#حب_عنيف 12 (حلقه اضافيه)
امير:خلاها تفرغ طاقة الغضب يلي عندها بعدين قرب عليها ومسكها من يديها.....لو تبيه يطلع حبيب القلب متعك كلامي يتنفذ
حور:تتنفس بسرعه وشعرها مغطي وجها
امير:وجها فيه شوية دم من تخبيش حور....
اسمعيني كويس...
حور:منبيش نسمع فك يديا خليني نقتلك ونرتاااح
امير:ساد ضغط ع يدها اسمعيني قلت متخلينيش نطلع من عقلي ياحور وندير حجات متعجبكش 😡
حور:داهشه من كتر الضرب وتسكير...شن تبي
امير:ابتسم...اي هكي خليك هاديه ....وبعد عليها
حور:قعمزت ع السرير تشوف في الدار كلها كيف مكسره وتفكر لما بتجي مرته شنو رح تقول؟
امير:بي اعتبار ان بوك مفيش اي خبر عليه ...وان مليكش حد غير خوالك
حور:تشوفله وتستنى فيه يكمل
امير:الاسبوع الجاي رح نطلب يدك من خوالك
حور:طلقتها ضحكه عاااليه رغم انها قاعده داهشه ...ههههههه لا جديات انت بديت تخرف
امير:واقف ع المرايا يمسح في الدم وسوريته مقطعه .....لا منخرفش لو تبي تكملي في الحوش هاذا مع خوك لازم تكوني زوجه تانيه
حور:سكتت شويه بعدين نفلقت بضحك من جديد ...هههههه اسفه مش قادره نشد روحي والله
امير:نحى سوريته...ولبس تيشرت هاذا يلي عندي
حور:وقفت وتشبحله ....لو تكون اخر واحد في الدنيا مستحيل ناخذك...مسحت فمها بي كم التب يلي لابساته ....واخر مره تبوسني فيها يامريض سكتلك هلبا بس وربي الجايه عند بوك ومرتك ....جت بتطلع لاكن وقفت لما سمعت كلماته
امير:طلع لصقه ويعقم في التخبيش يلي خذاه من حور....خليه امالا يعفن في الحبس
حور:عقدت حواجبها وتشوفله ...رح ندفعله الكفاله
امير:ضحك بي مسخره...كفالة شنو ...وشبحلها بنضره حاد🔥...عالق مع اكبر محامي في البلاد كلها هوا وتبيه يطلع بي كفاله؟
حور:ساكته
امير:حطها اللصقه علي الجرح جنب عينه...مش واجعني شي غير امه وخواته يلي رح يموتو من الجوع بعده
حور:قامت صبعها بتهديد....رد بالك رد بالك تبتزنى عن طريق معتصم واهله يا امير
امير:شبحلها وهز بي كتافه....للاسف ابتزتك وفات
انتي لو سمعتي عرضي لعند النهايه كنتي رح توافقي
حور:ربعت يديها...وشنو عرضك بعد مانجي زوجه تانيه ونعيش مع واحد مختل مريض ؟
امير:رح تقعدي مع خوك +حبيب القلب يطلع من الحبس+مزالك سنه وتسكري العشرين تاخذي ورقة طلاقك والورث متعك وتمشي تعيشي وين ماتبي
حور:نزلت يديها بي انتباه....وين مانبي؟
امير:يمسح في الدم من علي يده بسبب الخبطه ع المرش...اي بترجعي لي حوشكم او حتى تاخدي حوش فلوسك يسدوك سنين ديري يلي يريحك
حور:بدت الافكار تاخد فيها وتجيب !...وخوي ؟
امير:تلفتلها...مش مجبور فيه خوذيه معاك
حور:وانت الزواج هاذا شنو رح تستفيد منه؟
امير:نملك الشي يلي نبيه حتى لو كان الوقت قصير عادي
حور:قامت حاجبها بي استغراب وفمها مفتوح
امير:ضحك ع جنب...مريض زي ماقلتي عادي سايريني وانتي يلي بتربحي هلبا حجات
حور؛طلع معتصم من الحبس ويصير خير
امير:هه لا طبعا!!حبيب القلب رح يطلع ليلة حفلتك
حور:عرفت انها مستحيل تضحك علي امير ....اصلا حتى او انا وافقت اهلك ومرتك مستحيل يرضو
امير:حكيت معاهم والقرار الاول والاخير في يدي انا
حور:ساكته وتشوفله...ولو رفضت امير؟
امير:شافلها بجديه...خوك يقعد وانتي دوري وين تمشي ومعش تحامي تجي هنايا مره تانيه و.....معتصم ليه رب كريم
حور:شبحتله بنضره شريره معبيا حقد!!...وربي رح اندمك ع كل شي درته فيا وع الموقف الحقير يلي حطيتني فيه!!لو سكرت دماغك على قصة الجواز هاذي صدقني رح نكرهك في عيشتك ومستحيل نرتاااح ونريحك لين ناخذ حقي ...سكتت وتراجي في امير يحكي كانت متوقعه ان يلغي الفكره بحجة انه ميبيش وجع راس بعد يلي سمعه منها
امير:بعد المرش يلي مكسر بي رجله وقام راسه بنضره حاااااده🔥...العرس بعد اسابيع !
يوم واحد بس حفله بسيطه في الحوش
حور:بلعت ريقها وكانت رح تبكي...بشرط متلمسنيش ولا تقرب جيهتي
امير:هز راسه بي استهزاء...اي اي يصير
حور:عطاته بضهر وجت بتطلع
امير: فتح الدولاب بياخد جاكيته...وياريت تتخلصي من التالفون التاني قبل منكسره علي راسك
حور:وقفت سكرت عيونها ثواني خذت نفس عميق ورجعت دارها
امير:لبس جاكيته وطلع الحوش ..صح قدر يضغط عليها وخلاها توافق لاكن اول مره حد يعلم عليه في وجها !!واضح ان حور رح تعاني هلباااااا!!!
