بنتك يا ليبيا «مكتملة»

الحلقه 34❤

روايه: بنتك ياليبيا❤
للكاتبه: هبوووش ❤
الحلقه: 32 ❤

سراج نحا الحبل من علي ايديه لكن حس بضربه علي راسه وطاح ومعاش شاف شي غير الدنيا كلها مشوشه ومافي شي يبان خلال دقائق فقد سراج وعيه ومعاش يندري علي شي

كان الرصاص يتناطر في كل مكان والضرب كان قوي
وائل"جي يجري داهش":بنأمنولك الطريق فوت اجري للزنزانات افتحهم بالك سراج داخل
بلال: هيا ✌

جو شباب يضربو في الرصاص لن امنو لي بلال الطريق فات بلال يجري خش لي جهت الزنزانات افتح اول زنزانه القي فها الشباب يلي كانو بيعدموهم وكانو رابطنهم قرب بلال منهم وابدي يفكلهم في ادهم نحالهم الحبل ووقفهم
بلال: اطلع انت وياااه جري من اول ماتلقو الباب تو تلقو شباب تو اطلعكم وردو بالكم علي ارواحكم
(هزو راسهم بمعني باهي ومشو طلعو جري) 🏃
امشي بلال جري جهت الزنزانة الكبيره وقف قدام الحديد وهو يشوف بالك سراج وحد منهم لكن مفيش فايده كان مالك وجهاد فسط الزنزانة ويشبحو في بلال كيف اشوف وادور
مالك: شوف كأنه يشبه سراج 😳
جهاد: اي هلبا 😳
قعد يتحرك وادور في مفتاح الزنزانة كان عنده هلبا مفاتيح كل مره اجرب مفتاح لن افتح الباب
بلال: اطلعووو شباب
وقفو كلهم وابدو يطلعو لكن سراج مكانش منهم 💔

فات بلال يجري بيفتح اخر زنزانة افتحها وطلعو منها هلبا شباب لكن سراج مكانش منهم طلع بلال الأسرى كلهم وسراج مش موجود ووائل جي يجري
وائل: القته 😳
بلال:( هز راسه بمعني لا 😞)
وائل"طبطب علي ظهر بلال":مضايقش روحك

شدو هلبا اسري طليان وانتصرو فها وطلعو الشباب كلهم كانت فرحه لا توصف كل شاب رجع لحوشه ولي امه ولي عيلته كان صوت الزغاريت معبي الدنيا من فرحتهم بي أولادهم كان صوت الفرحه معبي الدنيا كلها ولدك يلي تحسابيه مات خلاااص يطلع عايش كانت كل ام ليبيه تبكي من فرحتها بولدها برجعته بالسلامه لكن في حوش وحد بس يلي مراش ولده ولافرح بيه لأن سراج ملقوشي ومعرفوشي وين مشي وملقولاش أثر

روحو الجيش كله للمعسكر فرحانين الا بلال يلي مش مصدق ان خوه سراج مات💔
وائل: خلاص ياراجل توا انزيدو اندورو عليه 💔
بلال"عيونه تعبو دموع":وين بيمشي مدامه مهناش في المعسكر 😢💔
وائل: انا متأكد انه كويس ❤
بلال: انشاء الله
وائل: تبي نوصلك للحووش 😊
بلال: لا لا تو نمشي بروحي 💔
وائل: غر تعال معاااي 😉
بلال: لا لا صحيت 😔
وائل: تماااام (ومشي ركب سيارته بروح للحوش ❤)

بلال:- حس روحه ابدي بروحه معاش عنده حد يكووت معاه حس الدنيا كلها تلف بيه ومش قادر يتحمل اكتر 💔
_________________
عند فرح ❤
ساجده: قولي تاني ياااارب 😻
فرح: يااااب (يارب 😅)
ساجده: يحليلي منك «قامتها وابدت تبوس فها 😻)
ساجده: منووو انا 😊
فرح: اتي مجوهه 😁(انتي منجوهه)
ساجده: اشي الوسخه 😳
طق طق طق
طق طق
طق
فرح نزلت جري من علي الصالون لي جهت الباب 😁
ساجده: انتي هكي وبطيري يابال كان بتكبري كيف (وفتحت الباب 👇)
وائل حضن امه وكان في ضيقه في قلبه حس روحه ان فقد صاحب غالي عليه هلبا مع انه ملهمش هلبا تعرفو علي بعض لكن رغم كل شئ يحبه ❤
ساجده: خش ياولدي خش 😭
وائل: خلاص يما مصار شي انا كويس❤
خش وائل قعمز وساجده يلي فرحانه بولدها
ساجده: شنو لقتوه الولييد 😳
وائل: لا مختفي مليشي اثر 😞
ساجده: نهار اسود وين مشي 😨
وائل: مش عااارف 😔
ساجده: ياناري علي إميمته مسكينه 💔
وائل: ليه اسبوعين هما حتي تعودو 😞
ساجده: والله مسكين قعد صغير الولد❤
وائل: 😔
فرح"سكتلهم عيطه":اععععععععع 🗣
وائل وساجده: خخ خيرك 😳😨
فرح: ابيييس بكي نا😒 (منبيش ابكي انا)
وائل:( قعد شاد ضحكته 😂)
ساجده: اشبحت المجوهه هده شن قلتلي وانت مهناش 😅
وائل"اشبح لي فرح":شنووو 😳
فرح: 😁😁
ساجدة: قلتلها منو انا قتلي انتي منجوهه😂😂
وائل: حيوااانه 😂😹
فرح: 😁😁😁
________________
عند بلال ❤
روح للحوش وهو حاس روحه مضايق وماعنده خلوق لي حد خش للدار وافتح تلفونه القي سيلين تتصل رد علها ❤
بلال"بصوت مخنوق":ايوااااا
سيلين: الووه اهلا 😊
بلال: اهلا بيك 😞
سيلين: كيف حالك 😉
بلال: اهووو ماشيه وخلااص 😔
سيلين: شن سراج القتوه 😳
بلال: لا مهناش 💔
سيلين: كك كيييييييييييييييف 😨
بلال: ملقناشي 😔
سيلين: وين امشي 😳
بلال: مش عاارف 💔
سيلين: ام ام اممم بب باهي سلام💔😢
(سكرو الخط)
بلال لوح التلفون وحط ايديه علي وجهه💔
طق طق طق
طق طق
طق
خشت امه عواطف وحطتله صونيه وماكله
عواطف: كووول حويجه يا ولدي 💔
بلال: والله ما خطري في حاجه يااام😞
عواطف: سلم ولدي كول حاجه متقعدش هكي لا ماكله لاشراب بالله عليك 😢
بلال: "هز راسه بمعني باهي"
__________________
مرو يومين 2 علي غياب سراج ومافي حد اعرف عليه اي معلومه كان بلال خاش في حاله غريبه لا ياكل لا يشرب لا يتكلم اقعد يعقوب معاه ويحاول انه اساعده ووائل يلي مستسلمش وقعد ادور في كل مكان علي امل يلقي سراج لكن بلا فايده 💔

عند وائل ❤
وائل: هياااا يام تبي حاجه 😊
ساجده:سلااامتك 😻
فرح: ابييي😁 (نبي)
وائل: وشن تبي 😹
فرح"بدت تخرف":ابي سخلاه ماما بس نبي سوسو باكا😁
وائل وساجده: مافهمو شئ 😳😹
وائل: حاجه وحده بس 😹
فرح: لاطه😌 (شكلاطه)
وائل: حاااضر 😻
وامشي طلع 🚶
________________
عند بلال ❤
يعقوب: ورأس امك افطر متقعدش هكي شوف وجهك كيف ولاه 😳
بلال: هز راسه بمعني لا وخلاص 💔
يعقوب: باهي كول شويه بسس 😳
بلال :ههز راسه بمعني لا 😞
يعقوب: اتكنطي من الموضوع ليه يومين وهو يحاول معاه ومقدرش ادرله حل😔
وائل: السلام عليكم 👋
يعقوب: وعليكم السلااااام 😊
وائل"حط ايده علي كتف بلال": شنو اكليت 😊
يعقوب: حتي الميه مشربهاش 😒
وائل: ايواااه 😳
يعقوب: وهدا الي صاير 😔
وائل: بلال كول حاجه مش معقوله هكي
بلال: هز راسه بمعني لا 💔
وائل"جي قعمز بحداه":بلال كانك تحب سراج كول حاجه 😳
بلال: اسكت ومعاش دار اي حركه 😔
وائل: هيااا كانك تحبه كوول 😳
وائل: طاااااااااارق 🗣
طارق: نعم 😳
وائل:رديتهم الأسرى كلهم لي حواشهم😳
طارق: لا لا في 2 قعدين بنوصلهم بعدين
وائل: اه وينهم باهي 😨
طارق: وعلاااش 😳
وائل: غر وينهم توا 🙄
طارق: في الديار الداخلية 😳
وائل: تعااال معاااي بلال 😉
ناض وائل وبلال خشو للولاد كانو مالك وجهاد
وائل: السلام عليكم 👋
جهاد ومالك: وعليكم السلام
وائل: نبي نسألكم خمسه دقائق وبنطلع
بلال: كان يشبح وساااكت 👀
وائل: سمعوني خو الولد هدا (اشر علي بلال)
مالك: تعرف كان في وحد معانا يشبهله هلبااااا 😳
بلال: 😳😳😳
وائل: كك كيف وشن اسمه الولد 😨
جهاد: اسمه سراااج 😳
بلال: 😨😨😨
وائل: سراج محمد ال$%% صح ولاه😳
مالك: اي هكي اضني قال ولاه 😳
جهاد: اي هكي قالي 😐
بلال: ه هو وو ويييين 😨
مالك: كان اسمه من يلي بيعدموهم 😞
وائل: 😨😨😨
بلال: عع عدموه مم معنها 😨
جهاد: منعتقدش لأن لما اخدوه انتو جيتو مش عااارف 😳
وائل: هو بالك اشبحتوه بعدها
مالك: لا لا من حيت ماخدوه معاش شفناه😳
جهاد: خيره صرتله حاااجه 😳
وائل: اختفي مش موجووود 😞
جهاد ومالك: 😨😨😨😨😨

________________

❤سرااااج❤

افتحت عيوني وكنت مش شابح شي الدنيا كلها مشوشه وانحس في روحي متكسر حاولت انووض لكن مقدرتش حسيت راسي مصدع ومش قادر انشوف شي خلال دقائق وضحت الرؤيه والقيت روحي فسط حوش اصغير اقعد انشوف بالك نلقا حد لكن كان الحوش فاضي وانا بس الي فيه حسيت روحي كأني كنت راقد رقدت الكهف حاولت انوض لكن اسمعت صوت خلاني نرجع نتكي اشبحت في كل مكان علي ان في حد لكن كان مافي حد حاولت نفتح عيوني اكثر لكن نحس في روحي كأني مخدر وفاشل مش قادر نتحرك خلال دقائق اسمعت صوت وخش عليا وحد ####

#يتبع❤
للكاتبه هبووش ❤

شكرا علي دعمكم وصلتو لي 53 تعليق شكرا نحبكم هلبااااااا زيدو انشطو والله ضروف القرايه مش مخليتني حتي انحك راسي 😹شكرا لكم 😻

لكتبو اهني شن تتوقعو 😻