🔥🔞"لعبة إنتقام"🔞🔥

الحلقة 37

ﺑﻤﺎ ﺍﻧﻬﺎ ﻗﺮﺭﺕ ﺗﺒﺪﻯ ﺣﻴﺎﺓ ﺟﺪﻳﺪﺓ ﻗﺮﺭﺕ ﺯﺩﺍ ﺍﻧﻬﺎ ﺗﻤﺸﻲ ﻟﻤﺪﻳﻨﺔ ﺟﺪﻳﺪﺓ ﻣﺎﻳﻌﺮﻓﻬﺎ ﻓﻴﻬﺎ ﺣﺪ .. ﻟﻜﻦ ﻫﻲ ﻣﺎﻋﻨﺪﻫﺎﺵ ﻓﻠﻮﺱ .. ﻓﻠﻮﺳﻬﺎ ﻭﺍﻭﺭﺍﻗﻬﺎ ﻛﻞ ﻓﻲ ﺩﺍﺭ .. ﺗﺮﻯ ﻓﻲ ﺭﺍﺟﻞ ﻣﺘﺸﺮﺩ ﺣﺎﻁ ﺣﻜﺔ ﻗﺪﺍﻣﻮ ﻭﻧﺎﺱ ﻃﺤﺘﻠﻮ ﻓﻲ ﻓﻠﻮﺱ .. ﻗﺮﺭﺕ ﺍﻧﻬﺎ ﺗﻌﻤﻞ ﻛﻴﻔﻮ ﻣﻌﻨﺪﻫﺎﺵ ﺣﻞ ﺍﺧﺮ ﻣﺸﺎﺕ ﻟﻠﺒﻮﺑﺎﻝ ﺟﺒﺪﺕ ﺣﻜﺔ ﺣﻄﺘﻬﺎ ﻗﺪﺍﻣﻬﺎ ﻫﺒﻄﺖ ﺭﺍﺳﻬﺎ ﻏﻤﻀﺖ ﻋﻴﻨﻴﻬﺎ ﻫﺒﻄﺖ ﺩﻣﻮﻋﻬﺎ ﺳﺨﻮﻧﺔ ﺗﺤﺮﻕ ﻣﺶ ﻣﺼﺪﻗﺔ ﺗﺎﻟﻴﻦ ﺑﻨﺖ ﻋﺰ ﺍﻟﻲ ﻣﺎﺗﻌﺮﺵ ﻃﺮﻑ ﺧﻼﻫﺎ ﻭﻳﻦ ﻭﻻﺕ ﺗﻤﺪ ﻓﻲ ﻳﺪﻫﺎ ﻭﺗﺴﺘﻨﻰ ﺷﻜﻮﻥ ﻳﺤﻦ ﻋﻠﻴﻬﺎ ﻭﻳﻤﺪﻟﻬﺎ ﻓﻠﻮﺱ ﻣﻜﺬﺑﺶ ﺍﻟﻲ ﻗﺎﻝ ﺩﻧﻴﺎ ﺩﻭﺍﺭﺓ
ﺑﺪﺍﺕ ﻧﺎﺱ ﺗﺤﻄﻠﻬﺎ ﻓﻲ ﻓﻠﻮﺱ ﺗﻌﺒﺎﺕ ﺣﻜﺔ .. ﻧﺤﺎﺕ ﺣﻖ transport ﻭﺑﺎﻗﻲ ﻣﺸﺎﺕ ﺗﺸﺮﻱ ﺑﻴﻪ ﻓﻲ ﺣﺎﺟﺔ ﺗﺎﻛﻠﻬﺎ ﻧﻬﺎﺭﻳﻦ ﻣﻜﻼﺕ ﺷﻲﺀ ﺍﻭﻝ ﺩﺧﻠﺖ ﻟﻠﺮﺳﺘﻮ ﻭﻭﻗﻔﺖ ﻓﻲ ﺻﻒ ﻧﺎﺱ ﻭﻻﺕ ﺗﺨﺰﺭﻟﻬﺎ ﻓﻲ ﺧﺰﺭﺓ ﻏﺮﻳﺒﺔ ﻛﺎﻧﻬﻢ ﻣﺘﻘﺰﺯﻳﻦ ﻣﻨﻬﺎ ﻭﻧﺎﺱ ﻗﺎﻋﺪﺓ ﺗﺒﻌﺪ ﻋﻠﻴﻬﺎ ﺣﺘﻰ ﺍﻟﻲ ﻳﺤﻀﺮ ﻓﻲ ﺳﻨﺪﻭﻳﺘﺸﺎﺕ ﻳﻘﺤﺮﻟﻬﺎ .. ﺣﺴﺖ ﺭﻭﺣﻬﺎ ﻣﺶ ﻣﺮﻏﻮﺏ ﻓﻴﻬﺎ ﻣﺒﻌﺪﻙ ﻋﺰﻙ ﻳﺎﺗﺎﻟﻴﻦ ﻛﺎﻧﺖ ﻧﺎﺱ ﺗﻄﻠﺐ ﻓﻲ ﺭﺿﺎﻙ ﻭﺗﺘﻘﺮﺏ ﻣﻨﻚ ﺗﻮﺍ ﻭﻻﺕ ﺗﻨﻔﺮ ﻣﻨﻚ ﻣﻠﻲ ﻛﺎﻧﻮ ﻳﺤﻠﻮﻟﻚ ﻓﻲ ﺑﻴﺒﺎﻥ ﻭﻳﻦ ﻧﺤﻄﻚ ﻳﺎﻃﺒﻖ ﺍﻟﻮﺭﺩ ﺗﻮﺍ ﻛﺎﻥ ﻳﻠﻘﺎﻭ ﻳﻄﺮﺩﻭﻙ ﻗﺪﺍﺵ ﻧﻤﺸﻴﻮ ﺑﺎﻟﻤﻈﺎﻫﺮ ﻋﻨﺪﻙ ﻓﻠﻮﺱ ﻳﺤﺒﻮﻙ ﻣﻌﻨﺪﻛﺶ ﻳﺤﻘﺮﻭﻙ
ﺭﻛﺒﺖ ﺗﺎﻟﻴﻦ ﻓﻲ ﻛﺎﺭ ﻭﻣﺸﺎﺕ ﻟﻤﺪﻳﻨﺔ ﻟﻔﺮﺑﻮﻝ ﺑﺎﺵ ﺗﺒﺪﻯ ﺣﻴﺎﺗﻬﺎ ﺟﺪﻳﺪﺓ ﺍﻭ ﻧﻘﻮﻟﻮ ﺣﻴﺎﺗﻬﺎ ﺗﻌﻴﺴﺔ ..
ﺑﻤﺎ ﺍﻧﻬﺎ ﻣﺠﺮﺗﻠﺔ ﻭ ﺣﻮﺍﻳﺠﻬﺎ ﻣﺴﺨﺔ ﺭﻓﻀﻮ ﻧﺎﺱ ﻛﻞ ﺑﺎﺵ ﻳﺨﺪﻣﻮﻫﺎ ﻭﻳﻦ ﺗﻤﺸﻲ ﻟﺒﻼﺻﺔ ﻳﺴﻜﺮﻭ ﻓﻲ ﻭﺟﻬﺎ ﺑﺎﺏ ﻭﻳﻄﺮﺩﻭﻫﺎ ... ﻭﻻﺕ ﺗﺒﺎﺕ ﻓﻲ ﺷﺎﺭﻉ ﺗﻔﺮﺵ ﻛﺮﺫﻭﻧﺔ ﻭﺗﺮﻗﺪ ﻭﻻﺕ ﺯﺩﺍ ﺗﻤﺪ ﻳﺪﻫﺎ ﻟﻠﻌﺒﺎﺩ ﺑﺶ ﺗﻨﺠﻢ ﺗﺸﺮﻱ ﺣﺎﺟﺔ ﺗﺎﻛﻠﻬﺎ .. ﻛﺎﻧﺖ ﺗﻠﺒﺲ ﻣﻦ ﺣﻮﺍﻳﺞ ﺍﻟﻲ ﻳﻄﻴﺸﻮﻫﻢ ﺑﺎﺵ ﺗﻨﺠﻢ ﺗﺴﺘﺮ ﻭﺩﻓﻲ ﺭﻭﺣﻬﺎ .. ﻧﺴﺎﺕ ﻣﺨﺎﺩﺩ ﺑﺮﻳﺶ ﻧﻌﺎﻡ ﻭﺩﻭﺵ ﻛﻞ ﻳﻮﻡ ﻭﻟﺒﺴﺔ ﻣﻦ ﺍﻏﻠﻰ ﻣﺎﺭﻛﺎﺕ ﻭ ﺑﺎﺭﻓﺎﻧﺎﺕ ﻭ les voyages ﻭﺍﻧﻮﺍﻉ ﻣﺎﻛﻠﺔ ﺳﺨﻮﻧﺔ ﻭﺑﻨﻴﻨﺔ .. ﺗﺎﻟﻴﻦ ﻭﻻﺕ ﺗﺎﻛﻞ ﻣﻦ ﺑﻮﺑﺎﻝ ﻭﻭﻻﺕ ﺗﻘﻌﺪ ﺑﺎﻻﺷﻬﺮﺓ ﻣﺎﺩﻭﺷﺶ .. ﺗﻘﻌﺪ ﻛﻞ ﻳﻮﻡ ﺩﻭﺭ ﻭﺩﻭﺭ ﻭﺗﺴﺘﻌﻄﻒ ﻓﻲ ﻋﺒﺎﺩ ﻳﻤﺪﻭﻟﻬﺎ ﺑﺎﺵ ﺗﺎﻛﻞ ﻭﻛﻞ ﻣﺎﻳﻄﻴﺢ ﻟﻴﻞ ﺗﻤﺸﻲ ﺗﺘﺨﺒﻰ ﻓﻲ ﺗﺮﻛﻴﻨﺘﻬﺎ ﻣﻦ ﺳﻜﺎﺭﻯ ﻭ ﻣﺠﺮﻣﺔ ﺗﺘﺬﻛﺮ ﻣﺎﺿﻴﻬﺎ ﻭﺍﻟﻲ ﺻﺎﺭ ﻓﻴﻬﺎ ﻫﻲ ﻣﺶ ﻓﺎﻫﻤﺔ ﺍﻟﻲ ﺻﺎﺭﻟﻬﺎ ﺫﻧﺒﻬﺎ ﻭﺍﻻ ﺫﻧﺐ ﺍﻣﻬﺎ ﻭﺍﻻ ﺫﻧﺐ ﺑﻮﻫﺎ ﻭﺍﻻ ﺫﻧﺐ ﺣﻴﺪﺭ .. ﺍﻟﻲ ﺗﻌﺮﻓﻮ ﺍﻟﻲ ﻟﻜﻠﻬﻢ ﻣﺴﺆﻭﻟﻴﻦ ﻫﻲ ﺿﺤﻴﺔ ﺑﻮﻫﺎ ﺍﻟﻲ ﻛﺎﻥ ﻣﺴﻜﺮ ﻋﻠﻴﻬﺎ ﻭﻣﻌﺎﻳﺸﻬﺎ ﻓﻲ ﻋﺎﻟﻢ ﺍﻟﻮﺭﺩﻱ ﻣﺨﻠﻬﺎﺵ ﺗﺠﺮﺏ ﺩﻧﻴﺎ ﻭﺗﻌﺮﻑ ﺑﺎﻫﻲ ﻭﺧﺎﻳﺐ ﺗﻌﻤﻞ ﻋﻠﻰ ﺭﻭﺣﻬﺎ ﻭﺗﺎﻗﻒ ﻋﻠﻰ ﺳﺎﻗﻴﻬﺎ ﻛﺎﻥ ﻳﺨﺎﻑ ﻋﻠﻴﻬﺎ ﺑﺮﺷﺎ ﻣﺨﻠﻬﺎﺵ ﺗﺤﺘﻚ ﺑﺮﺷﺎ ﺑﺎﻟﻨﺎﺱ ﻛﺎﻥ ﻣﺨﻠﻴﻬﺎ ﺗﻌﻤﻞ ﻋﻠﻴﻪ ﻓﻲ ﻛﻞ ﺷﻲﺀ ﻭﻧﻬﺎﺭﺕ ﺍﻟﻲ ﺗﻮﻓﻰ ﺧﻼﻫﺎ ﺿﻌﻴﻔﺔ ﺑﻼﺵ ﺗﺠﺎﺭﺏ ﻣﺎﺗﻌﺮﻓﺶ ﺗﻘﺎﻭﻡ ﻓﻴﺴﻊ ﻃﻴﺢ ﻟﻘﺎﺕ ﻓﻲ ﻋﺎﻟﻢ ﻛﻠﻮ ﺫﻳﻮﺑﺔ .. ﻫﻲ ﺿﺤﻴﺔ ﺍﻣﻬﺎ ﺍﻟﻲ ﻋﻨﺪﻫﺎ ﻓﻠﻮﺱ ﺍﻫﻢ ﺣﺎﺟﺔ ﻫﻲ ﺿﺤﻴﺔ ﻗﺮﺍﺭﺍﺕ ﺍﻣﻬﺎ ﻏﺎﻟﻄﺔ ﻫﻲ ﻋﻤﺮﻫﺎ ﻻﺣﺴﺴﺘﻬﺎ ﺑﺎﻟﺤﺐ ﻭﺍﻟﺤﻨﻴﺔ ﻭﺍﻻﻣﺎﻥ ﻋﻤﺮﻫﺎ ﻣﺎﺳﻤﻌ