🔯 الجزء ١٦ من قصة العشق المحرم 🔯
🕎 بقلمي أنا ريم 🕎
🧚🏻♀️ بعد مدة 🧚🏻♀️
جميلة : (شبعات) اووو الحمد لله !
جوزيف : بصحة (خدا جاكيط ديالو و جبد منها باكية ديال الغارو غالية 🚬 )
سرباي : (جا يجمع طبلة) بصحتكم !
جميلة : شكرا (جبدات من ساكها بزطام) شحال أ خويا عندي ؟
سرباي : (تصدم و بقا كايشوف فجوزيف)
جوزيف : (خرج الذخان من نيفو) سير !
(مشا سرباي و بقات جميلة كاتشوف فيه بعدم فهم ؟؟؟ )
جميلة : علاش قلتيلو يمشي ؟!
جوزيف : (كايتفنن بالغارو) حنا ليهود عندنا حشومة المرأة تخلص على الراجل !
جميلة : (صدمها) أنا ماقصدت بيها والو !!!! و لكن أنا من ديما كانخلص على راسي حتا مع العائلة !
جوزيف : (عجباتو قوتها) هاد القضية نسايها معايا !
جميلة : ولكن !
جوزيف : (شاف فيها بطريقة خلعاتها) هضرت !
جميلة : (بلا ماتحس) صافي واخة !
(بقاو كايتفرجوا فأمراج البحر الساحرة 🌊 حتى جاه اتصال)
جوزيف : وي عمر !؟
عمر : لقيت نوفل أ سيدي !!!! حنا جايين دابا أنا و دراري فطريق ، غادي نديوه دابا لديبو لقديم لي فالمرصة !
جوزيف : صافي ! من بعد و نعيط ليك (قطع)
جميلة : الا كانت عندك الخدمة ماشي مشكل نمشي !
جوزيف : (دار ليها براسو زعمة لا)
(بقاو ساكتين مدة)
جميلة : واخة نسولك !
جوزيف : مممم !
جميلة : نتا كنتي عارفني مسلمة و واخة هاكاك جيتي تلاقيتي معايا ياك !
جوزيف : آه !
جميلة : و علاش ؟
جوزيف : بصراحة ماعرفتش علاش من اللول عطيتك النمرة و انا عارفك مسلمة ! يمكن فيك شي سحور خلاني نبغي نعاود نشوفك !
جميلة : (ابتاسمات و هي حاسة بفرحة كبيرة ماقد)
جوزيف : و نتي ؟
جميلة :(بعد فهم) و أنا شنو ؟
جوزيف : منين عرفتيني دابا يهودي غادي تبغي نعاودو نتلاقاو ؟ و لاااا غادي تهربي مني ؟
جميلة : (بقات كاتشوف فيه لمدة) لا غادي نعاودوا نتلاقاو !
جوزيف : (ابتاسم و مد ليها يديه) يا الله نتحركوا لبلاصة اخرى !
جميلة : (غفلها ، ماعرفات مادير و هي تمد ليه يديها و هي كلها كاترعد) واخة !
(بقا جوزيف قابط ليها يديها و هبطوا فدروج باتجاه طمبيل فحين جميلة كان معنكشة غي مع راسها ، كلها كاترعد و حشمانة و فنفس الوقت كان عاجبها الحال و فرحانة ، يديه الكبيرة و المعرقة كانت مهيمنة على يديها صغيرة الرطيطبة ، حسات بأنوتتها للمرة الأولى)
جوزيف : (دار باش يقول ليها ركبي ، حتى بانت ليه مزنغة) مالكي ؟
جميلة : (ببراءة) والو !
جوزيف : (طلق ليها من يديها) واش عندك مشكلة الا قبطت ليك فيديك ؟!
جميلة : (بلا ماتحس جاوباتو بجهد) لا لا بالعكس !
جوزيف : (شداتو الضحكة) واخة ! يا الله وا ركبي !
جميلة : (غرقات فحوايجها و دارت يديها على عينيها) ناري شنو قلت !
(ركب جوزيف فالطمبيل و بقا حابس)
جوزيف : فين نمشيو ؟
جميلة : (جبدات تلفونها) أويلي تعطلت على دار هادي 4 و ربع !
جوزيف : (حرك طمبيل) أنا انوصلك بزربة !
أنت تقرأ
عشق محرم 🧞♀️عشيقة العبري 🧞♀️
Romance🔥👑 قنبلة الموسم 👑🔥 أنت أيتها القارئة !!! نعم أنتي !!! ألم تتسائلي يوما عن شعورك إذا أحببتي شخصا غير مسلم ؟ كيف ستكون ردة فعلك تجاه هذا الحب المحرم ؟ هل ستهربين منه بدريعة الدين أم أنك ستواجهين العالم من أجل الشخص الذي أشعرك حظنه بالأمان ! 🔯�...
