~نِهال~

الحلقة" 1"

            ✓  بسم الله الرحمان الرحيم ✓

يوم كان الجمعة طليت من تاقة نشوف في دراري الحومة يلعبو كيما كل يوم غير انو الحوانت بدأت تغلق باش يوجدو لصلاة الجمعة ٫ عيطتلي ماما كيما كل مرة كي تشوفني نسرح بعيد
"
ياطفلة قريب يهديك ربي و ترجعي لقرايتك "

ياماما افهمي مليت وكرهت منها ،صايي معادش تعاوديلي نفس الهدرة كل صباح "

الساعة 14:00تفتح الباب تاع برى دخل خويا ماشي كيعوايدو مقلق رايح جاي كان في فمو هدرة .
غير الخير وليدي واش كاين ،ماما وبابا قام. مفجوعين
حط راسو بين يديه ويبكي ، غاضني عمري مشفت خويا كيما هذاك النهار

يايما يابابا اسمحولي أنا وطيتلكوم راسكم اسمحولي  ، واحد هزيت من عندو درا هم كبار 
حطيتهوم في مشروع  ورهنت دار مقابل ميعطيهوملي ويفشل المشروع  راني حاير من
نردهوم .
كيفاش ،عيطنا كامل .
بابا شد قلبو وطاح فالارض.
بابا بابا نوض  عماد ازرب عيط للاومبيلونس
يبابا تعيش متروحش وتخلينا ، بابا عيشك فيق باباااااااااااااااااااااااااااااااااااااااااااا.

راسي رايح يطرطق ، فطنت نشوف كان في ماما تبكي  وخوالاتي دايرين بيا الجيران كامل
عسلامتك يابنتي  .
واش صاير هنا ماما وينراه بابا ، ماما عنقتني وقوات في البكية
مستحيل ، مستحيل ، راكي تكدبي بعديني 
علاه ياربي علاه  .
••••••••••••••••••••••••••
مسحت الدمعة لي علاخدي وأنا نتفكر ، حطيت الكادر في بلاستو ونضت .

ماما راني رايحة ، طليت عليها.
بالسلامة بنتي ربي يفتحا في وجهك .
من فمك ربي يالعزيزة .
لبست صباطي وخرجت ديراكسيون لعند صاحبتي وعشيرة عمري بسمة .

مساء الخير طاطا وهيبة واش راكي .
لاباس يابنتي جوزي جوزي .
بسمة واجدة ولامزال طاطا .
هاني جيت هاني ، عسلامة ياروحي.