#جبار

الحلقة الثامنة

#جبار
#حكايات_ياسو_و_ساسو
Ajassmin

الحلقة التامنة
بعد ما اتفق مراد مع نورين انها اللى فى ايديها تغير اصلان جت مريم تطمن عليها فخبطت الباب فتح مراد ابتسمتله ابتسامة رقيقة
مريم : انت هنا؟
مراد بابتسامة عريضة و عيون مبحلقة فيها: اهلا مريم انا اه هنا
مريم دخلت و سلمت على نورين : نينا القمر عاملة ايه النهارده
نورين : الحمد لله و بصت لمراد و مريم : شكرا ليكم انتو الاتنين
تحاملت على نفسها و قامت تلبس و قالت هتروح على شغلها
مراد بخبث: وحشك؟
نورين: لا طبعا بس عمر قلقانة عليه
مراد بمكر: عمر برضو
نورين: تتخيل مثلا هيكون هو اللى واحشنى وانا اصلا مش طايقاه انا اصلا مش عارفة هعمل اللى بتقولولى عليه دة ازاى ولا هبص فى وشه ازاى
مراد : خلاص خلاص يلا علشان الحق اوصلك و بعدين اخده و نروح التصوير
راحت تجهز نفسها بشوية الحاجات اللى مريم جابتهالها و هى جاية و مريم و مراد برا
مراد : انا حاسس ان موضوع اصلان و نورين دة خير خير على الكل
مريم: خير ايه دى حرب و ربنا يستر
مراد و مسبل عنيه : بقولك خييييييييير
مريم ابتسمت و قالت فى نفسها ده اهبل دة ولا ايه
المهم نورين جهزت كله نزل و مريم راحت شغلها ومراد و نورين وصلوا الفيلا
و هى جاية تدخل قلبها اتقبض و خافت و بان عليها الخوف مراد طمنها و قالها متخافيش
اصلان منمش خالص طول الليل عاوز يعتذرلها باى طريقة و اتفق مع نفسه ان مفيش شرب تانى و هيتحكم فى اعصابه و يا رب يا رب بس تسامحه
نزلهم و عينيه منفخين و شكله ما يعلم بيه الا ربنا
مراد: ايه المنظر؟ انت مش هتروح التصوير؟
اصلان : انا كدة جاهز
مراد مطولش علشان عارف جنان صاحبه : طب يلا هستناك برا
قبل ما يمشى حاولت تهرب بس مسكها من ايديها : متخافيش مش هضايقك تانى ابدا
جت ترد نزل عمر و جرى عليها و اخدته فى حضنها
عمر: نينا وحشتينى اوى يلا نلعب
نورين: حاضر يا حبيبى
اصلان و هو جاى يمشى: هتيجى اللوكشن الساعة اتنين علشان هحتاجك
نورين بالعربى: فى داهية
اصلان : ايه؟
نورين : تمام
راح التصوير و صور شوية مشاهد ووو  و جتله سهيله تانى(البت دى مبتيأسش يا جماعة عندها تناحة غير طبيعية)
اصلان: تانى؟انتى تانى؟
سهيلة بوقاحة و جرأة :بص انا مش هسيبك
و قربت من شفافيه و بتقوله انا عاوزااااااااك جاى يزقها
هوب هوب هوب نورين فتحت باب الكارفان و شافت الوضع دة
اصلان موجها حديثه لتلك الساقطة ( اسفة يا رجالة) :اخرجى برا و متجيش هنا تانى
سهيلة: قلتلك مش هسيبك ولا الخدامة عجباك
اصلان: احترمى نفسك دى خطيبتى و اخر الاسبوع هنتجوز و اتفضلى اخرجى برا
جت نورين تخرج مسك ايديها و برأ لسهيلة : اطلللللعى برا
سهيلة خرجت و حلفت لتدمر نورين اما نورين شدت ايديها من ايديه و قالتله: انت حر تعمل اللى تعمله اتفاقنا واااااضح جواز لمدة شهرين و على ورق و بس علشان سمعتى و سمعتك يا اصلان بيه
اصلان: بس انا بح...
قاطعته : وانا بقولك متحبنيش لانى بكرهك
اصلان كتم غيظه لو بايده يمسك دماغها يدقها فى الحيطة على المعاملة دى بس اتنفس و حاول يهدى نفسه
اصلان: و ماله بكره هتحبينى
نورين معلقتش و سابته و مشيت و رجعت الفيلا تانى بس اتصلت بيه لان اللى يربطها بيه شغل
نورين فى التيلفون: اصلان بيه انا مشيت قبل ما اعرف حضرتك كنت عاوزنى ليه... اسفة.... فى حاجة مطلوبة منى؟
اصلان ابتسم مجرد وجودها صوتها نفسها بس بيسعده: لا شكرا خلى بالك من عمر نورين هانم
قفلت و وصلت الفيلا و كملت اليوم مع عمر اما اصلان جه خلاص هتمشى بس وقفت سمعت الحديث اللى دار بين عمر و بين اصلان
عمر: عمو انا بحب نورين اوى ممكن اعيش معاها
اصلان بارتياح: انا كمان بحبها اوى ايه رايك اتجوزها و تيجى تعيش معانا؟
عمر : بجد يا عمو اتجوزها و خليها تعيش معانا هنا و فى تركيا اما نرجع انا بحبها اوى
عارف بحسها شبه تيتا امت بشوف الصور
صح؟
اصلان سرح: اه حبيبى شبهها علشان كدة انا هتجوزها بس هى ترضى عليا
عمر : بسرعة بقى يا عمو
اصلان ابتسم: حاضر حبيبى كلها يومين و هيتكتب عقد الجواز
اما الاذنين المتصنتة نورين هانم ابتسمت و فرحت و استغربت و مشاعر كتير دارت جواها بس بس بس مش قادرة تسلمله بالسهولة دى
روحت و عدى يومين عادى و جه يوم كتب الكتاب ( اولا عقد السفاىة لاختلاف الجنسيات)
صحيت الصبح لقت الباب بيخبط فتحت لقت البواب بيديها صندوق كبير و بيقولها جه لحضرتك
شوية و مريم جت و اول نا دخلت : يلا يا عروسة
نورين: لا عروسة ولا زفت سيبينى فى حالى
مريم بصت على الصندوق: ايه دة
نورين : معرفش البواب جابهولى و قالى حد بعته
مريم فتحت الصندوق: ايييييه دة اييييييييه الجمال دة ايييييه الحلاوة ديه يااا دين النبى ايه دة
نورين بصت تنحت اسبهلت و شافت فستااااااااان روووووووووووعه لونه بيبى روز قماشة تل رقيقة و اكمام جوبير و عليه فراشات و وردات حلوين اوى بالابيض
و معاه ورقة قرت المكتوب فيها( نورين ضى العين ارجوكى ارتديه) و بس
مريم كمان اصرت انها تلبسه وبعدها البنات جهزه و جه مراد ياخدهم السفارة
اما عن عريسنا جهز نفسه و جهز عمر و اتجهوا للسفارة
اما عن عمها صبرى اتضطر يحضر فهناك اتفاق بينه و بين اصلان و واخد تمنه
كله مستعد بس اصلان جهزلها مفااجأة ولا على البال ولا على الخاطر
يا ترا ايه هى المفاجأة؟