💕أنت قلبي٢💕

الحلقة الثانية

#انت_قلبي
#الجزء_الثاني
#بوسى_مصطفى

            ________الحلقة الثانية________

في شقة كمال..
لسه هيقعد على السفرة.. جرس التليفون يرن
نادين : كمال شوف مين يمكن ياسمين
كمال : ولا يمكن سيف.. تلاقيه بيلعب كرة زي عوايده
نادين : مش عايز يكبر الواد دا
كمال بعد شوية وهو بيتكلم في التليفون
كمال : سلام عليكم
صاحب سيف : وعليكم السلام ... يامستر
كمال :  مين معايا؟؟
صاحب سيف : انا حمزة يامستر
كمال : اه... حمزة ازيك ياابني
اخبارك ايه
حمزة : تمام... الحمد لله
سيف معايا في المستشفى
كمال : مستشفى.. مستشفى ليه؟؟!
حمزة : هو كويس اخد بس كام غرزة في كتفه
كمال بقلق : بتقول ايه هو مين اللي اتعور ..
حمزة : هو هنا في المستشفى بس كنا عايزين حضرتك
كمال : طيب... طيب اديني العنوان
قفل كمال مع حمزة ورجع ل نادين
نادين : خير ياكمال مين اللي كان بيكلمك؟؟
كمال : دا واحد معرفه عايزني بس في مشكلة كده
نادين : هتنزل يعني دلوقت
كمال : اه... مش هتاخر اتغدى انتي علشان تاخدي الدوا
نادين : طب كلم سيف شوفه فين
كمال : حاضر هكلمه في الطريق
نادين : هو المشوار دا بعيد ولا ايه
كمال : لا قريب مننا هنا...
نادين : طيب  مع السلامة
بيفتح كمال باب الشقة وخارج.. لاقي ياسمين وفيروز واقفين قدام الباب لسه هيخبطوا
ياسمين : انت نازل يامستر
كمال : ازيك ياياسمين ازيك يافيروز
ياسمين وفيروز : الحمد لله
كمال : اه نازل مش هتاخر.. ماما جوه.
تدخل فيروز وياسمين يسلموا ع نادين
نادين : اتأخرتوا ليه انا قولت مش جايين وفين الولاد
ياسمين : نادين رجعت من الكلية تعبانه دخلت نامت
وفريدة سيبتها علشان عندها واجبات كتير
فيروز : وانا شرحه... جيبتلك العبايات اللي طلبتيها ياماما
نادين : كل دول يابنتي
انا قولتلك اتنين بس
ياسمينه : هيعجبوكي اوي ياماما
انا اخدت ليه ول نادين
عندهم تشكيله حلوة اوي السنادي
فيروز : وليد بقى بيقولك دي هدية مني لعمتي
نادين : بس دا كتير يافيروز
ياسمينه : امال بقى لو شوفتي الجواكت دي
نادين : ياخبر ايه كل دول
ياسمينه : هههههههههه اخدت تلاته هدية بمناسبة الموسم الجديد والباقي اخدتهم بسعر الجمله
ودول ليكي بقى ياست الكل
نادين : هلبس كل دا يابنتي بس البس اللي عندي جوه الأول
فيروز : امال فين سيف ياماما
نادين : معرفش يافيروز قلبي كده مقبوض وقلقانه اوي
ياسمينه : خير ياماما... ليه في ايه؟؟؟
__________________

في التليفون 📞
اسر : طب اهدي بس ياسهر وقوليلي هي في انهي مستشفى ؟؟
سهر : (بتقوله ع عنوان المستشفى)
اسر : طب خليكي وانا رايحلها ع هناك
سهر : انا في الطريق لهناك يااسر
هقعد في البيت ومعرفش بنتي فيها ايه؟؟!
اسر : وهي ايه اللي خلاها تروح هناك؟؟!
سهر : ودا وقته يااسر
اسر :"حسابي معاها بعدين
سهر : هتيجي ولا عندك شغل
اسر : انا نازل اهو ياسهر بشغل العربية
سهر :" طيب هحصلك ع هناك... مع السلامة
_______________