مزاچ الشيخ(ابن عمي)

البارت السادس

مشتهي اذنوبك .
          واريدنك تعال
گلبي چم شيطان لعيونك لبس
وأعشگنك عشگ صافي عابر ألف غربال.. 🖤🧿🕊️
.....
گعدت على امي تهز بچتفي ..
_ليااان لياان يمه ..بصوت ناصي
_همم يمه _گومي يمه اگليلچ چم لگمه
_مااشتهي ..
_شني الما تشتهين قبل شويه گلتي يمه چوعانه گومي عوفي عنادچ وراچ علاچ ..چرتني خلت الصينيه على الچربايه خاف مابية حيل انزل اگعد ..گليت شويه وما بيه حيل اگل اگثر
_يمه شمالچ تكشين تنگش ..خذت الصينيه خلتها على الميز رچعت مددتني وغطتني راحت خذت الصينيه وطلعت
...شويه فزيت على صوت المخبلة زهراء
_لياان لياان بصوت ناصي
_همم زهراء هلا حياتي شچابچ
_شني شچابني عوفيني انته شبيچ يعمري شچرالچ
..والله زهراء ماادري بس والله شوفي مابية شي
_انشاء الله .. تبچي باست راسي
_حياتو شوفي مابية شي گافي عمري لا تبچين
_ اي شلونچ شخبارچ
_مسحت دموعها.. وگالت والله سجودي صاير گلش حلوو وعيونه فدوه لله
.._فتحت حلگي و كمت موتتها بالمخاده وهيه تضحگ ..._ولچ ادلعينه هم انتي چايه تشوفيني لو تشوفينه چرت المخده مني _انتي وهوه اچيت اشوفگم هوه النفس وانتي الگلب
_دفعتها كتلها دروحي يله
.._امم اي رايحه هم يلة اروح اشوف سوسايتي
شنوووو ..
_اي هذا اسمه بالبنوتات
...يااااا ضحگنا وسولفنا شويه توسلت بيها تبقى بس لان يعني ابوها مايقبل تطلع وبالگوه اچتني (مو برضاتها هههه)
سلمت عليها وراحت حسيت بخنگه كمت طبيت لحمام ونتلات قليلات شويه برچلية خلصت وطلعت من الحمام بعدني  انزع بالروب والباب انفتح
_خالاتي _ولچ ليان
واني عطت عيطه ..._شنو هااي چاي ابدل
_چرني ... حظنني وباسني شنو اتبدلين ولچ ماشايفينچ كعدن يضحگن ويسولفن
خالتي ام عباس_شلونچ خاله ليان ولچ
شچرالچ گل يوم انتي بسالفه
_خاله وداعتچن مابية شي
_انشاء الله حبيبتي
عادي اگول شي ..
اي كولي .._هسه انتن انزلن بس ابدل وتعالن
_ضربتني خالتي الصغيرة بچتفي خفيف بس شنو اچيت اوگع _اي رايحات شمالچ وتعاي انزلي طلع . بدلت خليت مشطت شعري سويته ضفيرة وصلت لورگي خليت الشال نزلت ملگيت احد بس بالغرفه مال امي خالاتي تعچبت لعد عمامي عماتي
خالتي_هلا بليونه تعاي اگعدي
..ابتسمت وگعدت بين خالتي وامي درت وجهي على امي
_يمه لعد شعچب محد
_شني محد يمه.. _قصدي لا عماتي وعمامي
_لا خابرن سألن عليچ خطيه يمه ليان وانتي هم تدرين بيوتهن بعيده واني يمچ وخالاتچ فدوه لكلبهن شعچب تسالين
_لا بس هيچ سالت وفدوه اروح لخالاتي
ههههه
...ضحگن وسوالفن واني احب چيتهن يخلن الچوا يتغير يمنا صارت تقريبا 5العصر
_يلة هم يالله نروح احنا
_شنو لا خالة ابقن باتن عليجن الله مشتاقتلچن
_يا بعد خالاتچ كلهن
..خالاتي ام حسن وام محمد باوعي صفح وطگيناها بضحگه_ اي والله شعدنا غير ليان
_صدگ لعد لخاطر ماعندي خاطر عدچن باتن
_يا شلون ماعدنا خاطر الج ..بطلاع الروح يلة قبلن يباتن
_بس خالة ليان خلي اسأل عباس خاف ماياخذ راحته
_هاا عباس موجود يعني
_اي هوه چابنا چاا شلون نچي .خلي اروح اسأله اجتي ادگوم وگعدتها عادي خالة اني احاجيه
_هاا خوش تلگينه بغرفه الاستقبال يمكن يم اخوتچ علاوي وهشام (اخوان ليان )
_ماشي رايحه عتفهن وگمت رحت بالاستقبال ملگيته باوعت من شباگ غرفه الاستقبال شفته من بعيد بالگراج يدخن وخشمه احمر والدشداشه السوده والشارب المنحوت نحت والعين الچنها موس والغترة المزيده حلات والهيبه  ويحجي ويا هشام يحجون شفت هشام طلع برى بسرعه عدلت الحجاب ورحت
شافني بسرعه ذب الچكارة  وسحكها واچه يمشي  بس شنو يمشي ومبتسم وگفت يم باب الاستقبال گال ليش طالعه والچوه بارد ادخلي لا تتمرضين باوع بعيوني واني بس صافنه وكال سمعتيني بصوت ناصي وبهمسه واني مثل الثولة واگفه
_هاا!!!!
ابتسم وگال وچعا بية وضحگ تعالي ادخلي .. احس روحي صرت مصخنه دخلنا بغرفه الاستقبال _استريحي اكعدي
كعدت وهوه كعد مقابيلي
كتلة عباس _ رفع راسه وابتسم _عيونه
خجلت شويه كتلة عادي اتباوتون يعني لان خاله متقبل الا تشوف رائيك خذاله صفنه بعدين گال_ لخاطرچ نبقى .. ابتسمت وتشگرته بسرعه گمت وطلعت من الغرفه وگلت لخالاتي فرحن خلصنا اليل نضحگ ونسولف وخالاتي وحده گامت تحچي على الثانيه واني خربانه من الضحگ ومن خلينا السفره مال اكل كل شويه واحد غاص من الضحگ خالتي ام حسن شكد تقلد وتخلينا غصبا علينا نضحگ صارت تقريبا 1باليل كمت احجي واغفي دفعتني خالتي ام محمد يلة ليان كومي نامي بسرعه وشربتي علاچج لا ترى اكوملج اموتج
_لا اصلا گايمه .. خليت وگمت صعدت بغرفتي خليت راسي على المخده طفيت الكلوب  ومااچاني نوم واتگلب منا ومنا كمت شغلت الكلوب وفتحت الكنتور باوعت غراضي مصفطات ماارتاحيت وكعتهن گلهن ورجعت صفطتهن خلصت تقريبا 3 صارت كمت من الكنتور سديته تمددت گلبت بالتلفون  سمعت انواع الاغاني باوعت للساعه4ونص صارت
... گعدت على صوت نوره فزيت باوعت للساعه والدنيا 3الضهر كمت بسرعه فتحت الباب
_هلاوو حبي شعچب نايمه لهسه
_والله البارحه مااچاني نوم
_ياا عبالي خلاج سهرانه الله لا ينطيه ..عرفت تقصد غير شي گرصتها وعاطت
_يلة روحي اروح اسبح وابدل وانزل
_اوكي حبي تعاي بسرعه
_استغربت اي يلة عيبت عليها وهيه ضحكت  وطتني بوسه بالهوا وراحت سديت الباب دخلت للحمام سبحت طلعت من الحمام لبست دشداشه سوده وردنها كله تطريز حلوو يوصل للعگس تور خفيف امشط بشعري واكول اصلا ماشاء الله بيتنا دائما عزايم خليت الشال ونزلت
رحت شفت ابوي  يمه امي بسته وهو باسني من راسي هلا بليونه شلون صرتي
_الحمدالله بويه
انشاء الله بويه ليان روحي تريگي واشرب علاچج
_ابتسمت ورحت دخلت للمطبخ سلمت على عماتي
ام وسام _ياا عمه ليان اشمالچ انشاء الله مابيچ غير العافيه
_الله يعافيچ عمه
_اي شچاچ وهيج
اجيت احچي واچتي نوره گالت والله يا عمه حسدوها ام خدود ليونه
_انته سكتي نويرة بس لا تصيرين المدافعه مالتها شچاج كاعد احاجيها لا اتنطين
ام نور _اسكتي نوره يمه لا تدخلين
ام هادي _خايبات شمالچن هنه يحچن واني خليت وطلعت فگدت خالاتي رحت دورت على امي لگيتها بالمطبخ
_يماا يمااا
_هاا يمه ليان
_لعد وين خالاتي
_خطيه راحن يمه من الصبح
_لعد ليش ماكعدني اسلم عليهن
..يمه مو نايمه انتي وهنه وراهن درب طويل
ديلة يمه انته تعاي اتريگي ..سويت صينيه ريوگ كعدت اگل بس ماادري شبية احس الاكل ينزل حمضل لبلعومي
كمت غسلت المواعين فتحت الثلاچه خذيت بطل مي وشربت العلاج طلعت من المطبخ استغربت اليوم صادق ماگو بعدين شفت نوره كاعده على الدرچ رحت يمها
شعجب هنا نور ..
والله ضوچه انتي ليش نزلتي ..
_اي والله نزلت شويه احرگ نفسي
_شتتحرگين ولچ
.._هههه والله يعني شويه شويه
بنص حچيتا واچتي نرجس ويمها واگفه مريم شني السالفه صايرات حبايب نوره چرتني _ولچ لياان شني صايرات صاحبات بصوت ناصي ضحكت گتلها_علمي علمچ .. گمنا من الدرچ منريد انسوي مشگلة رحنا گعدنا بالغرفه مال امي بيها عماتي رچعن دخلن ورانا هااي شبيهن دخل وراهن صادق
السلام عليكم ..
وعليكم السلام بشيخنا .. كلهن ردن عليه
اني ماارديت ظليت احجي ويا نوره هوه انتبه گعد يم عماتي يحچي وياهن وياهن واني عبالگ مشايفته
نوره_لياان شوف صادق اچه كعد علمود مريومه يمه الحب يمه
_ ولچ يا حب الحمدالله بصوت ناصي هوه يضحگ وياهن بس ميباوع على مريم عود يستحي مثلا سگتو شويه
ام وسام _اي عمه مريم تعاي ..چرتها وكعدتها يمها اي شلونچ شعچب ما اچتي امچ
_هيه بصوت ناصي عود نازگه لا عمه امي شويه تعبانه واني اچيت لخاطر نرچس
_اي عمه مريم غيري چوا وتعاي اضحگي ويا نرجوسه واتچنبي اشويه عالم ودارت وچهه علية ونوره طكتها بضحگه وضربت چتفي بقيت افرگ بچتفي من الضحگه
_اي والله اشكد اضحگين ليان استغربت
صادق_اريد اعرف شنو اليضحگ ويخزر
بلعت ريگي الله لا ينطيچ يا نوره
نوره_والله شيخنا ليان حچت نكته ترى مو عبالك ضحكنا على مريم لا والله
صادق _اي ليان احچي شنو ضحگينا وياج ..
_لا ماكو شي نوره تحجي وحدها
لا احچي عيني ليان ..
لا ماعاچبني احچي
هاا ماعاچبج تحجين
اي والله بگيفي ميعچبني احچي راسي يوچعني
يعني حظرتچ نشمي باليعچبج
عقدت حاچبي والله يمگن اي بليعچبني
عدل دشداشته وگام لا ليونه منمشي باليعچبج اني تمشون بمزاچي
وگفت وگتلة لا تشوف نفسگ محد ترى يمشي بمزاجك وكلهن گام عماتي
چرتني عمتي ام هادي _ولچ ليان اسكتي شتحجين
اچه صادق تقدم چرني من زندي وعمتي ام هادي چرتني من ايدي الثانيه وگلتلة شيخنا عمه صادق ماعندك خاطر الي عوفها چاهلة ما تفهم شي
_عمتي ام هادي.على راسي انتي بس باعي ليان رفع اصبعه ايأشر بيه شوفي احترميني لا اندمچ ندم طول عمرچ تتمنين ما چان اچيتي للدنيا
سالم راسگ عمه شيخنا عاف ايدي بس بدفع انضربت بعمتي ام هادي  ضلن يحچن علية واني مصدومه من تصرفه وياي
يتبع ...