#جبار
#حكايات_ياسو_و_ساسو
Ajassmin
الحلقة الرابعة عشر
فلاش باك
نورين و هى بتلبس و تتمكيج جالها مسج فتحت المسج لقت صورة لاصلان مع واحدة فى وضع مخل و فحست بغيرة و غل و جالها مسج تانى اذا كنتى عاوزة تعرفى انا مين هستناكى غى اوضتك كمان نص ساعة طبعاً فضولها قتلها علشان تعرف هى مين و رجعت اوضتها
بسسسسسس ايه اللى حصل؟
فلاش باك قبل الفرح باسبوع فى احد الكافيهات على النيل
يامور: انا لازم ادمره زى ما دمرنى و احرق قلبه على حبيبته دى زى ما خطف منى حبيبتى
) فلاش باك للفلاش باك دة من سنتين يامور دة كان بيحب بنت نص كم و طبعا لان اصلان اوسم منه و اغنى منه و اشهر منه و افضل منه هى حاولت تحوم على اصلان و اصلان مكنش بيدى فرصة لاى واحدة انها تقربله اكتر من ليله و بعدها ينساها و فعلا دة اللى حصل و اتسربت صور لاصلان مع البنت دى و مراد اتصرف و عرف يحذفهم كويس الا من عند يامور. المهم يامور دة لانه فكر ان اصلان خطفها منه و الكلام دة و بما ان يامور مدمن شمله شمتين و ضربله كاسين و راح للبت و قتلها و بعد ما فاق من كل دة حمل اصلان مسؤلية كل الكلام دة و حلف ينتقم منه و فعلا كان هيحاول يقتل عمر بس مقدرش)
سهيلة: وانا لازم اخلص منها
يامور: انتو بتحبوه على ايه؟ 🙄
سهيلة: لاسباب كتير اللى زيك مش هيعرفها
يامور بحقد: لا كدة نلغى اتفاقنا بس هتندمى انا كنت هنتقملك
سهيلة : لا احنا على اتفاقنا و انا هأمنلك كل حاجة
يامور بتوتر: بس فى عقبات كتير
سهيلة: عقبات ايه؟
يامور: الفندق متامن جامد و انا معرفش حاجة هنا و..
سهيلة مقاطعة كلامه: اسهل موضوع موضوع الفندق دة صاحبه يبقى صاحبى و عارفاه و هتصرف معاه
يامور: طب هنختفى فين بقى؟
سهيلة: دى برضو امرها سهل الغردقة فيها صحرا كتير و فيهم مجرمين من العرب مش ساهلين نتفق مع حد فيهم و كله بالفلوس بيمشى
يامور: انا شفت صورها فى المجلات بجد جميلة و هستمتع بيها اوى
سهيلة و هى بتاخد نفس من سيجارتها و ضيقت عنيها: انت هتعمل فيها ايه
يامور: هنام معاها حتى لو غصب
سهيلة بتوتر و طفت سيجارتها : هتغتصبها؟
يامور بوقاحة: و هصورله نفسى بث مباشر
سهيلة بتعجب: و هتفضح نفسك للعالم كله؟
يامور: ميهمنيش الا انى اكسره و بس خلاص مش باقى على حاجة
سهيلة بتوتر: ما بلاش الاغتصاب دة
يامور: ايه هتعطفى عليها ولا ايه؟
سهيلة : لا بس صعبه اوى
يامور بوقاحة: مش صعبة ولا حاجة دى حاجة ممتعة جدا و هكسرلك عنيها
سهيلة: انا اسمى ميجيش فى الموضوع
يامور : متخافيش سو انا مشكلتى مش معاكى
) سهيله كلمت صاحبها صاحب الريزورت بتاع الفرح و فهمته انها عاززة بوبة يكوم معلخاش امن يوم الفرح علشان عاوزة تدخل حاجات تظبط الدماغ ماهة مدمنة برضو و قالها بسيطة و جابت واحد من البادى جاردات بتوعها عارفة سوابقه و بتحتاجه فى الحاجات دى قالتله يتفقلها مع مجموعة من العرب اللى بيسكنوا الجبل يوفرولهم اكل و سكن و دفعت و كيشت و كله تمام و الخطة ماشية طراوة)
اما عن يوم الفرح اما نورين كانت بتلبس و جالها مسج فيها صورة اصلان مع البنت اياها فى الوضع اياه و مكتوب فيها لو عاوزة تعرفى كان بينا ايه و لسة موجود ولا لا هجيلك اوضتك كمان نص ساعة و طبعاً علشان الفضول هيقتلها رجعت تانى اوضتها تشوف مين البنت دى لقت يامور
نورين: انت مين
يامور: طبعاً فكرتينى حد تانى يا نورين هانم بس احب اقولك ان البنت اللى كنتى هتقابليها ماتت من سنتين
نورين جت تصوت لقت حد كتفها و حطلها منديل فيه مخدر على مناخيرها لحد ما اغمى عليها و بسرعة البرق حطوها فى نقالة الغسيل و سهيله عرفتهم مكان البوابة اللى هيخرجوا منها اللى اختيرت بعناية فائقة بوابة لا امن و لا كاميرات و لا اى حاجة و كان مستنيهم عربية
يامور و هو خارج اخد الفستان المكشوف و ساب رسالة لاصلان و هذا لانه غبى والله غبى
نرجع بقى للمشهد الرئيسي
اصلان: نورين مش معقو...
و لقى الورقة مكتوب فيها الاتى
(اليوم ستدفع ثمن ما فعلته من سنتين)
الكل مذهول و صاحب الفندق طبعا شرف بس و استنتج كل حاجة بس انكر علشان سمعته و استدعوا الشرطة اللى بعته لفريق من اهم فرق عمليات الانقاذ الخاصة و تحت قيادة العميد سليم و اكفأ ضباط الجهاز النقيب ياسين و بدأوا البحث
اما عن الفرح بلغوا المعازيم ان حصل حادث بشع و هيلغوا الفرح النهاردة علشان العروس تم نقلها المستشفى
و دة طبعا علشان يشتغلوا على الموضوع بسرية تامة بعيد عن شوشرة الصحفيين و الاعلاميين
تم التحقيق اولا مع الجميع
النقيب ياسين: سيد اصلان من اعدائك؟
اصلان بخوف و توتر و قلق: معرفش
ياسين: طب تفهمنى ايه عن الرسالة دى اكيد ليك اعداء
اصلان: لو ليا اعداء هعرفهم
و هنا مراد اتدخل: يامور اوغلو
اصلان بصله باستغراب: ازاى
مراد موجها كلامه لياسين: هو يامور و قص عليه كل القصة بتاعة البنت و وصل انه ميعرفش البنت اختفت فين بعدها
الكل خايف و مترقب و قلقان و اصلان مصدوم مبيتكلمش
عمال يعاتب و يأنب نفسه انه برضو هو السبب و هى بتدفع تمن شخصيته المتجبرة القديمة و هنا اصر على النقيب ياسين انه يتحرك معاهم خطوة بخطوة
ياسين متفهم الوضع بس بيحاول يفهمه خطورة الموقف و انه هو كمان معرض للخطر بس تقول لمين اصلان مصمم على حاجة معينه
فريق البحث الجنائى جه الفندق الكل ظاهريا بيتعامل بحذر و ان مفيش مشاكل بس طبعاً الكل عارف الازمة
المهم بعد التحقيقات و خصوصا مع صاحب الريزورت انس المهدى
ياسين: ازاى يا انس بيه ريزورت زى دة ميكنش مأمن
انس بتوتر و كأنه بيأنب نفسه على غبائه بس الكيف بيذل : معرفش احنا كنا مرتبين كل حاجة و...
ياسين مقاطعا: طب ممكن تتفضل معايا نعاين كل بوابات الريزورت
انس قام و مفيش بايده حاجة يعملها و قرر داخليا يدلهم على البوابة علشان يرتاح ضميره
و هما بعاينه البوابات
ياسين موجه الكلام لانس: البوابة دى مش عليها كاميرات ليه يا انس بيه؟
انس: دى البوابة اللى بنخرج منها الزبالة و المخلفات فملهاش اهمية
ياسين: ملهاش ايييييييه؟
تصدق بالله يا انس بيه دى اهم بوابة دى ممكن تسببلك كارثة مثلا يدخلوا سلاح متفجرات ولا مخدرات ولا يخطفوا عروسة اشهر الفنانين و ة ممكن يشمعلك الريزورت
انس و مستحملش اصله فافى شوية: يا ياسين بيه انا كنت مفكر انها فعلا هتدخل شوية حاجات لزوم السهرة اللى بنسهرها سوا مع الشلة زى كل مرة
ياسين بمكر: هى ميييييين بقى اللى هتدخل؟ و هتدخل ايه؟ و اديها خرجت مدخلتش
انس باستسلام: سهيلة بنت محمد الطوخى
ياسين: انتو عصابة بقى انت عارف ممكن يجرالك ايه
انس: انا اعترفتلك علشان ميجراليش حاجة
ياسين: انت مش مهم دلوقت بس الاهم لو ست سهيلة هانم كلمتك تعرفنا
و هنا مفيش بايد انس الا انه يوافق علشان سمعته و الريزورت بتاعه و كل حياته و اتفق مع ياسين هيحاول يجرجرها و يعرف هما فين
و كدة عرفنا الخاطفين و حلينا نص اللغز فاضل النص التانى ازاى هينقذوا عروستنا
نكمل ولا بلاش؟
أنت تقرأ
#جبار
Romantizmاول رواية و عمل مشترك بينى بين ياسمين رواية خفيفة لطيفة و ان شاء الله تعجب كل اللى يقراها
