💕أنت قلبي٢💕

الحلقة الأولى

#انت_قلبي٢
#الجزء_الثاني
#بوسى_مصطفى

                _______البداية________

في فيلا اسر... في الصباح
و أول يوم دراسي..
سهر بتنادي : ملوكه... انتي يابنتي بتعملي ايه كل ده؟!
كانت مليكه واقفه قدام المرايا وفي ايدها صباع روج
سهر : بتعملي ايه يامليكه
مليكه ببتسامة : مامي ممكن تختاري لون من دا بس يمشي من الطقم ده عايزة ابقى شيك اوي النهاردة
سهر ببتسامة : طب م انتي طول عمرك شيك ياروحي
مليكه : بس النهارده اول يوم ليه في الجامعه وعايزة ابقى مميزة اوي
سهر : انتي وياسمين بنت خالو عمار كنتوا خارجين امبارح علشان تشتروا الحاجات دي
مليكه : مامي انا كبرت بقى ومن حقي ألبس اللي يعجبني
سهر : حبيبتي انتي طول عمرك بتلبسي اللي بيعجبك بس الميكب دا حاجه جديدة عليكي
مليكه : مامي هو الميكب حاجه وحشه
سهر : بالعكس دا حاجه جميله اوي
شوفي لون الروج بتاعي
مليكه : حلو اوي يامامي خلاص يبقى هستخدم اللون دا وكمان ماشي اوي مع اللبس بتاعي
سهر : بس بستخدم الميكب في البيت
مليكه : طالما المبدأ موجود ايه المانع
سهر : المانع ياحبيبتي اني بتزين لنفسي مش للناس
مليكه : وانا كمان هستخدمه لنفسي مش لحد
سهر : امممم.. ومين بقى هيشوفك
مليكه : اي حد مش مشكلة المهم انزل وانا راضيه عن نفسي
سهر : لو قولتلك إنك جميله كده وانتي ع طبيعتك هتقولي ايه
مليكه بحزن : مامي....
سهر نظرت ليها بحيره ومش عارفه تقنعها ازاي...
مليكه : يعني وحضرتك صغيرة قدي كده مكونتيش بتنزلي من البيت ب ميكب
اسر واقف عند الباب اللي كان موارب وببتسامة : مامي عمرها م كانت بتنزل ب ميكب وهي خارجه من البيت علشان هي جميله ومش محتاجه كل الحاجات دي
وبعدين انا بعترض وبشده يااستاذة مليكه
مليكه : عملت ايه تاني ياسي بابي ؟!
اسر : بتقولي مامي وهي صغيرة! ...
مين قال إن مامي كبرت اصلا
دي كبيره بس في عيوني انا لكن في قلبي بيبي صغير
سهر نظرت ليه ببتسامة ومعرفتش ترد على كلامه
مليكه : اممم.. مين يشهد للعروسة
سهر : بنت!
اسر :"هههههههههههه
سهر : سامع بنتك
اسر : هي مغلطتش م انتي عروسة فعلاً بس عروستي انا
سهر تغمز ل أسر وتهمس في ودنه : بطل بقى.. انتي عارفها بتغير
اسر قرب وحاوط مليكه بدراعاته
اسر : حبيبة بابي انا بخاف عليكي ياروحي
مليكه : من ايه بقى
اسر :  عايزة تحطي ميكب... براحتك!
بس لما تسمعي تعليقات كده ولا كده متزعليش
مليكه : بابي كل الجامعه هتبقى كده
انا كنت بشوفهم بنفسي وحتى بنات ثانوي
اسر : وانا بنتي ملكه غير كل دول
مليكه : يعني ايه بقى
سهر تغمز ل أسر : يعني براحتك ياحبيبتي بس خلصي بسرعه علشان متتأخريش
واخدت سهر ي ايد اسر وخرجت من الغرفة
اسر : ايه اللي عملتيه دا ياسهر
سهر : اسر لو فضلنا نتكلم معاها كده مش هتقتنع انا بقى هفكر في كلام اقوله لها من غير م تفتكرني اني بقيد حريتها
انت فاهم إن الجيل دا مينفعش معاه غير الهدوء وانك تسحبه كده واحده واحده لحد م يقتنع بكلامك
وبصراحه انا كنت بفكر في الموضوع دا وفشلت فعلاً ومعرفتش ارد عليها
اسر : طب فكري وابقي قوليلي وصلتي ل ايه
خرجت مليكه من الغرفة
ابتسمت سهر : جميله اوي الطرحه دي عليكي ياملوكه
مليكه : بصراحه مقدرتش احط روج  لاقيت نفسي وكإني ماشيه بقول للناس شوفوا انا غيرت لون شفايفي ازاي
الفكرة معجبنيش
اسر : دي الفطره اللي جواكي ياحبيبتي
مليكه : ايوه هي دي يابابي
حاجه كده من جوايا خلتني شايفه إن كإني ماشيه استعرض نفسي لكل من هب ودب
اسر ببتسامة ل سهر : بنتك طالعه جميله ليكي
مليكه : هو انا ليه كل اما اقول حاجه توجه كلامك ل مامي
سهر : هو انتي مش عندك جامعه النهارده
مليكه : طب ايه مش هفطر بقى
سهر : الفطار ع السفرة ياحبيبتي
مليكه : هي ملك وعلى ومجدي نزلوا
سهر : من بدري
مليكه : بابي اديك علي الكاش موني
اسر : ينفع تاخدي مصروفك كله اول كل شهر زي الموظفين
مليكه : موافقه بس لو خلص قبل الشهر دا مش مسؤله
اسر : طب ممكن تخلي بالك من العربيه علشان لسه جديدة
مليكه : متقلقش يااسر بيه هرجعها من غير ولا خربوش واحد
اسر : اااه ياخوفي
سهر : م انا ياما كسرت ليك عربيات
مليكه : اشطه بقى يعني ادوس براحتي ميهمنيش
سهر : لا ياحبيبتي تاخدي بالك من الطريق
اسر : خلي بالك من نفسك ياملوكه
مليكه ببتسامة : حاضر
اسر : تحبي اجي اوصلك
مليكه : لا هروح لوحدي متقلقوش عليه... سلام
سهر : مع السلامة ياحبيبتي
وقامت سهر وقفت عند الباب لحد م مليكه خرجت من الفيلا
اسر : مش هتيجي تكملي فطارك ياسهر
سهر وهي مدمعه : مليكه كبرت يااسر
اسر : هههههههههه انتي بتعيطي امال لما تتجوز هتعملي ايه
سهر : هتاخد قلبي معاها
اسر : وانا
سهر وهي بتمسح دموعها : حبي ليها من حبي فيك
اسر : فلتي مني المرادي
سهر : هههههههههه خلاص يااسر كبرنا بقى
اسر : هههههههههه كبرتي ايه بس ياسهر
احنا لسه صغيرين ياحبيبتي
سهر : الشهر الجاي هكمل خمسه وأربعين يااسر
اسر : كل سنه وانتي وطيبه ياحبيبتي
سهر : وانت طيب وبصحه وسعادة وفرحانين مع بعض ب ولادنا
اسر وهو بيضمها : كل عام وانتي معايا وماليه عليه دنيتي
سهر : هتفضل تحبني لحد كام سنه
اسر : هههههههههه سؤال صعب اوي
سهر : محتاج كل التفكير ده
اسر : اممم اصل مفيش سن معين وعارف لو قولتلك لحد م اموت هتقولي...
سهر تقاطعه : بعيد الشر عنك ياقلبي
اسر : اااه ياقلبي... لو بس معنديش شغل كنت قعدت معاكي
سهر : هههههههههه ولا يهمك ياحبيبي لما ترجع بقى
اسر : رايحه النادي
سهر : شويه كده لما الولاد يرجعوا هاخدهم النادي علشان التمرين ونرجع بقى نذاكر
اسر : هههههههههه انا خلصت مذاكرة من زمان... بس مسكت الشغل بقى
سهر : اهو كل واحد فينا بيعمل شغله... يلا بقى علشان متتأخرش
اسر : لما توصلي النادي ابقى كلميني سلام ياحبيبتي
سهر : مع السلامة ياحبيبي
____________