktima. Ang mga sindikatong ito ay tiyak na ikukulong at papatawan ng patong patong na parusa. Samantalang ang mga pulis na sangkot sa pamumuno ni Commander Hunghang ay pananagutin ng kataas taasang batas.
Salamat na lamang dahil mayroon tayong bayani na nakahandang ipag tanggol tayo sa oras ng pangangailangan. Hanggang ngayon ay hindi pa rin kumukupas ang kanyang natatanging katapangan! "Maraming salamat sa iyo Super Nardo, ano naman ang mensahe mo para sa iba pang taksil na alagad ng batas?"
"Ang bawat krimen ay may katapat na kaparusahan. Mayroon pa tayong panahon para mag bago."
"At ano naman ang mensahe mo para sa mga fans mo? Balita ko ay gusto ka nilang kunin para gumanap na super hero sa pelikula. Ano ang masasabi mo?"
"Wala akong panahon para doon. Pasensiya na ngunit kailangan ko nang umalis."
"Teka lang super Nardo, ano ka ba naman masyado kang nag aapura. Hindi mo pa binabati yung inaanak mong si Cherry Mae!"
"Cherry Mae! Halika dito at mag mano ka sa ninong Super Nardo mo."
(Nag tatakbo nag bata palapit sa kanya.)
"Wala na, lumipad na siya. Ang bagal bagal mo kasi! Anyway iyan po ang nag babagang balita sa hapong ito. Ako po si Liza Mae Lawit at ito naman ang aking anak na si Cherry Mae Lawit Smith! At ito ang ADS GCN! Iputok mo!"
End of report..
Pinatay ni Cookie ang tv..
"Ewan ko sayo Narding, sumobrang suplado mo sa TV. Hindi mo gayahin si Jorel o kaya ay si Nai na nakikipag biruan pa kay Liza Mae. Ibang klase rin yung babaeng iyon, lahat yata kayo ay kinuha niyang ninong ng anak niya. Pero alam mo hindi talaga ko nag enjoy sa bakbakan natin sa halimaw na iyon, walang thrill e, sobrang weak niya!" ang hirit ni Cookie.
