ﺑﺎﺭﺕ مفااااااجئ ﻟﻌﻴﻮﻧﻜﻢ
#بارت١٨
ﺳﻼﺳﻞ ﺍﻟﻌﺎﺷﻘﻴﻦ
ﺑﻘﻠﻢ ﺭﻓﻞ ﺍﻟﻜﻨﺎﻧﻲ ✍✍✍
،،،،،،،،،،،،،،
ﺷﻤﺘﺎﻧﻴﻦ
ﻭﺍﻧﻲ ﻭﻳﺎﺝ ﻟﺴﻪ ﺑﻶ ﺫﻧﺐ ﺑﺎﻗﻴﻦ
ﺷﻤﺘﺎﻧﻴﻦ ﻣﻮ ﺟﻠﺠﻞ ﻋﻠﻴﻨﻪ ﺍﻟﻠﻴﻞ
ﻭﺍﻟﻮﺍﺩﻡ ﺩﻓﺖ ﺑﺲ ﺍﺣﻨﻪ ﺑﺮﺩﺍﻧﻴﻦ
ﺷﻤﺘﺎﻧﻴﻦ
،،،،،،،،،،،،،،،،،
ﻃﺒﻜﺘﻪ ﺑﻮﺟﻬﻪ ﻛﻌﺪﺕ ﻟﺤﻴﻠﻲ ﺍﺗﻠﻔﺖ ﺣﻠﻜﻲ ﻳﺎﺑﺲ ﻫﺬﺍ ﻳﻤﺎﻥ ﺧﺮﺏ ﺷﺪﻳﻜﻮﻝ ﻫﺬﺍ ﻣﻮﺻﺎﺣﻲ ﻣﻨﻴﻦ ﺟﺎﺏ ﺭﻗﻤﻲ ﻣﻨﻴﻦ ﺍﻛﻴﺪ ﺟﻨﺎﻥ ﺍﻟﺤﻘﻴﺮ ﺍﻧﻲ ﺃﻋﻠﻤﻪ ﺑﺴﻴﻄﻪ
ﻃﻔﻴﺖ ﺍﻟﻔﻮﻥ ﻓﺪﻧﻮﺏ ﻭﺑﻘﻴﺖ ﺍﻟﻮﺏ ﻣﺎﺑﻴﻪ ﺍﻧﺎﻡ ﻭﻛﻠﻤﻪ ﺗﺪﻙ ﺑﺮﺍﺳﻲ ﻳﺴﺮ ﺷﻮﻛﺖ ﺗﺤﻨﻴﻦ ﻛﻌﺪﺕ ﻭﺃﻳﺪﻱ ﻋﻞ ﺭﺍﺳﻲ ﻫﺬﺍ ﺷﻤﺘﻮﻗﻊ ﺷﻤﻨﺘﻀﺮ ﻭﺍﻟﻠﻪ ﺍﻗﺘﻞ ﻧﻔﺴﻲ ﻭﻟﺒﺎﻟﻪ ﻣﻴﺼﻴﺮ ﺗﻠﻔﻠﻔﺖ ﺑﺼﻒ ﺍﻣﻲ ﺣﺴﺒﻪ ﺗﺄﺧﺬﻧﻲ ﻭﺣﺴﺒﻪ ﺗﺠﻴﺒﻨﻲ ﻟﺤﺪ ﻣﺎ ﺇﺫﻥ ﻛﻤﺖ ﺗﻮﺿﻴﺖ ﻭﺍﺟﻴﺖ ﻓﺮﺷﺖ ﺍﻟﺴﺠﺎﺩﻩ ﻛﻌﺪﺕ ﺍﻣﻲ ﻋﻞ ﺻﻼ ﻭﺑﻠﺸﺖ ﺍﺻﻠﻲ ﻛﻤﻠﺖ ﻭﻋﻴﻮﻧﻲ ﻗﻔﻠﺖ ﻣﺪﺩﺕ ﻭﻏﻄﻴﺖ ﺭﺍﺳﻲ ﺍﻣﻲ ﺗﺒﺎﻭﻉ ﻣﻮﻋﻮﺍﻳﺪﻱ ﻳﻮﻣﻴﻪ ﺍﻛﻮﻡ
ﻫﺎﺍ ﻳﺴﺮ ﺍﺷﻮ ﻧﻤﻨﻲ
ﻳﻮﻡ ﺗﻌﺒﺎﻧﻪ
ﻏﻔﻴﺖ ﻭﺑﺎﻟﻲ ﻣﺘﺸﺘﺖ ﻟﻠﻀﻬﺮ ﺍﻟﻪ ﻛﻌﺪﺕ ﻛﻤﺖ ﻏﺴﻠﺖ ﻭﻟﻤﻴﺖ ﺷﻌﺮﻱ ﺑﺎﻭﻋﺖ ﻋﻞ ﺳﺎﻋﻪ ﺏ٢ﺍﺍﻑ ﺷﻨﻮ ﻫﻞ ﺧﺮﺑﻄﻪ ﻳﻮﻣﻲ ﻛﻠﻪ ﺗﺨﺮﺑﻄﺖ ﺷﺪﻋﻴﻠﻚ ﻳﻤﺎﻥ ﻫﺎﻱ ﻋﻮﺩ ﺍﺭﻳﺪ ﺍﺗﺤﺴﻦ ﺑﺎﻭﻝ ﺧﻄﻮﺭﻩ ﺭﺟﻌﺘﻨﻲ ﻟﻴﻮﺭﻩ
ﺳﻤﻌﺖ ﺻﻮﺕ ﺟﻨﺎﻥ ﻣﺎﻟﻲ ﺧﻠﻚ ﺍﺣﺎﺟﻴﻪ ﻭﻻﺑﻴﻪ ﺣﻴﻞ ﻫﻴﻪ ﺣﺴﺖ ﺍﻧﻲ ﻣﻮ ﻋﻞ ﺑﻌﻀﻲ ﻭﻳﻤﻜﻦ ﺗﻌﺮﻑ ﺭﻭﺣﻪ ﺧﻠﺖ ﻭﺭﺍﺣﺖ ﻣﻦ ﻳﻮﻣﻪ ﻏﻠﻘﺖ ﺍﻟﻔﻮﻥ ﻭﻗﻠﻴﻞ ﺍﻓﺘﺤﻪ ﻻﻥ ﻛﻞ ﻣﺎﺍﻓﺘﺤﻪ ﺍﻟﻜﻪ ﺭﺳﺎﻟﻪ ﻣﻨﻪ
ﻳﺴﺮ ﺣﺮﺍﻡ ﻋﻠﻴﺞ ﺣﺴﻲ ﺑﻴﻪ
ﻳﺴﺮ ﺍﺣﺒﺞ ﻭ ﺍﻟﻠﻪ ﻟﻴﻬﺴﻪ ﻭﺃﻛﺜﺮ ﻣﻦ ﻗﺒﻞ
ﻳﺴﺮ ﺗﺮﻩ ﻧﻔﺴﻲ ﺑﻴﺞ
ﻳﺴﺮ ﻣﻜﺎﻓﻲ
ﻳﺴﺮ ﺷﺘﺮﺩﻳﻦ ﺍﺳﻮﻱ
ﻋﺠﺰﺕ ﻭﺗﻌﺒﺖ ﻛﻤﺖ ﺃﻳﺎﻡ ﺍﺑﻘﻰ ﻏﺎﻟﻘﻪ ﺍﻟﻔﻮﻥ ﺟﺴﻠﺴﺎﺗﻲ ﻣﺴﺘﻤﺮﻩ ﻭﻳﻪ ﺩﻛﺘﻮﺭﻱ ﻭﺣﺎﻟﺘﻲ ﺑﺪﺕ ﺗﺘﺤﺴﻦ ﻧﻔﺴﻴﺘﻲ ﻛﺎﻣﺖ ﺗﺮﺗﺎﺡ ﻭﺍﻧﻲ ﺍﺳﻮﻟﻒ ﻭﻳﺎﻩ ﺍﺣﺴﻦ ﺟﺒﻞ ﻭﻳﻨﺰﺍﺡ ﻣﻦ ﻛﻠﺒﻲ ﺇﻟﻰ ﺃﻥ ﻫﻮﻩ ﺑﻨﻔﺴﻪ ﻛﻠﻲ ﺑﻌﺪ ﻣﺘﺤﺘﺎﺟﻴﻦ ﺍﻟﺠﻠﺴﻪ ﻓﻘﻂ ﺻﻴﺮﻱ ﻗﻮﻳﻪ ﺑﻄﻠﻲ ﺿﻌﻒ ﺭﺟﻌﻲ ﻟﺤﻴﺎﺗﺞ ﻫﺘﻤﻲ ﺑﻨﻔﺴﺞ ﻻﺗﻜﺘﻤﻴﻦ ﻋﻠﻴﻪ ﺍﻟﺼﺎﺭ ﺻﺎﺭ ﻭﺍﻟﺮﺍﺡ ﺑﻌﺪ ﻣﻴﺮﺟﻊ
ﻭﻓﻌﻼ ﻫﺬﺍ ﺍﻟﺴﻮﻳﺘﻪ ﺗﺪﺭﻳﺠﻴﺎ ﺭﺟﻌﺖ ﻟﺤﻴﺎﺗﻲ ﺍﻭﻝ ﺷﻲ ﺭﺟﻌﺖ ﺍﺧﻴﻂ ﺍﻏﻠﺐ ﻭﻗﺘﻲ ﺍﻗﻀﻲ ﻋﻞ ﻣﻜﻴﻨﻪ ﺷﻠﺖ ﻫﺬﺍ ﺍﻟﺤﻤﻞ ﻣﻦ ﺍﻣﻲ ﺟﻨﺎﻥ ﺑﺪﺕ ﺗﺠﻬﺰ ﻟﻌﺮﺳﻪ ﻭﺫﺑﺖ ﻳﻤﻲ ﻛﻢ ﻗﻄﻌﻪ ﺗﻔﻨﺘﻨﺖ ﺑﻴﻬﻢ ﺑﻌﺪﻩ ﺧﺠﻼﻧﻪ ﻭﻋﻴﻮﻧﻪ ﺑﻴﻬﺎ ﻛﻼﻡ ﻭﻧﻔﺠﺮﺕ
ﻳﺴﺮ ﺑﺎﻟﻠﻪ ﺍﻟﻌﻀﻴﻢ ﻣﻮ ﺍﻧﻲ ﻧﻄﻴﺘﻪ ﺍﻟﺮﻗﻢ ﻫﻮﻩ ﺍﺧﺬﻩ
ﺭﻓﻌﺖ ﺣﺎﺟﺒﻲ ﻭﻧﺼﻴﺖ ﺍﻓﺼﻞ ﺑﻠﻘﻄﻌﻪ ﺿﺎﺟﺖ
ﻳﺴﺮ ﻟﻴﺶ ﻣﺘﺼﺪﻛﻴﻦ ﻭﺍﻟﻠﻪ ﺍﺟﻴﺖ ﻟﻜﻴﺘﻪ ﻻﺯﻡ ﻓﻮﻧﻲ ﻳﻜﻠﺐ ﺑﻲ ﻭﻫﻮﻩ ﻣﻤﺴﻮﻳﻬﺎ ﻗﺒﻞ ﻋﺮﻓﺘﻪ ﻳﺪﻭﺭ ﺭﻗﻤﺞ
ﺭﻓﻌﺖ ﺭﺍﺳﻲ ﺭﺍﻓﻌﻪ ﺣﺎﺟﺒﻲ .. ﻭﻟﻴﺶ ﻣﻜﻠﺘﻲ ﺗﺮﻩ ﺍﺧﻮﺝ ﻟﻌﺒﻪ ﻟﻨﻔﺴﻲ
ﻧﺪﺍﺭﺕ ﻣﻌﺒﺴﻪ ... ﺗﺮﻩ ﺍﻧﻲ ﻟﻌﺒﺖ ﻧﻔﺴﻲ ﻣﻮ ﺍﻧﺘﻮ ﻻ ﺍﻧﺘﻲ ﺭﺍﺿﻴﻪ ﺗﻨﻄﻲ ﻓﺮﺻﻪ ﻭﻻ ﻫﻮﻩ ﻟﻌﺎﻳﻔﺞ ﺍﺩﺭﻱ ﺯﻟﻴﺨﻪ ﻭﻣﺠﻠﺐ ﺑﻴﺞ
ﻓﺘﺤﺖ ﻋﻴﻮﻧﻲ ﺧﺎﺯﺭﺗﻪ ... ﺍﻧﺠﺒﻲ ﻫﺬﺍ ﺍﻟﺤﺠﻲ ﻛﻮﻟﻲ ﺍﻟﻪ ﻣﻮ ﺍﻟﻴﻪ ﺑﻌﺪﻳﻦ ﺷﻨﻮ ﺍﻧﻄﻲ ﻓﺮﺻﻪ ﻫﺴﻪ ﺻﺎﺭ ﺭﺟﺎﻝ ﻭﻳﻨﻪ ﻗﺒﻞ ﻭﻳﻨﻪ ﻣﻦ ﺍﺧﺬﻧﻲ ﻣﺤﺴﻦ ﻭﻫﻮﻩ ﺳﺘﺴﻠﻢ ﻻ ﻣﻮ ﻫﻨﺎ ﺍﻟﻘﻬﺮ ﻭﺭﺍﺡ ﺗﺰﻭﺝ ﻫﻢ
بيج قصص عراقيه حقيقيه من واقعنا.روعه الطائي
ﻧﺪﺍﺭﺕ ﺍﺩﻳﻪ ﻋﻞ ﻣﻴﺰ ﻭﺟﻬﻪ ﺑﻮﺟﻬﻲ .. ... ﻳﺴﺮ ﺗﺮﻩ ﺍﻟﺴﻮﺍﻩ ﻣﺤﺴﻦ ﻣﻮﺷﻮﻳﻪ ﻧﻬﻪ ﻋﻠﻴﺞ ﻭﺍﻟﻨﻬﻮﻩ ﻳﻌﻨﻲ ﺩﻡ ﻳﻌﻨﻲ ﻣﻮﺕ ﺍﻟﻒ ﻣﺮﻩ ﻛﻠﻨﺎﻩ ﻻﺩﻛﻮﻟﻴﻦ ﻳﻤﺎﻥ ﻭﻳﻦ ﺟﺎﻥ ﻳﻤﺎﻥ ﺭﺍﺩﺝ ﺑﺪﻳﻪ ﻭﺭﺟﻠﻴﻪ ﺑﺲ ﻣﺤﺪ ﻭﻛﻒ ﻭﻳﺎﻩ ﻭﺍﻳﺪ ﻭﺣﺪﻩ ﻣﺘﺼﻔﻚ ﺭﺍﺡ ﻟﺸﻴﺨﻜﻢ ﻛﻠﻪ ﺟﻴﺐ ﺍﻫﻠﻚ ﺍﺟﻪ ﻟﺒﻴﺘﻨﻪ ﺑﺎﺱ ﺍﻻﺩﻳﻦ ﻭﺗﻮﺳﻞ ﺑﺎﺍﻣﻲ ﻭﺍﺑﻮﻳﻪ ﻭﻫﻤﻪ ﺍﻟﺨﺬﻟﻮ ﻭﺍﻛﺒﺮ ﺩﻟﻴﻞ ﻃﻠﻚ ﻭﺍﺑﻮﻳﻪ ﻣﺤﺠﻪ ﻻﻥ ﻛﻞ ﺣﺎﺟﻴﻪ ﻭﺍﻟﺜﺎﻧﻴﻪ ﻳﻜﻮﻝ ﺍﻻﻣﻲ ﺍﺣﻨﺎ ﺍﻟﺴﺒﺐ ﺍﺣﻨﺎ ﺍﻟﺰﻭﺟﻨﺎﻩ ﺣﺘﻰ ﺧﻄﻴﻪ ﺑﻨﺖ ﺍﻟﻌﺎﻟﻢ ﺑﺮﻛﺒﺘﻨﻪ
ﺩﻧﻜﺖ ﻫﺰﺗﻨﻲ .... ﻳﺴﺮ ﻣﺎﺗﺼﻮﺭ ﺍﺣﺪ ﻳﺤﺒﺞ ﺑﻜﺪ ﻳﻤﺎﻥ ﺗﺪﺭﻳﻦ ﻓﺮﺍﻛﺞ ﻛﻠﺒﻪ ﻛﻠﺒﻪ ﻭﺳﻮﺍﻩ ﻏﻴﺮ ﻭﺍﺣﺪ ﻛﺎﻡ ﻣﻴﻨﺤﻤﻞ ﻭﻻ ﻳﻜﻌﺪ ﺑﻠﺒﻴﺖ ﺭﻭﺣﻲ ﺷﻮﻓﻲ ﺭﻭﺣﻪ ﻳﻤﺞ ﻻﻋﺒﺎﻟﺞ ﻋﺎﻳﻔﺞ ﻳﺴﺌﻞ ﻋﻠﻴﺞ ﺃﻛﺜﺮ ﻣﻦ ﻣﻴﺴﺌﻞ ﻋﻞ ﺍﺑﻨﻪ ﻣﺼﻄﻔﻰ ﺍﺧﺎﻑ ﺍﻛﻠﺞ ﺍﻟﺼﺎﺭ ﺑﻴﺞ ﻣﻦ ﻭﺭﺍﻩ ﻫﻮﻩ ﻧﺎﻓﺴﺞ ﻭﺩﻛﻮﻟﻴﻦ ﺗﺒﺎﻟﻎ ﺗﺪﺭﻳﻦ ﻛﻞ ﺟﻴﻪ ﺍﻟﺞ ﻫﻨﺎ ﺷﻴﺼﻴﺮ ﺑﻲ ﺗﺪﺭﻳﻦ ﻣﻦ ﻳﺴﻤﻊ ﺑﻄﺎﺭﻳﺞ ﺷﻮﻥ ﻳﺮﺟﻒ
ﺗﺪﺭﻳﻦ ﻭﺭﻩ ﺍﻟﻄﻼﻙ ﻛﻢ ﻣﺮﻩ ﺑﻤﺮﻩ ﻭﺍﻧﺘﻲ ﻣﺮﻳﻀﻪ ﻳﺪﺯﻧﻲ ﺑﺲ ﺷﻮﻓﻴﻪ ﺑﺲ ﺻﻮﺭﻳﻬﺎ ﻭﻣﻦ ﻳﺸﻮﻓﺞ ﺣﺘﻰ ﺭﺃﺳﻪ ﻳﻠﻄﺨﻪ ﺑﻠﺤﺎﻳﻂ ﻣﺎﻛﻮ ﻫﻴﺞ ﺣﺐ ﻭﻻ ﺷﺎﻳﻔﻪ ﻫﻴﺞ ﺣﺐ ﺑﺤﻴﺎﺗﻲ ﻣﺮﻳﺾ ﻳﺴﺮ ﺍﺧﻮﻳﻪ ﻣﺮﻳﺾ ﺑﻴﺞ ﻟﻮ ﺗﺸﺎﻓﻲ ﻣﻦ ﻫﺬﺍ ﺍﻟﻤﺮﺽ ﻟﻮ ﻳﻤﻮﺕ ﺑﻲ
ﺣﺠﺘﻪ ﺑﻨﺘﺮ ﺧﻨﺰﺭﺕ ﺭﻭﺣﻲ ﺗﺸﻌﻮﻃﺖ ﺷﻤﺮﺕ ﺍﻟﻤﻜﺺ ﻭﺍﻟﻘﻄﻌﻪ ﻭﻓﺘﺖ ﻟﻠﻐﺮﻓﻪ ﻗﻔﻠﺘﻪ ﺍﺑﺠﻲ ﺷﻮﻥ ﺑﻴﻪ ﺷﻮﻥ ﺍﻧﻲ ﻣﺎﺭﺗﺎﺡ ﻣﺎ ﺍﺧﻠﺺ ﻟﻴﻮﻳﻦ ﺍﺿﻞ ﺃﻋﺎﻧﻲ ﺍﻧﻲ ﻣﺎﻃﻠﻜﺖ ﺣﺘﻰ ﺍﺭﺟﻌﻠﻪ ﻣﺎﻃﻠﻜﺖ ﺣﺘﻰ ﻳﺮﺟﻊ ﻳﺤﺐ ﺑﻴﻪ ﻭﻳﺘﻤﻌﺸﻚ ﻣﻦ ﺟﺪﻳﺪ ﺍﻧﻲ ﻣﻦ ﻭﺭﻩ ﻣﺤﺴﻦ ﻛﺮﻫﺖ ﺍﻟﺰﻭﺍﺝ ﻭﻛﺮﻫﺖ ﺣﺘﻰ ﺍﻟﺰﻟﻢ ﻣﺎﺭﻳﺪ ﺍﺣﺪ ﺑﺤﻴﺎﺗﻲ ﺍﺭﻳﺪ ﺍﻋﻴﺶ ﺣﺮﻩ ﺣﺮﻩ ﺍﻋﻴﺶ ﻟﻨﻔﺴﻲ ﻭﺑﺲ
ﻛﻢ ﻳﻮﻡ ﻋﺒﺎﻟﻚ ﺑﺪﻳﺖ ﺍﻧﺘﻜﺲ ﻻﻥ ﻫﻮﺍﻱ ﺃﻓﻜﺮ ﺑﻜﻼﻡ ﺟﻨﺎﻥ ﺁﺧﺮ ﺷﻲ ﻗﻮﻳﺖ ﺭﻭﺣﻲ ﻛﻠﺖ ﻣﺴﺘﺤﻴﻞ ﺃﺧﻀﻊ ﻭﺍﻧﻜﺴﺮ ﺍﻧﻲ ﻛﻮﻩ ﻛﻤﺖ ﻟﺘﻬﺖ ﻫﻴﻪ ﺑﻌﺪ ﻣﺸﻔﺘﻪ ﻛﻤﻠﺖ ﻣﻼﺑﺴﻪ ﻭﺩﺯﻳﺘﻬﻢ ﺍﻣﻲ ﻭﻳﺎﻫﻢ ﻣﻌﺎﻓﺘﻬﻢ ﺷﻮﻥ ﻫﻤﻪ ﻭﺍﻛﻔﻴﻦ ﺍﻟﻨﻪ ﺑﻜﻠﺸﻲ ﺑﺲ ﺍﻧﻲ ﻣﻮﺻﻠﺖ ﺍﺑﺪ ﺣﺘﻰ ﺑﻠﺤﻨﻪ ﻣﺮﺣﺖ ﺯﻋﻠﺖ ﺟﻨﺎﻥ ﻭﺑﺪﺍﺧﻠﻲ ﺍﻧﻄﺤﻦ ﺟﻨﺎﻥ ﻋﺰﻳﺰﻩ ﻋﻠﻴﻪ ﺟﻨﺎﻥ ﺍﺧﺘﻲ ﻣﻮ ﺑﻨﺖ ﺧﺎﻟﺘﻲ ﻭﺻﺪﻳﻘﺘﻲ ﻭﺑﻨﻔﺲ ﺍﻟﻮﻗﺖ ﻣﺮﺩﺕ ﻳﻤﺎﻥ ﻭﻗﺮﺑﻪ ﻭﻻ ﺷﻮﻓﺘﻪ
ﺑﻴﻮﻡ ﺍﻟﻌﺮﺱ ﺍﺻﺒﺢ ﺟﻨﺖ ﻧﺎﻳﻤﻪ ﻛﻌﺪﺕ ﻋﻞ ﻟﻤﺴﻪ ﺍﺩﻳﻪ ﺭﻓﻌﺖ ﺭﺍﺳﻲ ﺻﺎﺭﺕ ﻛﺒﺎﻟﻲ ﺩﻧﻜﺖ ﺧﺠﻼﻧﻪ ﺍﺑﺪ ﻣﻮﻛﻔﺘﻠﻪ ﻭﻻ ﻭﻓﻴﺖ ﺣﻖ ﺍﻟﺼﺪﺍﻗﻪ ﻭﻳﺎﻫﻪ ﺩﻣﻌﺖ ﻟﺰﻣﺖ ﺍﻳﺪﻱ
ﺣﺸﺘﺎﻗﻠﺞ ﺑﺬﺍﺗﻪ
ﻭﺍﻟﻠﻪ ﻣﻮ ﻫﻴﺞ ﻭﻻ ﺑﺬﺍﺗﻪ ﺑﺲ ﻣﺎﻛﺪﺭ ﺍﺣﻀﺮ ﻭﺗﻌﺮﻓﻴﻦ ﺍﻟﺴﺒﺐ
ﻳﻮﻟﻲ ﺩﻳﻠﻮﺏ ﻭﺍﻟﻠﻪ ﺍﻟﺒﺎﺭﺣﻪ ﻳﺒﺎﻭﻉ ﺑﻠﻮﺟﻮﻩ
ﻣﺘﺸﻮﻓﻴﻦ ﻣﺎﺟﻴﺖ
ﺍﻭﻭﻭﻑ ﺭﺍﺡ ﺍﺭﻭﺡ ﻭﺍﻧﺘﻮ ﺿﻠﻮ ﻣﻄﺎﺭﺩ ﺑﺲ ﺍﻣﺎﻧﻪ ﻋﻠﻴﺞ ﻳﺴﺮ ﻻﺗﻘﺴﻴﻦ ﻋﻞ ﻳﻤﺎﻥ ﺃﻛﺜﺮ ﻭﺍﻟﺒﻨﻲ ﺑﺎﻗﻲ ﺑﺲ ﺭﻭﺡ ﻛﻞ ﺍﻟﺪﻧﻴﻪ ﻣﻮ ﺑﺎﻟﻠﻪ ﻻ ﺍﺣﻨﺎ ﻻ ﺍﺑﻨﻪ ﻻﻭﺿﻴﻔﺘﻪ ﻭﻻﻛﻠﺸﻲ
ﺩﻧﻜﺖ ﺷﻲ ﺑﻴﻪ ﻳﺮﺟﻒ ﻣﻦ ﻳﺠﻲ ﻃﺎﺭﻳﻪ ﺭﻓﻌﺖ ﺭﺍﺳﻲ ﻓﺘﺤﺖ ﺍﻳﺪﻩ ﺣﻀﻨﺘﻪ ﺛﻨﻴﻨﻪ ﺑﺠﻴﻨﻪ ﺣﻠﻔﺘﻨﻲ ﺍﺣﻀﺮﻱ ﺑﺲ ﺍﻟﻴﻮﻡ .
ﻭﺍﻟﻠﻪ ﻣﺎﻛﺪﺭ
ﻟﺞ ﻣﻨﻮ ﻳﺸﻴﻞ ﺍﻟﺒﺪﻟﻪ
ﻣﻨﻮ ﻳﻌﺪﻟﻲ
ﻣﻨﻮ ﻳﺎﺧﺬﺍﻟﻲ ﺻﻮﺭ
ﻣﻨﻮ ﻳﺮﻭﺡ ﺻﺎﻟﻮﻥ ﻭﻳﺎﻱ
ﻛﻞ ﺫﻧﻲ ﺑﺎﻟﻲ ﺍﻧﺘﻲ ﺗﺴﻮﻳﻬﻢ
ﺧﻮﺍﺗﺞ ﻣﻴﻘﺼﺮﻭﻥ .. ﺣﺠﻴﺘﻪ ﻭﺩﻣﻮﻋﻲ ﺻﺎﺭﺕ ﻣﺜﻞ ﺍﻟﻤﻄﺮ ﻓﺎﺗﺖ ﺣﻨﻴﻦ ﻋﺎﻃﺖ ﻳﺒﻮﻭﻭ ﻫﺎﻱ ﺷﻜﻮ ﻣﻦ ﺍﻟﺼﺒﺎﺣﻴﺎﺕ ﻛﺎﻟﺒﺎﺗﻪ ﻣﻨﺎﺣﻪ ﺭﺍﻳﺪﻟﺠﻦ ﺑﺲ ﻣﻼﻳﻪ ﻭﻫﺎﻱ ﺍﻧﻲ ﺟﻴﺖبيج قصص عراقيه حقيقيه من واقعنا.روعه الطائي
ﺣﺎ ﺣﺎ ﺣﺎ ﻭﺍﻧﺎ ﺑﻴﺎﺣﺎﻝ ﻭﺍﻟﺪﻓﺎﻥ ﻳﻐﻤﺰﻟﻲ ﻭﺍﻧﺎ ﻳﺒﺎﻳﺎ ﺣﺎﻝ ﻭﺍﻟﺪﻓﺎﻥ ﻳﻐﻤﺰﻟﻲ
ﺿﺮﺑﺘﻪ ﺑﻠﻜﻮﺷﻪ ﻋﻮﺫﻩ ﻣﻨﺞ ﺑﺸﻨﻮ ﻣﻔﺎﻭﻟﺘﻨﻪ ﻓﺎﻳﺘﻪ ﺗﻠﻄﻤﻴﻦ
ﻳﻤﻌﻮﺩﺍﺕ ﺍﻧﻲ ﻟﻮ ﺍﻧﺘﻦ ﻳﻠﻪ ﻳﻠﻪ ﺍﻣﺸﻲ ﺍﻧﺘﻲ ﺧﺎﻟﻪ ﺗﺮﻳﺪﺝ
ﺑﻮﺳﺘﻨﻲ ﻭﻃﻠﻌﺖ ﺍﺧﺬﺕ ﺭﻭﺣﻲ ﻭﺭﺍﺣﺖ ﺑﺠﻴﺖ ﻛﻮﻣﻪ ﻭﺩﻋﻴﺘﻠﻪ ﻛﻮﻣﻪ ﺍﻟﻠﻪ ﻳﻮﻓﻘﻪ ﺟﻨﺎﻥ ﺍﺧﺬﺕ ﺍﻗﺎﺭﺑﻨﻪ ﻣﻦ ﺑﻌﻴﺪ ﻭﺳﻮﺍﻟﻪ ﺑﻴﺖ ﺑﻨﻔﺲ ﺍﻟﻤﻨﻄﻘﻪ ﻳﺒﻌﺪ ﻛﻢ ﺑﻴﺖ ﺑﺲ ﺗﺒﻘﻰ ﺑﻌﻴﺪﺍ ﻋﻨﻲ ﻭﻳﺠﻮﺯ ﺗﺎﺧﺬﻩ ﺍﻟﺪﻧﻴﻪ ﻭﺗﻠﺘﻬﻲ
ﻛﻞ ﺍﻟﻨﺎﺱ ﻣﺸﻰ ﻗﻄﺎﺭ ﺍﻟﻌﻤﺮ ﺑﻴﻪ ﺍﻟﻪ ﻳﺴﺮ ﻗﻄﺎﺭﻩ ﻣﺎﻟﻪ ﺳﻜﻪ ﻭﺩﺭﺑﻪ ﻣﻦ ﺍﻟﺒﺪﺍﻳﻪ ﺃﻋﻮﺝ ﻭﺩﻋﺘﻪ ﻭﻫﻼﻫﻞ ﺯﻓﺘﻪ ﺣﻔﺮﺕ ﻛﻠﺒﻲ ﺍﻟﺠﺎﻧﺖ ﺑﻲ ﺷﻮﻳﻪ ﺷﻮﻳﻪ ﺑﺪﻳﺖ ﺍﺗﻌﻮﺩ ﻋﻞ ﻋﺪﻡ ﻭﺟﻮﺩﻩ ﻭﺭﺟﻌﺘﻠﻲ ﺭﻭﺣﻲ ﺑﻴﻪ ﻭﻣﺎﺑﻴﻪ ﻭﻛﻔﺖ ﻋﻞ ﺭﺟﻠﻴﻪ
ﺗﺸﺎﻓﻴﺖ ﺗﻤﺎﻣﺎ ﻭﺭﺟﻌﺖ ﺍﻟﺮﻭﺡ ﺑﻴﻪ ﺃﻛﺜﺮ ﻭﺣﺪﻩ ﻣﺮﺗﺎﺣﻪ ﺍﻣﻲ ﺗﺸﻮﻓﻨﻲ ﺍﺷﺘﻐﻞ ﻭﺍﺧﻴﻂ ﻭﺍﻓﺘﺮ ﺑﻠﺒﻴﺖ ﺗﺒﻮﺱ ﺍﺩﻳﻪ ﻭﺟﻪ ﻭﻛﻔﻪ
ﻭﻓﺪﻳﻮﻡ ﺻﺎﺩﻕ ﺍﺟﻪ ﻣﻦ ﺍﻟﺸﻐﻞ ﻣﻮ ﻋﻞ ﺑﻌﻀﻪ ﻻﺳﺒﺢ ﻻﺗﻐﺪﻩ ﻋﺒﺎﻟﻚ ﺍﻛﻮ ﺷﻲ ﺷﺎﻏﻞ ﺑﺎﻟﻪ ﻳﻔﺘﺮ ﻳﺒﺎﻭﻉ ﺑﻮﺟﻮﻫﻨﻪ ﻳﺮﻭﺡ ﻭﻳﺠﻲ ﻭﺍﻧﻲ ﺍﺧﻴﻂ ﻭﻛﻞ ﺷﻮﻳﻪ ﺍﺑﻮﻙ ﻧﻀﺮﻩ ﻣﻨﻪ ﺍﻣﻲ ﻣﻤﻨﺘﺒﻪ ﻭﻣﻦ ﺷﺎﻑ ﻣﺤﺪ ﺣﺎﺟﺎﻩ ﻛﻌﺪ ﻭﻛﺎﻝ ﺍﻧﻲ ﺍﺭﻳﺪ ﺍﺗﺰﻭﺝ ﺻﻔﻨﻪ ﻋﻠﻴﻪ ﺍﻣﻲ ﻓﺎﺗﺤﻪ ﻋﻴﻨﻪ ﻭﺍﻧﻲ ﺍﺑﻠﻊ ﺑﺮﻳﻜﻲ ﺷﺠﺎﺏ ﻫﻞ ﺳﺎﻟﻔﻪ ﻋﻞ ﺑﺎﻟﻪ ﻭﻫﻮﻩ ﻻﻭﺭﺍﻩ ﻭﻻ ﻛﺪﺍﻣﻪ ﻧﺼﻪ ﺭﺃﺳﻪ ﻭﺍﻣﻲ ﺑﺼﻔﻪ ﻟﺰﻡ ﺍﻳﺪﻩ
ﺷﺪﻛﻮﻟﻴﻦ ﻳﻤﻪ
ﺿﺤﻜﺖ ﺍﻣﻲ ... ﺷﻜﻮ ﺑﻴﻬﺎ ﻳﻤﻪ ﻳﻮﻡ ﻋﻴﺪ ﺑﺲ ﺍﻧﺖ ﺗﻌﺮﻑ ﺍﻟﺒﻴﺮ ﻭﻏﻄﺎﻩ ﻭﺗﺮﻩ ﺑﻌﺪﻙ ﻭﻳﻨﻚ ﻭﻳﻦ ﺍﻟﺰﻭﺍﺝ
ﻳﻤﻪ ﺍﺻﻐﺮ ﻣﻨﻲ ﺩﻳﺰﻭﺟﻮﻥ ﻭﺍﺫﺍ ﻋﻞ ﺣﺎﻝ ﺍﻟﺮﺍﺡ ﺍﺧﺬﻩ ﻣﺜﻞ ﺣﺎﻟﻲ ﻻ ﺗﺮﻳﺪ ﺯﺍﻳﺪ ﻭﻻ ﺗﺘﺸﺮﻁ
ﺫﺑﻴﺖ ﻛﻠﺸﻲ ﻣﻦ ﺍﻳﺪﻱ ﺃﺑﺎﻭﻉ ﻋﻠﻴﻪ ﻳﺎﺭﺑﻲ ﻫﺬﺍ ﺣﺘﻰ ﻣﺤﻀﺮﻩ ﺑﻬﺖ ﻟﻮﻥ ﺍﻣﻲ ﺷﺎﻓﺖ ﺍﻟﻤﻮﺿﻮﻉ ﺻﺎﺭ ﺟﺪﻱ
ﻣﻨﻴﻪ ﻳﻤﻪ ﺍﻧﻲ ﺍﻋﺮﻓﻪ ﻣﻨﻴﻦ ﻋﺮﻓﺘﻪ
ﺳﻜﺘﺖ
ﺻﺎﺩﻕ ﻳﻤﻪ ﺷﺒﻴﻚ ﺍﺷﻮ ﺣﺠﻴﺖ ﻭﻧﺒﻠﻊ ﻟﺴﺎﻧﻚ
ﻳﻤﻪ ﻋﻼ ﺑﻨﺖ ﻋﻤﻮ ﻣﺤﻤﺪ
ﻓﺘﺤﺖ ﻋﻴﻮﻧﻲ ﺍﻣﻲ ﺷﻬﻜﺖ .... ﻭﻟﻚ ﻳﻤﻌﺰﻩ ﻫﻢ ﻋﻤﺎﻣﻚ ﺍﻧﺖ ﻣﺘﺠﻮﺯ ﻣﻮ ﻧﻠﺠﻤﻨﻪ ﻣﻦ ﺍﻟﺠﺒﻴﺮ ﻭﺗﺨﺎﺭﺑﻨﻪ ﺗﺮﺟﻊ ﻋﻞ ﺯﻏﻴﺮ ﻫﻮﻩ ﺑﺲ ﻫﺬﺍ ﺍﺩﻣﻲ ﺑﻠﻪ ﻣﺘﺴﻜﺖ ﻟﺨﺎﻃﺮ ﺍﻟﻠﻪ
ﻳﻤﻪ ﻭﺍﻧﺘﻲ ﻛﻠﺘﻴﻪ ﻋﻤﻮ ﻣﺤﻤﺪ ﺍﺩﻣﻲ ﺷﺠﺎﺑﻪ ﻋﻞ ﻣﺮﺣﻮﻡ ﻋﻤﻲ ﺍﺑﻮ ﻣﺤﺴﻦ
ﺻﺎﺩﻕ ﻻﺗﺨﻠﻴﻨﻲ ﺍﻟﻠﻄﻢ ﻧﻔﺲ ...... ﻭﻧﻔﺲ ... ﻫﺬﺍ ﺍﺧﻮﻩ ﻫﺬﺍ
ﻧﺼﻴﺖ ﺭﺍﺳﻲ ﺭﺟﻌﺖ ﺍﺧﻴﻂ ﺩﺍﺧﻠﻲ ﻛﺎﻡ ﻳﻔﻮﺭ ﻫﺎﻱ ﺧﺎﻑ ﻧﺮﻳﺪ ﻧﺒﺘﻌﺪ ﻫﺎﻱ ﺍﺧﻮﻳﻪ ﺩﻳﻘﺮﺑﻨﻪ ﺧﺎﻑ ﺧﻠﺼﺖ ﻣﻦ ﺫﻳﺞ ﺍﻟﺸﻜﻮﻻﺕ ﺭﺍﺡ ﻳﺮﺟﻌﻨﻪ ﺷﻮﻥ ﻣﻴﻠﻮﺣﻨﻪ ﺷﻲ ﻭﻫﻤﻪ ﺑﻴﺖ ﻭﺍﺣﺪ ﻧﺎﺱ ﻃﺐ ﻋﻞ ﻧﺎﺱ ﻭﻣﺘﻨﺎﺳﺒﻴﻦ ﺍﻣﻲ ﺗﺨﺒﻠﺖ ﺭﻓﻀﺖ ﻭﻫﻮﻩ ﻋﻨﺪ
ﺍﻟﻨﺒﻴﻪ ﺣﻠﻮﻩ ﻭﻋﺎﻗﻠﻪ ﻛﻢ ﻣﺮﻩ ﺭﺣﺘﻠﻬﻢ ﻭﻣﺮﻩ ﺍﺟﺘﻲ ﻫﻨﺎ ﻋﺠﺒﺘﻨﻲ ﻭﻋﻤﻲ ﻳﻠﻤﺢ ﺍﻧﺖ ﺍﺑﻦ ﺍﺧﻮﻳﻪ ﻣﺜﻞ ﺍﺑﻨﻲ ﺍﺯﻭﺟﻚ ﻭﺍﻧﻲ ﺍﻟﻤﻤﻨﻮﻥ ﺑﻨﺎﺗﻲ ﻛﺪﺍﻣﻚ ﻛﺒﻊ ﻭﺧﺬ ﻭﻻﺗﻔﻜﺮ ﺑﺸﻲ
ﺯﻣﺨﺖ ﺍﻣﻲ .... ﺻﺎﺩﻕ ﻭﺍﻟﺴﻤﺎﻙ ﺻﺎﺩﻕ ﻻ ﺍﻧﺘﻲ ﻭﻻ ﺍﻋﺮﻓﻚ ﻋﻮﻑ ﻫﻞ ﺳﺎﻟﻔﻪ ﺷﻴﻠﻪ ﻣﻦ ﺭﺍﺳﻚ ﻭﻳﻨﻚ ﻭﻳﻦ ﺍﻟﺰﻭﺍﺝ ﻛﻮﻥ ﻧﻔﺴﻚ ﻫﺴﻪ ﻭﺑﻌﺪﻳﻦ ﻓﻜﺮ ﺑﻤﺮﻩ
ﻳﻤﻪ ﺍﻧﻲ ﻗﺮﺭﺕ ﻭﺍﻧﺘﻬﺖ ﻳﺎ ﺗﺨﻄﺒﻴﻪ ﻳﺎ ﻋﻤﻲ ﻣﻨﻄﻴﻨﻴﺎﻩ ﺑﺪﻭﻥ ﻛﻠﺸﻲ
ﻃﻠﻊ ﻭﺍﻣﻲ ﺗﻨﻜﺰ ﺭﺗﻔﻊ ﺿﻐﻄﻪ ﺣﺮﻧﻪ ﺑﻴﻬﻪ ﺍﻧﻲ ﻭﺣﻨﻴﻦ ﺍﺟﻪ ﻋﻠﻲ ﺳﻮﻟﻔﻨﺎﻟﻪ ﻛﺎﻝ ﻫﻮﻩ ﺻﺎﻳﺮ ﺩﻫﻦ ﻭﺩﺑﺲ ﻭﻳﺎﻫﻢ ﻳﻮﻣﻴﻪ ﻳﺘﻌﻠﻞ ﻳﻤﻬﻢ ﻭﻋﻤﻲ ﺭﺍﻳﺢ ﺟﺎﻱ ﻟﻠﻮﺭﺷﻪ ﻳﺎﺧﺬﻩ ﻳﺒﺸﺒﺶ ﻭﻳﺎﻩ ﻟﻄﻤﺖ ﺍﻣﻲ ﺭﺍﺡ ﺍﻟﻮﻟﺪ ﺿﺎﻉ ﻣﻦ ﺍﻳﺪﻱ ﻣﺤﻤﺪ ﻋﻨﺪﻩ ﺧﻤﺲ ﺑﻨﺎﺕ ﺩﻳﻤﺸﻲ ﻭﺣﺪﻩ ﺑﺮﺍﺱ ﺍﺑﻨﻲ ﺍﻟﺰﻋﻄﻮﻁ
ﻛﻮﻩ ﺳﻜﺘﻨﻪ ﺍﻣﻲ ﻭﺿﻠﺖ ﺃﻳﺎﻡ ﻫﺎﻱ ﺍﻟﺴﺎﻟﻔﻪ ﺟﺮ ﻭﻋﺮ ﺻﺎﺩﻕ ﻗﻔﻞ ﻣﻴﺴﻤﻊ ﻻﺍﻣﻲ ﻭﻻ ﻟﺨﻮﺍﻟﻲ ﺍﻧﻲ ﺍﺣﺠﻲ ﻛﺎﻝ ﺍﻧﺘﻲ ﺳﻜﺘﻲ ﻳﺎﻣﻪ ﻋﻤﻲ ﺭﻛﺾ ﻭﻳﺎﺝ ﻛﻢ ﻣﺮﻩ ﺟﺎﺑﺞ ﺑﺴﻤﻪ ﺷﻜﺪ ﺯﻳﻨﻪ ﻋﻠﻴﺞ ﺑﺲ ﺍﻧﺘﻮ ﻣﺘﺮﺩﻭﻧﻲ ﺍﺯﻭﺝ ﺍﺳﻜﺖ ﻭﺍﻧﺴﺤﺐ ﻣﺎﺍﺣﺠﻲ ﺗﻌﺒﻨﻪ ﻭﻣﺎﺗﻌﺐ ﺁﺧﺮ ﺷﻲ ﻃﻠﻊ ﻫﻮﻩ ﻭﻋﻤﻲ ﻃﺎﺑﺨﻴﻪ ﺳﻮﻩ ﻭﺍﺟﻪ ﻋﻤﻲ ﻟﻠﺒﻴﺖ ﻫﺬﺍ ﺍﺑﻨﻲ ﻭﻫﺬﺍ ﻣﻦ ﺭﻳﺤﻪ ﺍﺧﻮﻳﻪ ﻭﺍﻧﻲ ﻛﺎﺭﻣﻪ ﺑﻨﺘﻲ ﻭﻛﻮﻣﻪ ﻛﻼﻡ ﺳﻜﺘﺖ ﺍﻣﻲ ﻭﺭﺿﺨﺖ ﻟﻠﻤﺮ ﺍﻟﻮﺍﻗﻊ ﻭﻳﻪ ﺯﻥ ﺻﺎﺩﻕ ﻟﻮ ﺗﺨﻄﺒﻮﻟﻲ ﻟﻮ ﺃﻋﻮﻑ ﺍﻟﺒﻴﺖ ﻭﺍﻃﻠﻊ
ﺳﺘﺴﻠﻤﺖ ﺍﻣﻲ ﻭﺭﺣﻨﺎ ﺧﻄﺒﻨﺎﻟﻪ ﻋﻼ ﺟﺎﻧﺖ ﻣﺎﻋﺪﻩ ﺟﻤﺎﻝ ﺑﺴﻤﻪ ﻭﻻ ﺍﺧﻼﻗﻪ ﻋﺒﺎﻟﻚ ﻣﻮ ﺍﺧﺘﻪ ﻭﻻ ﺗﺠﻲ ﻳﻤﻪ ﺑﻘﻄﺮﻩ ﺳﻤﺮﻩ ﺿﻌﻴﻔﻪ ﻗﻄﺮﻩ ﺩﻡ ﺑﻮﺟﻬﻪ ﻣﺎﻛﻮ ﻋﻞ ﺷﻨﻮ ﺫﺑﺢ ﻧﻔﺴﻪ ﻋﻠﻴﻬﺎ
ﻣﺎﻋﺮﻑ
.
.
.
.
.
ﻳﺘﺒﺒﺒﻊ
ﻟﻠﻲ ﻃﻠﺒﻮ ﺻﻮﺭﻩ ﻳﻤﺎﻥ
ﻭﻫﺎﻱ ﺑﻴﻪ ﻣﻦ ﻳﺴﺮ ﺑﺲ ﺧﻠﻮﻟﻪ ﺷﺎﻣﻪ ﺑﻤﻌﺮﻓﺘﻜﻢ 😂
ﺍﺣﺒﻜﻢ ﺍﺧﺘﻜﻢ ﺭﻓﻞ ﺍﻟﻜﻨﺎﻧﻲ
❤❤❤
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
أنت تقرأ
سلاسل العاشقين
Mystery / Thrillerقصة جديدة للكاتبة رفل الكناني 😍 افترقنا، و انتهت علاقتنا،، لكن لم تختفي ذكرياتنا، ذكريات اصبحت تُرهقنا و تُدمي قلوبنا بعد ان كانت ترسم البسمه على مُحيّانا، و لم ينقطع الحنين و الشوق لليالٍ طِوال قضيناها سِوياً ، الحنين للحظات اختطفناها من الزمن نت...
