بداية معظم او كل الحكايات جملة.. معرفتش جملتي المحددة اللي بدات بيها حكايتي معاه وقتها لاني معرفتش احدد اصلا بدايتنا كانت امتي .. معرفتش امتي انا حبيت و ازاي اصلا و ليه هو
ف يوم كان غريب لقيت منه سؤال استغربت جدا ازاي ف غريب يجي منه سؤال غريبة طبعا..!! ولاول مرة كنت ارد ع غريب فبقيت اغرب منه.. و كأننا اتنين مجانين بيسالو ع بعض عشان مبقاش ليهم حد و مفيش انسب من المجانين عشان يفهمو بعض .. و فعلا دا اللي حصل بعد مجرد سؤال جر سؤال جر سؤال كله كان عن الاحوال اللي هو ازيك الحمد لله تمام و انت اخبارك و هكذا.. حتي اتبدلت الاحوال لتشمل سؤال عن اليوم و باقي الاحوال.. و هل ف فرصة اعظم لتكوين صداقة الا الاهتمام بالتفاصيل اليومية و مشاركة الاحداث.. تتدريجيا اصبح السؤال منتظر ممكن يجي و ممكن لا.. ممكن الكلام يطول و ممكن ينبتر ممكن زي المتوقع و ممكن يقطع القلب م الخذلان.. ايام بتجر ايام و القرب بيزيد كمان و كمان.. من غريب لصديق لصديق مقرب اووي و كل دا و المفروض اننا نكون حاجة واحدة بس نكون اغراب بس مفيش اصعب من ان الغريب يكون اقربلك صديق.. شئ غير محتمل..
يتبع
