#حب_عنيف 17
عائشه:كيف هكي كيييف فهميني شوف ولدك وين ياراجل خذي البنت وطلع مفهمتش وين ماشي ولا شن صاير
موسى:بصوت عاالي...عائشه متوترينيش الله يربحك ...الو
رواد:ايوا عمي
موسى:اهلا رواد كلمك امير اليوم؟
رواد:لا والله مدورتاش من يوم الاربعاء الحق علاش !
موسى:صايره مشكله بسيطه هكي طلع سيب الحوش معرفتاش وين
رواد:مدوراش ياعمي تلقاه ساهر مع الشباب ولا مشي فندق تو يهدا ويرجع
موسى:بصوت معبي خوف وتوتر...لا مش هكي
رواد:شنو
موسى:خذي مرته وطلع شكله صاير بينهم مشكله وانا خايف ع البنت
رواد:فهمت عليك تو ندير اتصالاتي ونطمنك
موسى:منور رواد سامحنا ديمه حاصل معانا
رواد:ولا يهمك عمي ...وسكر الخط
تقوى:حليلي يلي بيساعدنا 🤤
_________________
حور:طلعت تالفونها..حاولت تتصل بي معتصم ساره اي حد بس مفيش فايده الخط مشدش ابدا حاولت وحاولت بس مفيش فايده!!
شافت من الروشن عرفت ان الضي هارب كل الشقق يلي جنبها ضلام وفيه مولد لوطه ...بدت تحلل في الاحداث داخل راسها !!
الشقه هاذي مفرشه!واتيه كأن في حد ساكن او بيسكن فيها طول الوقت تحاول حتى تبعت مسج بس للاسف كانت الاشاره لا توجد خدمه
_______________
مها:واقفه ع الروشن سارحه ..الغلط كان مني انا من البدايه...مهما كان غلط نوافق ع شخص ميحبنيش ولا انا قدرت نحبه اصلا!!...لا امتى يا مها بتقعدي تضحكي ع روحك وتبي الزواج هاذا يكون مثالي؟انتي لو كان عندك ذرة حب اتجاه امير مستحيل ترضي بي وحده تانيه تشاركك فيه!!بس انتي درتيها بعناد في حور مش اكتر ...نزلت منها دمعه وسط تفكيرها
وفي النهايه حبها هيا!!!!شن فيها زايد او مختلف بلعكس انا احسن منها في كل شي!انا راقيه وهيا....
حطت يدها ع راسها بتوتر....ممكن الحب يخليك تشوف حجات تانيه غير اللبس والجمال وغير حتى التصرفات💔....مش رح نكمل في لعبة امي!
مش رح نقعد عشان نستغل امير علي حساب تعاستي ..خلاص لهنايه وبس
🔥رِوايـَــــاتْ بـــــَــــنـــو تــِةْ الشــِـــيـــــــخْ🔥
🔥أَروى الطــَـــاهـــــِرْ المــــســـلاتـــــــــي🔥
عائشه:شنوووو 😨من امتى ها الكلام
اريج:من اول يوم رواج مرضيتش نحكى خفت او يعني نسحابه مريض بشي بس لما شفته امس عرفت انه سحر وخفت جديات ..عيونه حمر ومرجع شي اسوددد وشعر وحجات غريبه
عائشه:حطت يدها ع راسها...المشاكل تجى كلها في مره ولا كيف يااارب كون معانا يارب
اريج:خذت نفس عميق وقعدت سارحه تفكر في مهاب!!
عائشه:خلي نفهمو قصة خوك بعدين يصير خير
اريج:ان شاء الله بس بس انا نبي نقعد هنايا معش نبي نروح اعصابي معش قادره
تقوى:طبطبت عليها...اي صح خليك ارتاحي وغيري جو
ترن ترن ترن
تقوى:امير😨😨😨
عائشه:ردي رددددي بسرعه
تقوى:الوو
امير:اها تقوى شن جو
تقوى:بي استغراب...تمام وينك انت وحور شن صاير
امير:مشكله بسيطه حليناها اطمني نحنا مش مروحين اليوم نبي نراضيها لانه عصبت عليها هلبا
تقوى:اوووف طمنتتي كلنا خايفين هنايا
امير:لالا اطمنو قتلك نبي تركبي لي غرفة حور شوفي تالفونها قاعد او لا لان شاكه يكون طاح منها في الطريق
تقوى:اوكي خليك لحضه هي
امير:تمام
عائشه:تأشرلها بمعنى شن صاير وتقوى ناضت بسرعه
