قاعدين انا ولبان بناكل الكاب كيك الي عملته مع طنط والدته وفتحنا موضوع ان هاني خاين ومش مهتم بيا وحاجات كتيره كده وقالي..
"هاني دلوقتي في بيته عاملين حفله كبيره.. ممكن بعدها حاولي تتكلمي معاه"
مسمعتش كلامه وقررت اروح اطربقها علي دماغه زي ما عملت في فرح بنت خاله فيفي، كان فرحها هي وبهدلت هاني برضه، اتصل لبان بأوبر ليا عشان كنت سايبه التليفون فالأوضه عشان انسي هاني.. واديني رايحاله اهو الحفله اراقبه.
وصلت البيت وكان هيتهد من كتر الاغاني.. حطيت الشنطه علي كتفي "ربنا يستر علي الي هيحصل فيك يا هنهون" قولت وانا بدخل من الباب عشان الاقي كميه نسوان مش طبيعيه وانا شكلي اكني لسه جايه من المدرسه.. هو انا ايه الي جابني هنا؟ حاولت متوترش وكملت واول حد اشوفه كان لوسي بيشرب عصير مع واحده كده لابسه عبايه ورابطه راسها وكأنهم بيتسابقوا مين هيخلص العصير اسرع من التاني..هو ايه الي بيحصل هنا بالظبط؟
المهم مشيت وتفاديت الزحمه دي كلها وحشرت نفسي عشان اوصل للكنبه الي شله هاني بيقعدوا عليها دايماً ولاقيت شعرها البمبي..يع، هي ليه الوليه دي متروحش بيتها بقي وتسيب هاني في حاله! بصيت لاقيتهم ماسكين ايدين بعض.. لا دي هتبقي معجنه هنا بقي وربنا منا سايباه!
فتحت الشنطه وطلعت الكاب بتاعي ولبسته ولبست النضاره الشمس عشان مياخدش باله مني ورقابتها وهي بتتمايص عليه ومستنيه حاجه اوحش تحصل عشان امسكهاله ذله بقيه حياته
"تيسوراااااااااااه!" لقيت نيني بيفضحني وبيجري عليا وبيحضنني..
"ياحيوان انت بتعمل ايه؟! ابعد عني اسكت اسكت!"
"اخيراً لقيتك في حفله يابنتي فوفه قالتلي انك هتذاكري اصلاً بامجتهده"
بصيت علي هاني ولاقيته هو ومولي باصين عليا.. الخواجايه بصت عليا بقرف وميلت علي هاني اكتر وسي زفت مصدوم اني موجوده وشايفاه، زقيت نيني بكف ايدي علي وشه "ابعد عن وشي يانيني انا متعصبه."
مشيت من الاوضه الي قاعدين فيها وروحت عند المطبخ ولاقيت زيدان "تيسوره؟"
"ايوه يازيدان.. اه صح سوري كنت جايه هنا في مهمه سريه." قولت وانا بقلع الكاب والنضاره وبحطهم في الشنطه..
ضحك وقالي "اه.. تشربي حاجه معايا؟"
"اه ياريت"
قولتله وروحنا المطبخ عشان يعملنا كوبايتين عصير من ايديه الحلوين.. ايه؟
اخدت منه الكوبايه وبدأت اشرب عشان انسي هاني.. ومنظرهم وهم قاعدين جمب بعض وماسكين ايدين بعض.. شربت الكوبايه كلها علي مره واحده ودبيتها علي التربيزه "تاني!"
أنت تقرأ
AFTER (بالمصري)
Romanceتيسير هونج، فتاه جامعية عندها 18 سنه درجاتها عاليه وحبيبها زي الفل، علي طول بتخطط للمستقبل لحد ما قابلت الفتي الصعيدي ابن الكلب الي اسمه هاني عبفغور البرعي عنده كوليكشن سواطير وسكاكين كتيره دمرلها الخطط الي حطتها. تحذير- الكتاب ده بيضم تفاصيل مضحكه...
