نـــور و أحــــمد

القصة كاملة*

أنا بعدت وتجاهلته شويه عشان يسأل
بس هو... هو مسألش
هو حتي محسش بغيابي
ضيعت وقتي مع شخص غلط💔

شهد بتساؤل: بتفكري تنتقمي عشان لعب بيكي؟!!
نور ببردو: خالص.. هو بينتقملي منه بنفسه
شهد بتعجل: ازاي!
نور مجيبة: دا واحد مبهدل اهله ومش مقدرهم ولا مقدر وجودهم ولا تعبهم. عشانه،  ومبيشيلش مسئوليه، وشخص شكاي اوي وبيشكي ع مفيش، وبتاع بنات
شهد بتذكر: اه صح عرفتي منين؟!
نور مجيبه: واحده من الزباله بتوعه عرفتني
شهد بفضول: لا احكي من الاول كده
نور بحزن بارد: مفيش اول ولا حاجه كنت بتصل عليه عشان اعرف مراحش السيكشن النهارده ليه
شهد بتركيد: ها وبعدين كملي
نور مجيبة بعصبيه: ردت عليا واحده وقالتلي انها صاحبته وقالتلي ان الباشا بقاله كتير مبيروحش الجامعه اصلا وانه بيقعد يخرج
شهد بتحديق: بيخرج معاها هي؟
نور بسخرية: سألتها وقالتلي لا احنا كتير اوي
شهد بتعجب: هي بتقول كده عادي!!
نور بتبسم: اه يبنتي مهي الاشكال دي متربوش اصلا...دا كفايه صوتها استغفر الله
شهد بأسف: خلاص انسي وكبري
نور مجيبه: لا لا اطمني من الحته دي
                   *******
في يوم تخرج نور""
والد نور متسع العينين بوجه مبتهج: ياااه يا حبيبتي مش مصدق انك خلاص اتخرجتي الوقت عدي بسرعه كانك كنتي لسه بضفايرك امبارح
نور وهي تحتضن والدها: حبيبي ي بابا ربنا يخليك ليا
والدة نور بمرح: وانا اي هوا يعني؟
نور وهي تحتضن والدتها: لا طبعا دا انتي ست الكل واحنا منغيرك ولا حاجه
هتهفت شهد بفرح: طيب خلاص بقا كفايه احضان عشان عامله مفاجأه
نور بتعجب: اي؟! جايبالي عريس صح؟
شهد بسخرية: بس يا متخلفه انتي
نور بضحك: اومال اي؟!
شهد بسعادة: هعملك فوتو سيشن
نور بدهشه: بجد!!
شهد مجيبة: اها والفوتوجراف بيركن عربيته وجاي .....اهو جه اهو
نور تهمس لشهد: اي القمر ال انتي جايباه دا .....جبتيه منين؟
شهد بضحك: اونلاين
وصل خالد اليهم وهتف قائلًا: هااي انا خالد الفوتوجراف ال هعمل لحضرتك السيشن
نور بدون وعي: وانا نور ال هتتصور انت كام سنه
عقد خالد حاجبيه بصمت فقالت نور بتوتر: اقصد بقالك اد اي بتصور
خاالد بضحك: أنا 25سنه وبصور من زمان وكنت أصغر مصور
نور بمرح: وانا 23سنه وبلاش احكيلك عن تصويري
ضحك خالد فهتفت شهد بجدية: انا بقول نبدا تصوير
خالد مجيبًا: تمام اوكااي
وعندما انهي خالد عمله قال: انا كده خلصت وان شاء الله الصور هتبقي مع حضرتك بعد يومين
والد نور: تمام ودا الكارت بتاعي خلص وكلمني واخدهم منك
خالد: تمام عن اذنكوا
                     ********
^^في أوضة نور^^
شهد بضحك: انتي اي ال عملتيه النهارده مع خالد دا
نور بنظره ذات مغزي: الواد قمر بصراحه
شهد: قمر!! انتي شوفتي احلي منه كتير قبل كده وكنتي  بتبصلهم بقرف
نور: معرفش بقا يمكن عشان كنت مبسوطه ف هبلت شويه
وبعدين انا عايزه انام عشان تعبت النهارده
شهد: ماشي ياختي وانا هروح وهبقي اجيلك
نور: ماشي ي حبيبتي
              **********
بعد 3أيام
^^في شقه نور^^
رن جرس الباب، فتحت نور فوجدت والدها فهتف قائلًا: عارفه جايبلك اي معايا؟
نور بفرح: جبتلي اي؟
والد نور: صور التخرج
نور: ياااااه بجد يلا نتفرج عليهم
*بيتفرجوا ع الصور
والدة نور: الصور تحفه
نور: ايوا حلوين اوي
والد نور: بنتنا ال حلوه وشرف لاي حد......دا حتي خالد طلب ايديها النهارده
نور: اي!! طلب ايدي انا؟
والد نور: ايوا واي رايك
نور: ال تشوفه ي بابا انا معرفهوش
والد نور: والله الشاب محترم وابن ناس ومتربي ومعجب باخلاقك
نور: لحق!
والد نور: اه ها خلصيني موافقه ولا اي؟
*نور ابتسمت  باستسلام: خلاص هفكر
والد نور: معاكي اسبوع ي حبيبتي وبراحتك اكيد
نور: شكرا ي بابا
                      ********
شهد بتساؤل: انتي بتحبي خالد؟
نور بتردد: بصي هو تحسيه شخص مناسب
شهد: بتحبيه؟
نور مجيبة: كلمة حب دي كبيره اوي ع احساسي نحيته...انا بحترمه بس
شهد: طيب
نور بتعجب: في اي؟
شهد بتساؤل: قوليلي انتي في اي؟........بتفكري في احمد؟
نور بحزن: انا حساه هييجي
شهد مجيبه: بعد اخر مره اتقابلتوا يستحيل ييجي
نور: ان شاء الله خير
                          *********
*بعد يومين
كانت جالسه ورن هاتفها فردت مجيبة: ألو
أحمد: ألو
نور بتعجب: مين حضرتك؟
أحمد بندهاش: نسيتي صوتي!
نور: أحمد؟؟!
أحمد: إزيك
نور: الحمد لله وإنت؟
أحمد: عايز أشوفك
نور: بس....
أحمد: هستناكي بكره الساعه5 في اخر كافيه شوفتك فيه
اغلق الهاتف بعدما قالها ،ليتكرها في حيرة كبيرة
                        *******
في اليوم التالي...
ارتدت ملابسها وركبت التاكسي وذهبت متذكره ما حدث في اخر لقاء بينهم
#Flash
قبل سنتين،في الكافيه
نور بتساؤل: ها ي شوشو نشرب اي؟
شهد وهي تحدق بتمعن: بت هو مش دا احمد؟
نور مجيبة: احمد مين؟
شهد هاتفه: احمد يابنتي قاعد لوحده هناك اهو
نور وهي تدير راسها: ملناش دعوه
شهد مجيبه: اشطاا
لم تمر دقائق حتي رآها احمد فذهب متجهًا اليها قائلًا: ازيك يا نور
نور ببرود: ازيك
أحمد: ينفع نكلم؟
نور: أسفه أنا قاعده مع صاحبتي
نظر لحمد لشهد وعيناه تتراجاها ان تجعله يجلس معها ففهمت شهد وقبلت وقالت: طيب اقعدوا انتوا بقا
نور بعدم فهم: اي دا انتي رايحه فين؟
شهد بتردد: افتكرت مشوار مهم هبقي اكلمك هبقي اكلمك
نور بتعصب: ماشي
جلس احمد وقال: ازيك اخبارك اي
نور بدون حتي ان تنظر له: تمام
أحمد بفرح: مش أنا جبت عربيه جديده
نور مجيبة: اممممم
أحمد بتعجب: اي ي نور مالك بتكلمي كده ليه؟
نور ببرود: بكلم ازاي يعني!
أحمد بزفير: خلاص مش مهم .......اختفيتي فجأه يعني ليه
نور : مختفتش ولا حاجه ،
أحمد بتساؤل: طيب مبتسأليش ليه؟
نور بضحم: الموضوع وما فيه ان انا لو مكلمتش كلامنا هينتهي وانا مش هحط نفسي في علاقه خسرانه
أحمد يهتف قائلًا: انتي عارفه اني بحبك
نور ببابتسامة سخرية: اها واضح
أحمد: طيب اسمعي ظروفي طيب وحياتك انا....
نور بعصبيه: متحلفش وتشرح ظروفك....ال بيعرف يغيب مبيعرفش يحب يا احمد
أحمد مجيبا: انتي عارفه ان كل دا مش بمزاجي بس انا مشغول جدا بمذاكرتي ف الكليه و..
نور بسخرية: مذاكرتك في اي يعنيا
انت بتاخد فلوس جامعتك وتروح تمشي بيهم مع البنات ال زيك
يا اخي اي القرف دا
أحمد بجدية: نور انا عندي مشاكل كتير مع اهلي وصحابي و..
نور مقاطعة له: هههه مع اي! مع اهلك؟ دا انت جايبلهم الشلل بعدم تربيتك دا ، اخواتك كويسين ومامتك حنينه وباباك ال جبتله امراض كتير دا مش حارمك من حاجه وكل حاجه عندك
واصحابك دول اصلا شبهك وانت تستاهل اصلا
أحمد بتعصب: انتي متعرفيش انا بيحصل فيا اي ....
نور باستنكار: م تبطل تعيش بقا في دور الضحيه دا يا اخي انا قرفت منك....دا ال زيك يسجد ساجدة شكر كل يوم ع ال معاه
أحمد برجاء: نور أنا محتاجلك خليكي جنبي
نور: قولتلي انك بتحبني وانا احترمت حبك وعاملتك حلو بس من يوم م ضمنت وجودي وانت مبقتش تعملي مساحه اصلا في حياتك وبدات تتجاهلني واحده واحده لحد م وصلنا لهنا .. انت نهيت كل حاجه ليك عندي واحده واحده لحد ما مبقتش احترمك خلاص اتقفلت منك
أحمد: بس انا بحبك
نور: انت لسه مصدق كدبتك انت محبتنيش انت لقيتني واحده مش هتتعوض قولت تركني لوقت عوزه
بس خلاص انا مش عايزه حبك دا خليهولك
نور بإستهزاء: عن اذنك يا... يا استاذ
إنتهت علاقتهم، ليس بسبب مشاجرة أو موقف عنيف أو حتي سوء شخصيه أحدهم....إنما بسبب حالة من الإهمال التدريجي.. الطرف الأول وثق بتواجده الدائم فأهمله، والأحر لا يتحمل أن يكون هامش بعد أن كان قريب
*-تذكروا ان ما ينتهي ببطء : لا يعود أبدًا*
#Back

^^في الكافيه^^
أحمد بثقه: كنت متأكد إنك هتيجي
نور بتعجب: اشمعني
أحمد بهدوء: كنت حاسس
نور مجيبة: طيب قول في اي
أحمد بجدية: أخر مره شوفتك فيها كانت من سنتين....حقيقي ادتيني قلم، قلم كبير فوقني، حتي في قسوتك كنتي جنبي
نور انا اتخرجت من الجامعه وطلعت الاول ع الدفعه لاول مره وسافرت وكونت نفسي بنفسي ورجعت وفتحت شركتي واشتريت بيتي وكل دا بنفسي ولوحدي وبقيت اشيل المسؤوليه
نور بفرح: ياااه بجد فرحتني
أحمد مكملًا: كل البنات ال كنت بكلمها مسحت ارقامها وغيرت خطوطي وعنواني وكل حاجه واحترمت اهلي وصلحت كل حاجه
بطلت اكدب واحور وبقيت بصلي....بقيت بصلي واطلب من ربنا اوصلك.....معرفتش اكلمك تاني من ساعه اخر مره لقيت ان انتي متستاهليش تتبهدلي معايا متستاهليش غير الحلال واني ادخل البيت من بابه لاول واخر مره عشان خاطر عيونك ال بيموتوني دول
مقدرتش انساكي لحظه وكنتي عطول في بالي وفي دعائي
في الاول كنت واخد الموضوع تحدي ضدك.....بس بعد كده لما الشوق قتلني اكتشفت اني كنت بحبك فعلا واني مش هلافي زيك
نور بتأنيب ضمير: انا....
احمد مقاطعًا: انا مش عايزك تقولي اي حاجه انا هجيلك بكره البيت ...هدخل البيت من بابه زي م بتحبي واقابل باباكي وتكوني فكرتي كويس واعملي حسابك اني مش هسيبك لغيري ابدًا
عن اذنك يا احلي حاجه في حياتي
*تكفي لحظة واحدة. نظرة واحدة. لقاء واحد. كي تتغير حياتك. يكفي الشخص المناسب في اللحظة المناسبة*
                      *******
شهد: وانتي موافقه؟
نور مجيبة: احمد ميعيبهوش غير انه كان كداب وبتاع بنات
دلوقتي هو اتغير، اتغير عشاني ي شهد
شهد: بتحبيه؟
نور مجيبة:دا أول واحد حبيت عيونه
                   *********
تاني يوم^في بيت نور^
شهد: يلا ي نور مستنيينك برا
نور مجيبة: حاضر، قولي كنتي عايزه تقولي ايه طيب؟
شهد بتلعثم: خلاص خليها بعدين عشان منتعطلش
نور بتلقائية: لا مش معطلاني عقبال ما اخللص تكوني حكيتي
شهد بخجل: خالد اتقدملي
نور بفرح: الله بجد دا احلي خبر في حياتي...  مبروك يا حبيبتي
عانقتها نور بشدة وظلت تردد كلمات مباركه ثم خرجت نور وكانت ترتدي فستان بنفسجي بشعرها الاسود الجميل
والد نور بضحك وفرح: بصي يبنتي انا وافقت خلاص ع الشاب دا ف انتي تقعدي تتعرفي عليه عطول وانا هاخد مامتك ونسيبكم شويه
نور بخجل: عايزين تخلصوا مني انا عارفه
تركهم والدهم ثم هتف احمد بحب: اي القمر دا
نور: شكرا لزوقك...بص انا....
احمد بضحك: انتي اي خااص باباكي وافق اصلا وجوازنا اخر الشهر
نور بضحك: اه م انتوا اتفقتوا عليا بقا
احمد : سيبك من كل دا...اي القمر دا
نور: م خلاص بقا عشان بكسف
احمد: واي يعني بتطلعي قمر عطول....ها موافقه تجوزيني
نور: اه وامري لله
احمد: سامحتيني؟
نور: مسامحاك من زمان
احمد: بتحبيني؟
نور بنظره حب: بحب عيونك
أحمد بضحك: يعني بتحبيني؟

اكتشفت النهارده بس اني بحبه
هو ميعرقش أنه بيزورني كل ليلة في أحلامي كأن روحه ترفض تصرفاته؟
أنا كنت عارفه إنه راجع وكنت عارفه إنه ليا
*أحببت قلبًا تغير من آجلي، أحببت رجلًا كادت أن تهلكه الأيام ولكنه أثبت أنه رجل يستحقني*