أحببتك وانتهى الأمر.. اجتمعت بك واشرقت الشمس

نقطة التغير بارت ١

بثالث يوم عزا
عبدالعزيز بحزن : راكان تكلم مو زين انك تكتم بداخلك
راكان :
عبدالعزيز : لي متى بتضل ساكت ابكي صارخ لا تحبس حزنك جواة قلبك تراك قاعد تضر نفسك
راكان :
عبدالعزيز مسك جواله وأرسل : مو راضي يتكلم أنا خايف عليه قولي ايش اسوي
عمر :قول له أي حاجه تخليه يبكي لو كتم زياده بيدخل بحاله نفسيه شديده خليه يستوعب انه أمه توفت
عبدالعزيز : شلون
عمر : انت تكلم قول له خلاص امك توفت لازم يترحم عليها
عبدالعزيز سكر جواله وقال بصوت عالي : راكان اصحى خلاص امك توفت الله يرحمها لي متى وانت ع هالحال صحصح معي روح وقف جنب ابوك ترا كلنا ماشيين بذا الطريق
راكان كأنه دربه يستوعب لكن قاعد يكذب الحقيقه
:
عبدالعزيز (مالي غير طريقه وحده يارب سامحني على اللي بسويه )مسك فك راكان : راكان امك قبل يومين دفناها تبي تشوفها روح المقبره
راكان فجر بداخله قعد ع ركبه : ااااااااااااه اه يا يمه ااااه ي ويل قلبك ي راكان ي ويل قلبك ي راكان اهئ

قعد جنبه عبدالعزيز وكل اللي بالغرفه تأثرو اللي بكى واللي طلع ماقدر يستحمل

عبدالعزيز ضمه لصدره : ايه ابكي طلع اللي بجواتك
راكان : ااه عبدالعزيز أنا شلون بعيش بدونها شلووون
عبدالعزيز : تصبر

نام راكان بعد نوبة بكا طويله قطعت قلوب المارين
ابو راكان(سعد ) : نام
عبدالعزيز : ايه نام بعد نوبة بكا شديده
ابو راكان بحزن :الله يصبرنا الله يصبرنا خلاص يا ولدي روح نام أنا بقعد عنده
عبد العزيز وهو يوقف : لا ي عم أنا بقعد عنده وانت ارتاح لك يومين ما نمت زين
ابو راكان :زين صحيتي إذا صار له شي
عبدالعزيز :انشاءالله
راح ابو راكان وقعد عبدالعزيز يقرأ قرآن ع راكان

................................................
اليوم الثاني
صحى راكان وما لقى احد جنبه جلس يفكر وتذكر أمه ونزلت دموعه بصمت استغفر ربه وقام يتروش ولبس بلوفر اسود و بنطلون اسود وصلى الفجر و الضحى
طلع لقى بصالة جناحه عيال عمه (بعرفكم عليهم بعدين )
عبدالعزيز و سلطان و ياسر و عماد و خالد و ذياب و هياف

سلطان : هلا راكان تعال اقعد عزوز شال لك اكل بحطه الحين
جلس راكان بكنبه منفرده وقال بهدوء: مابي شي
عماد : راكان حبيبي ما يصير تسوي كذا يعني الحين لو امي سلمى عايشه ما رضت بسواتك هذي بالعكس راح تزعل عليك
راكان لف وجهه لعمه عماد
عماد كمل : كل لك لو لقمتين تقويك
عبد العزيز غمز ل سلطان يروح يجيب الاكل
جاب سلطان الاكل : ها يالله كل لو لقمتين وأخذ اول لقمه من يدي
اكل راكان شوي : عز
عبدالعزيز : لبيه
راكان: بزور امي
عبدالعزيز :طيب باقي نص ساعه ويأذن الظهر بعد الظهر نروح
راكان : طييب ابوي وين
عماد :شفته راح المشب أنا أقول روح عنده طمنه عليك يعني فقد مرته و اخوك و
نزلت دموع راكان مرا ثانيه و انتبه عماد للي قاله
عماد : اسف راكان أنا
راكان :لا تعتذر اصلا تعودت ع الوجع أنا رايح عند ابوي
خالد قام : يالله أنا استئذنكم عندي شغله بسويها وارجع انتبه لنفسك ي راكان ترا كلنا جنبك وانت ي ذياب ابوي يبيك
راح خالد لشغلته و راكان لابوه