#حب_عنيف 18 والاخيره
حور:الو
فاطمه:ردي بالك حور !!ردي باااالك تطلعي من الشقه
حور:منو انتي ؟!
فاطمه:مش مهم المهم توا انك تلغي كل شي !ومتمشيش مع معتصم ردي بالك
حور:نصدمت كيف انها تعرف كل شي....منعرفش من باعتك لاكن مستحيل نرجع و......
فاطمه:بصوت يرجف ...انا معش قادره نحكي دبري كيف تفتحي نت امس بعتلك تسجيل صوت ع الواتس لازم تسمعيه ....وسكرت الخط بسرعه
حور:منو هاذي 😨؟
________________
امير:من امتى القصه هيا؟
مهاب:قبل منخطب بي ايام !مفهمتش شن صاير او شنو يلي تغير بزبط
امير:وشن قالو عندك
مهاب:قال اني واكل سحر ومحتاج علاج الايام هاذي
امير:خخخ سيب عليك التخريفات هاذي
مهاب:اي تخريفات ياراجل نقولك رجعت شعر وحجات غريبه
امير:به ممكن تكون واكل شي
مهاب:مستحيل امير الشي يلي طلع مني مستحيل حد ياكله
امير:خذي نفس عميق...حصلت عند منو تعالج!
مهاب:اي حصلت انا نبي نتلاقى معاك عشان شي واحد بس ...نبيك ادير بالك كويس على اريج!سواء مشت اموري او لا دير بالك عليها
امير:بطل الكلام هاذا ياراجل شن تحكي
مهاب:مدامني نتعالج توا منقدرش نروح بيها بنخليها عندكم لين نشوف شنو يصير معاي!
امير:ان شاء الله خير مهم توا ...عند منو بتعالج؟
مهاب؛شيخ معروف كويس هلبا ومعالج كم حد قبلي
امير:به مليح
مهاب:مها روحت اليوم
امير:وين!
مهاب:رجعت عندنا وحاطه في بالها الطلاق
امير:تفاجأ من الكلام يلي سمعه
مهاب:هدرزو معاها العيله وحاولو يقنعوها لاكن شي شي
امير:في شي صاير ؟
مهاب:حسب كلامها مقدرتش تتأقلم معاك!...شوف امير انا مش رح ندخل فيكم هاذا زواج وانتم يلي تقررو سواء صار الطلاق ولا لا علاقتنا زي ماهيا
امير:خبطه علي كتفه ...توا متشغلش بالك بي القصص هاذي وركز في موضوعك
مهاب:ان شاء الله خير
🔥رِوايـَــــاتْ بـــــَــــنـــو تــِةْ الشــِـــيـــــــخْ🔥
🔥أَروى الطــَـــاهـــــِرْ المــــســـلاتـــــــــي🔥
حور:فتحت نت الشفره وقعدت تلود في الدار لين شدت معاها التغطيه ..شافت الواتس لقت فعلا واصلها تسجيل صوتي من نفس الرقم فتحاته تسمع
منصور:فكررر كووويس انت يلي كاسب في النهايه
معتصم:كيف!
منصور:كاسب خدمه محترمه مني وبنت جميله مع ورث كببببير من امها
معتصم:ساكت
منصور:طبعا انا مش رح نضغط عليك وضحتلك كل شي الشي الوحيد يلي نبيه يصير ان تقنع البنت ترفع قضيه علي امير وانا نكون المحامي متاعها نبي امير ينحط في الموقف هاذا....
معتصم:تبي الحق من يوم خدمتني معاك نفتح في وجهي هلبا ابواب منقدرش ننكر لكن،،،،
منصور:لاكن شنو؟شن مزال تبي اكترمن هكي بعد الطلاق مستحيل امير يقعد هكي بنستفزوه لين يدير مصيبه تخليه طووول عمره في الحبس وانت يفضلك الجو مع البنت وفلوسها
معتصم:عندك خلفيه علي ورثها؟
منصور:ضحك ربع مليون قالو وكم محل ..يعني مش مبلغ صغير
معتصم:اهااا
منصور:هههههه عرفتك تفكر في نفس الشي اطمن والله فلوسها يعيشوك ملك حتى الف سنه القدام
معتصم:خلاص تم اعتبره صار الموضوع
منصور:حلو حلو
حور:سكرت الواتس وعيونها مفتوحات علي وسعهمممم من الصدمه !!!
