عشق محرم 🧞‍♀️عشيقة العبري 🧞‍♀️

‎ الجزء ١٥ من قصة العشق المحرم

🔯 الجزء ١٥ من قصة العشق المحرم 🔯
🕎 بقلمي أنا ريم 🕎
{ طلعوا أبطالنا للمقهى و اتاجهوا نيشان للسطح لي كان كايطل على البحر بمنظر رائع مع أنغام موسيقى أندلسية رائعة ، بقات جميلة كاتشم الهوا النقي و هي حاسة براسها لأول مرة حرة}
جميلة : (ابتاسمات) أووووو شحال زوين البحر من هنا !
جوزيف : (حيد جاكيط و بقا غي بنص كم) عجبك !
جميلة : زوين بزاااف (انتابهات لدراعو لي كان فيهم بجوج وشم) ماجاكش البرد !؟
جوزيف : (غمزها) لا مولف !  
جميلة : (ماقداتش تخبي اعجابها بعينيه ، غلسات مقابلة معاه و سرحات فالبحر)
جوزيف : تغديتي ؟
جميلة : لا باقي !
جوزيف : أنا فيا جوع ! (كايعيط) صاحبييي !!! 
سرباي : (جا كايجري) موسيو مرحبا !
جميلة : (دورات وجهها لا يكون شي واحد من معارف خوها)
جوزيف : (فهمها) انا فيا جوع جيب ليا بحال ديما و نتي أ جميلة ؟
جميلة : (مدورة وجها لجهة لخرى) مممم لي كان !
جوزيف : (غمزو) جيب ليها بحالي !
سرباي : واخة أ سيدي !
جوزيف : (ببرود) صافي دوري راه مشا !
جميلة : (بتأسف) سمح ليا الا حشمت بيك !
جوزيف : (بقا كايضحك بجهد) منين كاتجيبي هاد الهضرة ؟؟
جميلة : (منين شافتو ضحك حتى هي جاتها الضحكة) ماعرفتش !
جوزيف : (سكت و قرب لوجهها و هو باقي غالس بلاصتو ، بقا كايشوف فنقطة محددة و هي بؤبؤ عينيها)
جميلة : (حشمات من نظراتو) واش فيا شي حاجة ؟
جوزيف : (رجع بلاصتو) عينيك أجمل عينيين شفتهم فحياتي !
جميلة : لاواه (حشمات بزاااف و تزنغات) حتى نتا عينيك زوينين بزاااف ! لونهم بحال هاد البحر !
جوزيف : (ابتاسم ليها)
جميلة : سمح ليا نسولك (بفضول) أنا لدابا باقي ماعرفتش سميتك !
جوزيف : (تبدلو ملامح وجهو) إلا عرفتيها ماغاديش يعجبك الحال !
جميلة : (مافهماتش) علاش ؟ واش شي سمية كاضحك !
جوزيف : لا !
جميلة : و شنو ؟
جوزيف : (بقا ساكت)
جميلة : (ببراءة) ماشي مشكل عندي !
جوزيف : (تنهد) سميتي جوزيف !
جميلة : (باستغراب) جوزيف ؟؟؟؟ سمية زوينة !!! ولكن بلاتي هاد السمية ......
جوزيف : (قاطعها) ديال اليهود ! حيث أنا يهودي !
(جميلة بحال الا صرفقها بجهد ، تصدمات و بقات ساكتة ، فلحظة تفكرات الطريقة باش كايسب باها اليهود منين كايذكروهم فالتلفازة و لا الناس فالزنقة كيفاش كايلعنوا ليهود ، حسات بالخنقة و لونها تبدل)
جوزيف : (شاف وجهها كي تبدل) توقعتك تخافي مني و لكن ماشي لهاد الدرجة !
جميلة : (قلبها تزير) سمح ليا و لكن ماعرفتش علاش وقع ليا هاكا !
جوزيف : (مبرد) عادي حيث من صغركم و نتوما كاتسمعوا واليدكم كايسبونا ! و يشحنوكم باش تحقدوا علينا بأي طريقة !
جميلة : بصراحة أنا عندي فكرة على أن اليهود قتالا و و وحوش ! خاصة مع داكشي لي كاديرو ففلسطين !
جوزيف : (تعصب) بلاتي بلاتي (عقد حجبانو) شنو علاقتي أنا بإسرائيل ؟
جميلة : على شكون مستعمر فلسطين من غيركم !
جوزيف : (بدل نبرة هضرتو معاها) ماعرفتش راسي علاش كانشرح ليك دابا ولكن خاصك تعرفي بلي أنا يهودي و ماشي صهيوني ! لي فإسرائل صهاينة و ماعندي حتى علاقك بيهم و عائلتي أصلها قدم من عائلتك فالمغرب ! أما إلا جينا نهضرو على القتل راه ماكاين ماحسن منكم فهادشي و حتى أنا منين كانسمع مسلمين كاتجي فبالي غي داعش !!!
🔯 الجزء ١٥ تتمة من قصة العشق المحرم 🔯
🕎 بقلمي أنا ريم 🕎
جميلة : ولكن داعش ماكاتمتلش الإسلام !
جوزيف : (ضرب طبلة بيديه حتى نقزات من بلاصتها) و حتى إسرائيل ماكاتمتلش اليهودية !
جميلة : (كانت كاتشوف فعينيه لي و لاو حومر و باين تعصب ، حسات براسها ضغطات عليه) أنا و الله ماقصدتش نعصبك و لكن خاصك تفهمتي حتى أنا ! راه عائلتي محافظة بزاف و غرزوا فيا هاد الفكرة ! أنا قلت ليك غي لي فقلبي !
جوزيف : (دور وجهو جهة البحر و ماجاوبهاش)
جميلة : (عضات شنافتها و هضرات بلا ماتنتابه) اوووف وليت غادة و كانولي معقدة و متزمتك بحال بابا !
جوزيف : (بدون شعور عفويتها برداتو و ابتاسم) باش نتفاهموا ! نساي بلي أنا يهودي دابا و خليني حتى أنا نسا بلي غالس مع مسلمة !
جميلة : (عاد رتاحت) تافقنا أ جوزيف ! و لكن راه سميتك جاتني عجب !
جوزيف : أتولفيها (شاف فالماكلة جاية) ها الغدا جا !
سرباي : (حط ليهم طباسل ديال شوربة صينية مع الحوت 🍜🍜🍱) بصحة !
جميلة : (قشعات دري ماشي من معارفها عاد رتاحت) شكراااا !
جوزيف : (بدا كاياكل)
جميلة : بسم الله (بدات كاتاكل و عجبها المذاق) مممم شحال بنين !
جوزيف : ممممم كاتعجبني الماكلة ديال شينوا !
جميلة : ممممم (قطرات على فمها حيت ماعرفاتش تستعمل العويدات 🥢 ديال الآسيويين) بصح زوينة !
جوزيف : (شاف فيها و ابتاسم) مسحي حدا فمك !
جميلة : (حشمات) بصح (بقات كاتمسح)
جوزيف : ماشي تما بلاتي (مد يدو و مسح ليها بصباعو بجهة فمها بشوية) صافي !
(رجع جمع يدو بالزربة حيث حس بشعور غريب منين قرب ليها ، بحال شي مغناطيس كلما قرب ليها كلما صعاب عليه يقاوم رغبتو أما جميلة حسات معاه براحة كبيرة و نسات كونوا يهودي)
جوزيف : (كايبدل الموضوع) شحال فعمرك أ جميلة !؟
جميلة : 19 عام و نتا ؟
جوزيف : (ابتاسم) 29 عام !
جميلة : تبارك الله !
جوزيف : كاتقراي ايكونومي فلافاك ؟
جميلة : لا chimie ، هذا عامي الثاني !
جوزيف : (كاياكل و يهضر) مزيان !!! هي كاتفكري فشي خدمة مزيانة على هاد الحساب ؟
جميلة : و الله ماعرفت يمكن نقلب فشي مختبر ديال تحاليل و لا شي شركة صناعية !
جوزيف : (ابتاسم) غي خودي ليسونس و أجي عندي نخدمك على حسابي !
جميلة : (كاتهضر من نيتها) بصح بصح !
جوزيف : مممم !
جميلة : (فرحانة) و فين أتخدمني ؟
جوزيف : (شاف فيها بطريقة مثيرة) أنعطيك أحسن بوسط فشركة زيماك !
جميلة : لا واش بصح كاتهضر (تصدمات) حلف بالله !!!؟ زعما كاتعرف شي واحد تما يذخلني نيشان !
جوزيف : (كايشوف عفويتها) مممم كانعرف المدير مزيان (هو أصلا المدير و لكن مابغاش يقول ليها ثروثو حتى يعرفها كي دايرة)
جميلة : شكراااااا بزاااف !!! واش عرفتي هاد الشركة شحال هضر لينا عليها البروف ! فيها مستقبل و لكن (خرجات ليها من فمها بلا ما تحس) هادشي الا خلاوني ندير داكشي لي بغيت !
جوزيف : (صغر عينيه) شكون هادو ؟
جميلة : (ببراءة) لا لا والو !
جوزيف : (عرفها مخبية شي حاجة)