عشق محرم 🧞‍♀️عشيقة العبري 🧞‍♀️

‎الجزء ١٣ تتمة من قصة العشق المحرم

🔯 الجزء ١٣ تتمة من قصة العشق المحرم 🔯
🕎 بقلمي أنا ريم 🕎
جميلة : (قلبها كايضرب) اوووف حشمت !!!!
دعاء : واااااا عباد الله معامن أنا (بنفاد صبر) يا الله كتبي ليه غي مساج !
جميلة : (خدات تلفون و صبيعاتها كايترعدوا) ناري (خنزرات فيها دعاء) واخة انا انكتب صافي غي تهدني ....
دعاء : (عوجات وجهها) عصبتيني !
جميلة : مممممم (كملات) صافي ساليت (ذخلات نمرة ديالو و صافطاتو) ناااااري على شوهة درت (قبطات حناكها لي ولاو حومر) وليت أنا كانسافط لرجال ميساج !
دعاء : واع ، زتي فيه لي يسمعك يقول راك مزوجة و كاتخوني راجلك !!! عيشي عيشي ماحدك صغيرة !!!
جميلة : (حطات راسها على الطبلة) تخيلي مايجاوبنيش !
دعاء : تفو على متشائمة !
🔯🔯🔯🔯🔯🔯🔯🔯🔯🔯
🏢🏢 بشركة زيماك ZAYMAK 🏢🏢
خرج جوزيف من بيرو صاعر باتجاه الموظفين لي غي شافوه جاي معصب و هما يكحلوا بالعما ...
جوزيف : (خبط الملف فالأرض) شكون القحبة د مو هذا لي خدم هاد دوسي ؟
(كلشي بقا ساكت و حاني راسو)
امرأة : (كاترعد) أنا اسيدي !
جوزيف : (حلاقو خرجو) واش قارية زامل بوك فالزحام ؟ الملف عامر بلاخطاء ديال دراري صغار ! فين كان عقلك منين كنتي كاتكتبي !
امرأة : (كاتبكي حيت هاد الخدمة لي معيشاها) سمح ليا ا سيدي و الله حتى عندي المشاكل بزاااااف فالدار ! عافاك ا سيدي اخر مرة !
جوزيف : (بعيون مخيفة) غادي تصحيه دابا عندك نص ساعة و لا هزي حوايجك و قودي عليا براااا (شاف فيهم كاملين) لي عندوا شي مشكلة يخليها فخربتو ! هادي بلاصة ديال الخدمة (مشا و خلاهم)
الراجل ١ : (بأسف) وا الله يعطيك أ بلادي غي الغراق ! منين ولاو اليهود كايمسحوا بينا الأرض ...
الراجل ٢ : عرفتي الا سمع ! ليوم تبات تسعى فالزنقة !
الراجل ١ : شتي كون ماكانش كايخلصنا مزيان كون هربت بحالي من هاد الحبس !
الراجل ٢ : وا هنتا قلتيها بفمك ! كايخلصنا مزيان !
🔯🔯🔯🔯🔯🔯🔯🔯🔯🔯
(بعد ما مشا جوزيف باتجاه البيرو ديالوو غلس كايغلي كايقرى فالدواصا لخرين ، ما هز راسو حتال بعد مدة باش هز تلفون يشوف شحال وصلات الساعة حتى كايلقا مساج)
جوزيف : (عقد حجبانو و قرا بصعوبة) slm ana Jamila w hada num dyali (ابتاسم بعد ما كان وجهو عابس و ناض كايطل من السرجم الكبير لي فالبيرو ديالو و لي كايطل على المدينة كاملة )
🔯🔯🔯🔯🔯🔯🔯🔯🔯🔯
🏫 وصلات 2 و البنات كانوا غاديين باتجاه لونفي ... حتى صونا تلفون 🏫
دعاء : (كاتغوت بحال شي حمقة) جاوبي جاوبي !!!!
جميلة : ناري واخة واخة (قلبها وقف بالخلعة و هضرات كاترجف) أاااالللو ؟
جوزيف : (بصوت رجولي) صباح الخير جميلة !
دعاء : (حاطة وذنيها على تلفون و عاضة شنايفها) اححح !
جميلة : صباح النور !
جوزيف : كيبقات رجليك !؟
جميلة : مزيان جيت نقرا ليوم عادي ماكاضرنيش بزاف !
جوزيف : (بتعجب) مشيتي تقراي واخة مريضة ؟
جميلة : لا راه ماكاضرنيش بزاااف و كانقدر نقدر نتمشا (شافت فدعاء زعمة نارييي غادي نسخف)
جوزيف : (ابتاسم حيت كايعجبوه البنات القويين) معاياش خارجة ؟
دعاء : (كاتهضر بشوية) قولي ليه دابا !!! قولي ليه دابا الحمارة !!!
جميلة : (مافهمات والو) اااااه اااا دابا شوية ؟؟؟؟
جوزيف : (ماعارفش راسو شكايدير) نقدر نجي نوصلك ؟ زعمة كاعتذار على الهضرة لي قلت ليك البارح !
دعاء : (كاتهضر و شوية اتقجها) قولي اه قولي اه !!!
جميلة : (بخوف) واخة !
جوزيف : مزيان 15 دقيقة نكون عندك ! ياك كلية ديال سويسي ؟
جميلة : اه هي !
جوزيف : صافي (قطع)
جميلة : (عاط طلع معاها البلان) واش نتي مريضة كيفاش دابا و حنا داخلين نقراو من دابا حتال ل 5 ؟
دعاء : مالكي مكلخة ! الا قلتي ليه الخمسة ماغاديش تخرجوا حيت نتي الا تعطلتي شوية باك كايخرجك فالجورنال اللهم استاغلي الوقت دابا !
جميلة : و الدرس ؟
دعاء : وا غيبي غي نهار ! اصلا الغياب ماكايتقيدش  و انا غادي نسجل ليك الدرس اوديو !
جميلة : اوووف وا شوفي حالتي كي دايرة !
دعاء : مالكي فنة ! هانتي شوية ديال العكر خفيف (جبدات عكر من ساكها و دارتو ليها ، طلقات ليها شعرها) هانتي واعرة !