مزاچ الشيخ(ابن عمي)

البارت الخامس

يا سادس فرض بصلاتي.. 🖤
الـ چان يحبنيّ ،
لا . .
يمِكن
ولا چان ! ..🖤🧿🕊️
غفيت...كعدت على صوت الباب يندگ مابيه حيل اگوم رچليه يوچعني كمت اريد اوصل للباب والباب يترگع اترگع

_ افتحي الباب عرفت هذا صوت فطيم اختي
_فتحت الباب واجتني ضرب منها على خدي ضليت افرگ بخدي _ماافتحين الباب شبيچ
_ياا شبيچ فطم سلمي
_شسلم تعاي حظنتني وباستني اي شلونچ جرتني وكعدنا على الچربايه  ولچ شمالچ صايرة صفرة لا تگولين من الدراسه دعوفي الدراسه شني سالفتچ دراسه ودراسه شمستفادة
_اگلج فطم انتي چايه تشوفيني بخير لو تحرضيني ع الدراسه
_ لا يا غير اشوفچ والله اي شلونچ اخبارچ
_..الحمدالله _الحمد الله تعاي انزلي چوه وليش ماتعشيتي مو وراچ علاچ

..ولا مااشتهي ._شني وماتشهتين دگومي ..كومتني غصبن علية .._لحظه فطم خلي اغسل وچهي واچي وراچ انزلي
_زين نازلي مو ماتنزلين
_لا والله انزل ..طلعت وسديت الباب غسلت وچهي وراسي بعده يوچعني ورچليه مايعينني هااي شبية اليوم خليت الشال ونزلت على الدرچ وشفت المگروده نرچس
...
_هلا والله هلا بليونه تستهزء
هلابيچ يابعد روحي نرجوسه
..
_اي شلونچ ست ليان
..والله جنت زينه بس من شفت وجهج تخربطت احوالي
.._الله ياخذج شوگت ونخلص
..
بعد عمري مااعوفچ ..هزت ايدها وراحت ..ههه الحمدالله مو بعقلها
...
دخلت لغرفه امي يمكن نص عماتي رايحات بقت بس ام وسام وام نور وام هادي قريبات بيوتهن فيتأخرن عادي
_سلمت عليهن وگعدت يمهن
_ام وسام_چا شمالچ قبل شويه زعلت منا ليان
_لا عمه مزعلت اصلا ماازعل منچن غير احبچن
..
_يااا چا احنا عبالنا ضچتي
_لا اگيد..- غصّـة بِصـدري ضَلـت مِـن حَچيكـم ..
ام نور_ايي عمه شلون هسه صارن اديچ
_لا عمه الحمدالله
_خوش..
..
_بس لعد امي وين
_ام هادي_عمه ابوچ خذاها لبيت عمچ فضل
_ها ليش خير صاير شي
. ..
_لا انشاء الله ماكو شي بس لان مرت عمچ وحده وعدهم عزيمه
...
_هاا اي صحيح خطيه .. چا امي تتعب شعليها سگتت طبت فطم للغرفه
_فطم .._ها ليان تعالي اسويلچ عشه وراچ خيه علاچ كمت وياها للمطبخ شويه بيتنا مابيه ناس طشو شوي شوي
سوت صينيه خلتها وكعدنا  ردت اگل ماكدرت خطيه هيه ضلت توگلني ههه وسوالف وتوگلني
_شعجب فطم ماجبتي چهالچ
_ولچ هوسه شوفي ومن يشوفون چهال ينگلبون شياطين خيه عفتهم يم ابوهم احسن
_لا غير يشوفون خالتهم وخليهن يشوفون عالم
_ولچ يا يشوفون عالم من البيت للبيت يعني شيشوفون وخالتهم فديتها مابيها شي وداعتچ اجيبهم غير يوم
_انشاء الله .. كلت الحمدالله
_ولچ ليان شكليتي..
_لا والله فطم مااشتهي .._ والله يا ليان عنادچ شوكت اتبطلينه ماادري
ضحكت وگمت فتحت الثلاچه اخذت بطل مي والعلاچ شربته وسديت الثلاچه
فطم راح اصعد لازم اقرة
_ماشي روحي ليان
..
طلعت من المطبخ شفت شوماگو صادق شعچب صدگ شعندي شاغله بالي ردت اصعد واچه حسين
_هلا ليان شلونچ
_هلا بيگ حسين الحمدالله وانته_بخير شلون صرتي
_الله يخليك تسلم لا احسن من قبل
_انشاء الله مابيچ غير العافيه
ابتسمت الة .. حسين اعذرني بس اريد اروح
_هه هاا اخذ راحتچ ليونه
_تسلم ردت اصعد واچه يوسف ابن عمي
_هلا ليان نسيت الحمدالله على سلامتچ
_ههه هلا بيگ يوسف اليوم مجتمعين تسلمون علية
_ههه شعدنا غير ليان
_فدوه لگلبكم ...گال حسين ديلة خلي نعوفج على راحتچ تعبانه
_هه اي والله  ضحكنا شويه بعدين راحو واني هم صعدت للغرفه دخلت طلعت الگتب قريت شويه مااحس الا امي تهز بچتفي _يمه ليااان يمه لياان بصوت ناصي
_همم كعدت هاا يماا
..
_يمه شمالچ نايمه ع الكتب وضهرچ انگسر
..
_ماادري يمه غفيت وماادري بنفسي
_كومي يمه على الجربايه وارتاحي اذا مابيچ حيل لا اداومين باچر اخذ الچ اجازه
_لا يمه الحمدالله مابية شي شوگت اجيتي
..._انشاء الله يمه هسه اجيت وحيل انهد
_افف تعاي افرچ رجليج اتمددي
_لا يمه عماتچ يردن عشه وخل اروح وانتي اتعشيتي شربت علاچج
_ايي يمه فطم اچتي دريتي
....اي يمه وراحت هم كالت سلملي عليها
ماكدرت اتسلم عليچ رجلها بسرعه اجه وتعرفينه انتي شلون عصبي
_اي صحيح
_ديلة يمه ليان نامي واني راح انزل اسوي عشه هم ابوچ اليوم الله ماهاديه مدري شبيه روحه بخشمه
...
صدك ليش شبيه
_
والله ماادري يمه اني نازلة .. نزلت رحت سديت الباب وراها
فتحت الكنتور حظرت ملابسي مال مدرسه
.. تمددت ع الچربايه خليت تليفون گوكته ب6الصبح لان دوامي صباحي ولازم اسبح وابدل گل هذا وقت يرادلة
...
فزيت باوعت الدنيا ضلمه طلعت التلفون من چوه المخده الساعه4الفچر شالقصه حسيت نتلات برجليه ويوچعني گلش  گمت من الچربايه وزاد الوچع ماادري شلون لزمت روحي ماصرخت وگعدت بالگاع من الوچع اصيح امي ماادري شسوي احتاريت شويه حسيت خف الوچع ماحسيت الا دك التليفون المنبه
شفت روحي نايمه بالكاع وراسي على حافه الچربايه گمت طبيت لحمام سبحت وتوضيت لبست ملابسي وفرشت السجادة .. واني اريد اركع بالسچود النتلات تچي برچلية وتروح خلصت الصلاة گمت اخذت الكتب  وماخليت اللفاف على اديه حسيت ميحتاچ نسيت موضوع رچليه نزلت شفت امي بالمطبخ والهوسه گلها بعدها
_صباح الخير يمه
_صباح النور يمه ليان.. همزين اچيتي يلة تعاي اتريگي
_يمه والله مااشتهي _هوه شنو الماتشتهين يلة عوفي لا تصير عنوديه
_يمه باعي راح يچي ابو الخط خليني اروح احسن سمعت صوته بالباب اچه عفته ضلت تحچي علية خليت وطلعت
_صعدت وصلت للمدرسه مااشفت هااي الخبلة وينها زهراء بس لا مچايه
دورت عليها مااحس الا عيوني  انعمن واسمع صوت
_اني منووو
..عوفي هااي السوالف مااعرفج زهراء ههه
_لا شلون تعرفيني
_ غير النفس واعرفچ.._يمه فدوه ديلة هسه عوفيني شلونچ ولچ حظنتني وعصرتني عصر ههه
_الحمدالله والله يعمري شوفيني سوالفنا وضحكنا .. اي شلونه سچاد (زهراء معچبه بسجاد ابن عمي)
_ولچ امشي ندخل للقاعه بده الدرس واحنا انسوالف من وراچ يزهراء عوفه هسه سچاد
_اگلنا رزاله لان تأخرنا  من وراى زهراء ومن خلص الدرسه موتتها تموت
_ولچ من وراج ترزلت
_والله اسفه ليان بس من اسمع اسم سجودي اتهور
_گرصتها ولچ وادلعينه ههه ضحكنا
وسوالف خلص الدوام
_يلة حياتي ليان انتي انتظري ابو الخط واني رايحه سجودي ميقبل ابقى وحدي بشارع او اتأخر
_بقيت حلگي .. ولچ طالعه عينچ انتي ضحكت وطلعت من المدرسه لو بيدي اركض وراها واموتها بالشارع الخبلة ههه
اچه ابو الخط رحت صعدت وصلني نزلت وراح رجعت حسيت بهااي النتلة بس لا اوگع بالشارع ردت امشي مااكدر مشيت اشوي اشوي لان الوچع مااكدر اوصفه
...._ گلعادة بيتنا نفس الهوسه الصوت طالع للشارع دگيته وفتحته فرح ابتسم ابوچها الوچع شلني شل
_هلا يعمري ليان الله يساعدچ
...هلا بيچ گلبي دخلت للبيت سلمت ع عماتي وامي بستها ردت اصعد وچرتني نور من الچره وگعدت ماسيطرت ع الوگفه
_ياا ليان حياتي اسفه گومتني وحظنتني واچتي امي ترگض
_هاا شگو _نور_لا عمه ماكو شي بس ليان وگعدت
ياا يمه يلياان شچاج _مابيه شي يمه صدگي بس وگعت هيچ عادي نوره
_شني العادي اتاذيتي موو خاف صار بيچ شي
_ هيه تحچي واني وچع رچلي اچه ماادري شصار بيه احس روحي شاطت لزمت ايد نوره وعصرتها حيل من الوجع
_اووي لياااان شبيچ غوشت عيوني ...
_ماحسيت الا ضربه قويه على راسي گعدت بالمستشفى ع صوت صياحهم ماخلاهم الدكتور يدخلون لان همه هواي
وميصير ...
_ فتحت عيوني
_الدكتور_ ليان تسمعيني ليان
...همم.. مابيه حيل احچي احس روحي گلها رايحه والنتلات برچليه ولا راحت
_امي_يمه لياان تبچي وتحجي يمه فدوه اروحلچ شجاچ
_يمه مابية شي
اسگتي ارتاحي شلون مابيچ شي...
خلولي مغذي وساعه گامل النتلات  گتلتني گتل برچلي خلص المغذي گومتني فطم ..وتبچي
_ولچ فطوم مابية شي والله
_انشاء الله خيه لياان گومي لبستني العبايه وعدلت حچابي الدكتور صاح امي راحت اله حجه وياها وزاددت بواچيها
_طلعتني من الغرفه فطم ورحت بالممر گلها عمامي موجودين ...
ابوي حظني وباس راسي سلمت على عمامي
ابو يوسف _هاا عمو ليان شني سالفتچ ولا لفتچ عافيه
_لا عمو والله مابية شي صدگني
_ابو يوسف _انشاءالله عمو
ابو مازن_الحمدالله على سلامتچ عمو لياان
_ابتسمت ابوي تچاني منا وامي منا صعدت بالسيارة وفطم يم تدمع عيونها وامي تبچي خفت گلي شنو بية مرض مو زين ابوي يسكت بيها وصلت للبيت نزلت شفت صادق بوچهي طبيت للبيت بوچهي صعدت للغرفه دخلت فطم مددتني على الچربايه وغطتني رادت تطلع وصحتها
_فطوم تعاي
_هاا حبيبتي ليان شبيچ اكو شي يوچعچ
_لا فطوم بس تعالي ..اچتني كعدت تفرچ برچليه
_هاا احچيلي
_فطم بس گليلي شبية ليش تبچون بية شي مو زين
..وهيه گبت من البچي فتحت الباب امي وطب وراها ابوي ونور اچتي
_غير تفهموني شبية _اچتي گعدت يمي امي ..يمه طلع عندچ روماتيز وروماتيزچ يگول الدكتور مو عادي وبچت صح انصدمت بس مابينت الهم هذا الشي الروماتيز مرض ونهايته الشلل ويارب ميوصله الاحد (يحفظنا الرب)
... _ياا وضايچين وتبچون على هذا السبب

_ ولچ بويه هذا روماتيز مو شي عادي
_ههه گمت وحظنته ادري بس ماكو شي علية مادام انتو موجودين صدگو ماكو شي بية
_باس راسي انشاء الله بويه باوعت على الامي
_ايي يمه وانتي واگفه ترى ميته من الجوع اني
_ضحگت ومسحت دمعتها ايي هسه تدللين
ضحگو وسوالفو ونزلو واني بقيت بالغرفه اچيت ارجع اتمدد واندگ الباب واني رحت كعدت ع الچربايه وگلت مفتوح الباب باوعت شفته صادق دخل وگال السلام عليگم ..
_وعليگم السلام ... رفعت نفسي شويه
گال استريحي .. شلون صرتي
.._الحمدالله تسلم
_الحمدالله شچرالچ وهيچ صار بيچ ليان
_والله ماادري بس والله مابية شي انشاء الله
_انشاء الله ليونه ..باوعتلة ورفعت حاچبي هوه ضحگ
..._والله يا ليان من لبستي ذاگ الفستان ماادري الثوب  لليوم مالفتچ عافيه ...وضحگ
.._درت وچهي وضحگت مااريدة ايشوف انو ضحگني .. گال _المهم شفنا ضحگتچ انشاء مابيچ غير العافيه
_تسلم صادق .. ضحگ وگال ليونه ..اني هم بادلته بابتسامه
... اخذي راحتچ بويه لياان بتسم وطلع
ضليت صافنه بويه شنو هااي معقوله هذا صادق استغفرت وگلت خلي اشوي اخذلي غفه من هااي الصدمه (هههه)
يتبع ...