My Love Is From Bagan Era

Bagan Era (1)

FOR UNICODE USER
*******************

ပုဂံခေတ် ။ခရစ်နှစ် ၁၃၈၃ခုနှစ်။
​တော်သလင်း လဆန်း ၁၄ရက် ။ ပုဂံပြည်
ကြီး၏ ပွဲ​​တော်ကျင်းပရာ နန်းမြင့်​မျှော်စင် ။

ပုဂံခေတ် မင်းဆက်များ၏ ​
နောက်ဆုံးမင်းဆက်ဖြစ်​သော ​​နတ္တိသ​သောပတ
မင်းဆက် ၏ ဘုရင်မင်းမြတ်ရာထူး ဆက်ခံ​သော ​နေ့ဖြစ်သည်။ တစ်နည်း အားဖြင့် အိမ်​ရှေ့စံ စည်သူ​အတ္ထိ ဖြစ်သူ၏ အနာကျင်ရဆုံး​နေ့ဖြစ်သည်။ နန်း​တော် ပတ်ပတ်လည် နှင့် နန်းမြင့်​​​​မျှော်စင် တစ်​လျှောက်
ဆိုင်းများ ၊ ဘုံများ ၊ ဒိုးစည် ၊ အိုးပတ်များ နှင့်
ယိမ်းအကမယ်​လေးများ စည်ကားစွာ ပွဲ​တော်
ကြီး​ကိုကျင်းပ​နေ​လေ့ရှိ​သော်လည်း နန်း​တော်၏
အိမ်​ရှေ့​ဆောင် တွင်းမှ မင်းသားတစ်ပါးမှာမူ နာကျင်မှု
လက်စား​ချေလိုမှု ၊ ​သောကဗျာပါတ များစွာကို ရင်ဝယ်ပိုက်
လျှက် ငူငူငိုင်ငိုင်ဖြင့် ထိုင်လျှက်ရှိ​နေသည်။

" အရှင် "

ထိုအသံသည် ငယ်စဥ်ကတည်း မှ မိမိကိုအလွန်ကြင်နာ ဂရုစိုက်ခဲ့​သော သူတစ်​ယောက်၏ အသံပင် ဖြစ်သည်။
ထိုအသံကြားရလျှင် ​သောကများ​​ တစ်ဝက်မျှပင် ​လျှော့ကျသွားသကဲသို့ စိတ်ကို ကြည်လင်မှူ​​ပေးစွမ်း၏။
ထိုသူမှာ မှူးမတ်ကြီးအရာခံ ဒီပသက္ခ။

" အမတ်ကြီး ဒီပသက္ခ​တောင် ​ရောက်လာ​ရော့​ပေါ့ ။"

" အရှင့်မင်းသား ကြွချီရ​တော့မယ့် အလှည့်​ရောက်ပါပီ။ ​ရွှေစိတ်​တော် မညှိုးငယ်ပဲ ။ အကျွန်ုပ်က အရှင့်သား အတွက် အဆင်သင့်ရှိ​နေမှာမို့ မျက်နှာဟန်ပန် ကို အရှင့်သား အ​နေနဲ့ ယခင်ကထက် ပိုမို ​ကောင်းမွန်လာတဲ့ပုံကို ​မျှော်ဖူး ချင်ပါတယ် အရှင် "

အဲ့သလို မှူးမတ်ကြီးက ဆိုလျှင်စည်သူအတ္တိ ၏ စိတ်ထဲတွင်မ​​ကောင်း ။ မိမိအား အလိုလိုက်​ပျော်​အောင် ထားခဲ့သူ ၏ စိတ်​ပျော်ရန်အလို့ငှာ ချက်ချင်း မျက်နှာ ကို တည်ကြည်​ငြိမ်း​အေးစွာ ပြင်ဆင်လိုက်သည်။ ထိုအ​ခြေ​နေကိုကြည့်​နေ​သော
ဒီပသက္ခ၏ မျက်လုံးများ၌ ​လေးစားချစ်ခင် မှုအပြည့်ပင်။