اليوم كوك لا ناض معفلق ولا مخلوع
كوكي مارقدش بكل لان ولد شاطر ومجتهد بدراسته عخاطر الامتحانات:)
ام كوك:وليدي تعالى افطر
كوك:مش قادر يامي مش قادر
ميلاد:داير فيها فاس وفلا راقد عام كامل وتوا تقرا وخايف ومش فاهم شي..ياعليك جيل مغبر
كوك:خويج وراسك مش ناقص ره
امه:هوسوك تعالى افطر
هوسوك:مانبيش صحيتي اني طالع مع السلامة
رن فون كك ولقاه نامجون
كوك:دينمي هذا السوس الكلب الليل كامل نتصل بفيته مايردش والله ما راد عليه
شوي واتصل كوك بجيمين:هااااا شن قريت
جيمين:بطني اعصاب معدة ومن امس نتصل بنامجون نبيه يفهمني حاجات مايردش
كوك:وربي نفسك هالكلب كان اتصل ماتردش عليه هي اطلع نتلاقو قدام شارع محل عمي رجب
جيمين:تم
تلاقو قدام محل رجوبة للمواد الغذائية وجنبه تفاحتين خضر وفوقهم ورقة 🍃ومكتوب عليها النسيم والافته بايدة ولونها باهت من عهد جدي يعاكس في جداي
جيمين:بنخطمو ع تاي
كوك:زمر...لا تو يلحق
شوي وتنتن فون كوك ولقاها رسالة من جين البدقارد"
:كوك صباح الخير ركز في اسئلتك وحل على مهلك مافي شي يزر فيك وان شاء الله تجاوب سلملي ع جيمين وتاي وكلامي ليهم حتى هما
جيمين:نحبه تقول امي
كوك:حتى اني♡
وصلو للكلية وكانت زحمة شاف جيمين نامجون من بعيد لان زي البالو يحوم واطول من الناس 🙂
كوك:تعالى ياعنبوشكلك فوته ماتخليشي يشبحنا
جيمين:اكك
كوك:الزفت اكك كله من النادل متع المطعم علمهالي
جيمين:حتى الكاتبة معادش بطلت عليها وعلمتها للكل
كوك:منك لله يامسرة حسبي الله فيك
جيمين:والنعم بالله
"اكك اكك اكك اكك اكك ؛-؛🐸"
هربو من نامجون وخشو للكافتيريا بما ان الامتحان مابداش ونامجون يتصل فوق الف مرة وتاي مختفي
جيمين:وين تاي-_-
كوك:الهى بقرايتك خير ما نحدف الشيت ع وجهك-_-
جيمين:-_- -_- -_- -_- -_- -_-
جيمين:بطني ياكوك بنبكي
كوك:مش حنجاووووبببب
شوي وجي نامجون يجري:ياكلاب الامتحان ملغي
كوك/جيمين:.......................
نامجون:شن تشبحولي هكي
كوك:بندبح فيييتككك انييي
نامجون:تي شن؟
كوك:قعمز فهمنا توا حتى لو ملغي
نامجون:خليها فعرسك🐸
جيمين سايخ ولا بالأحرى خش فغيبوبة ومرات مات
كوك:وين تاي الخرا؟
نامجون:قصدك ماقالكش ع ان الامتحان ملغي لان الدكتور ولده توفى؟
كوك:لا ونتصلو بيه مايردش
نامجون:قلتله ع الموضوع وبعدين قلتله قول للباقي وخش ارقد...
كوك:وهو فالح خش رقد ونسانااااععع
يتبع..."
مزال في جزء ثاني لكن تفاعل بلز🙂💔💔💔
نشكر البنت لي عطتني الفكرة ممححات وبوسات للصبح🙂💛😂😂😂
أنت تقرأ
يوميات كوكي(في ليبيا)
Comédieروايتي اصلية والاولى بتاريخ الكيبوب الليبي:) اي رواية تكون مثلها فأعرفو انها مستوحاة مني بدايتي الرائعة مع هالرواية 2019/6/20 الاولى وستظل الاولى😂💛 فرقه BTS في ليبيا ويتكلموا ليبي 🌚 كساد ورواية للتكسيد ياخي ما تتسمى روايه وياكولاب لي تقولولي اكت...
