الدخيلة وغدر الاخ

البارت الآۆلْ

للكاتبه
اديان احمد
user51812396

مرحبا اني اسمي فاطمه عمري 20 سنة طالبة مرحلة ثالثه كلية هندسة اني حنطيه عيوني عسليه طوخ  شكلي مثل اغلب البنات مرتب وزني 52 طولي 160 اني هادئه بشكل واخاف م̷ـــِْن الظلام والصوت العالي  م̷ـــِْن شفت والدي والدتي توفوا مقابيل عيني وصار م̷ـــِْن وقتها عندي قلب يعني قلبي ضعيف مااتحمل اكثر م̷ـــِْن طاقتي
قبل خمس سنوات
كنا عائله جميلة وهادئه والناس تحمد بينا وباخلاقنا عائلتي متكونه م̷ـــِْن
بابا حيدر وماما سعاد
واختي زهراء بعدين تتعرفون عليها
وعندي اثنين اخوان الجبير حسام و الصغير وسام
مَـرّھٌ اخويه وسام تمرض وكان الدنيا شتاء وتمطر وصوت رعيد قوي وهو عنده ربو فاختنك
بابا وماما اخذوا للمستشفى واني بوقتها عندت اروح وياهم بالطريق بابا يسوق سريع طلعت مقابيلنا سيارة بابا حاول يفر السياره ماكدر وانكلبت بينا اشويه وفتحت عيوني لكيت بابا وماما سابحين بدمهم و وسام بحضني صاير ازرك
ضليت اكعد بيهم بابا ماما اكعدوا ووسام حبيبي اكعد وماكو صوت ولا واحد يتحرك غير صوت الرعيد القوي والمطر والظلام ضليت اركض للشارع اوكف السيارات محد يقبل يوكف
عفيه اوكفوا اهلي راح يموتون ساعدونا ياعالم ياناس فدوه الحكوا عليهم ولا كانما يسمعون ومحد وكف يساعدنا  ايست كعدت بنص الطريق كلت اهلي ماتوا شعندي بعد باقيه خلي تجي سيارة وتدعمني واموت وياهم ولا اعيش الحياة بدونهم اشويه وشفت ضوه سياره قوي متجه عليه وبعدها ماحسيت بشي
بس بابا وماما ووسام يمشوون واني اركض وراهم واصيح عليهم انتظروني اخذوني وياكم
بابا حبيبي اوكف مااكدر اركض بعد اوكف ولا كانما يسمعني ماما حبيبتي اخذيني وياج ووسام انت مو ماتطلع الي اني وياك اشو عفتني اوكفوا
ضليت اركض اركض ووكعت ع وجهي وهمه اختفوا فتحت عيني اني بالمستشفى
الدكتور : واخيرا كعدتي الْحٍمَدٍ للـّہ علـّۓ. السلامه
فاطمه: وين اني
الدكتور: انتي بالمستشفى صارلج 3 ايام غائبه عن الوعي
فاطمة: وين بابا وماما واخواني
الدكتور: هسه اصيح اخوج
فاطمة: دخل حسام عيونه حمر ووجهه تعبان انصدمت بي
حسام: هاا كعدتي فطومه شلونج شتحسين
فاطمة: شبيك حسام ليش عيونك مدمعه شصار
حسام: البقيه بحياتج خيتي
فاطمة: لا تكولها حسام الله يخليك لا ادكولها
حسام: للاسف بابا وماما ووسام انطوج عمرهم ودموعه اصب
فاطمة: م̷ـــِْن سمعت الخبر دخلت بنوبة عصبيه ضليت اعيط واملخ بنفسي اختنكت اجه الدكتور انطاني مهدىء وورها صار عندي مرض قلب مزمن
وطلعت م̷ـــِْن المستشفى ومرات الايام وعشنا حياتنا بدون بابا وماما واخويه وسام بلمحة بصر صرنا ايتام ومحد النه لا عم ولا خال الكل ابتعد عنا بس بالاول كانوا يجون بس بعدين ابتعدوا
بس الْحٍمَدٍ للـّہ مااعتازينا لاحد كان تقاعد بابا مكفينا مدبرين امورنا وحسام ترك الدراسه وضل يُشَتغلً
بس بعد هالاحداث حسام كلش اتغير وصار عصبي ماينطاق وحتى مرات يضربنا اني وزهراء بس مانكدر نحجي نبقى ساكتين وحاضنين بعض ونبجي ماعدنا حل غير دموعنا رغم كان حسام كلش هادئ وحباب وخلوق بس بعد ووفاة اهلي التقاء ب اصدقاء وغيروا للاسوء للاسف
بس رغم هذا كان مامقصر ويانه وخلانا ندرس وندخل كليات اني وزهوري هسه راح تتعرفون عليها

مرحبا اني زهراء عمري 18 سنه مرحلة اولى كلية صيدليه اني بيضه  عيوني سود مدبدبه وزني 60 طولي 158 اني وفاطمة مانشابه ابدا اي واحد يشوفنا مايصدك احنه اخوات لان هي طالعه ع ماما واني ع بابا حتى بالصفات هي هادئه وخجوله بشكل وتخاف م̷ـــِْن خيالها بس اني وكحه ولسان طويل ومااخاف حتى مرات اتعارك ويه حسام م̷ـــِْن يريد يضربنا مااسكت بس فاطمة اسكتني رغم عني لان فاطمة م̷ـــِْن توفوا اهلي اتمرضت وحتى ثقتها بنفسها نهزت فاني ضليت اداريها صح هي الجبيره بس عبالك اني امها بالليل تخاف تنام وحدها تجي تنام بحضني وتشبكني
مثل ماكالت فاطمة حياتنا اتغيرت بعد وفاة اهلي وصارت اسوء واتعس بس كدرنا ندرس وندخل كليات حتى نعتمد ع نفسنا ونطلع م̷ـــِْن ظلم حسام النه
وهسه راح تتعرفون على حسام وشصار وياه بعد وفاة اهلي

مرحبا اني حسام عمري 25 سنة اني طويل طولي 187 وجسمي معضل وبشرتي حنطيه مثل فاطمة وحتى عيوني نفس عيونها اني وياها نشابه طالعين علـّۓ. امنا
بعد وفاة اهلي ماضل عدنا معين بس تقاعد ابوي وهو جان مهندس مايكفينا اني تركت الدراسه ورحت اشتغل حتى اعيش اخواتي بالبدايه جنت كلش هادئ ومسالم والناس تحمد باخلاقي بس م̷ـــِْن اشتغلت بالعماله اتعرفت ع شلة شباب غيروا اخلاقي بالاول جنت مااقبل عليهم وحتى م̷ـــِْن يشربون اتعارك وياهم ومره ماعدنا مصرف بالبيت وماكو شغل طلعت دورت مٰاڪـٓو اسودت الدنيا بعيني ماخليت مكان مادورته ورحت ع اصدقائي وجنت مهموم وجان بوقتها يلعبون اقمار ويشربون وواحد منهم قنعني اشرب شربت ولعبت وياهم حلت الشغله بعيني وربحت فلوس وضليت يوميه العب واشرب نـًسّْيـت اخلاقي ومرات ارجع شارب واكتل اخواتي بس م̷ـــِْن اصحه اكعد بالحمام ابجي ع نفسي وعليهن وع حظنا بهاي الدنيا الي يتمنا
مره جنت العب وشارب وخلصت فلوس وماادري بنفسي خسرت وهم ضلوا يتراهنون
فـ واحد م̷ـــِْن اصدقائي شايف اخواتي فـ هو استغل وضعي لان سكران وماادري بنفسي كالي تلعب ونتراهن ع اخواتك اذا خسرت تنطيهن الي واني الغبي النذل بدون وعي وافقت وخسرت ورجعت للبيت نمت
ثاني يوم م̷ـــِْن صحيت ورحت ع اصدقائي واحد منهم كالي ڵـڱ حسام البارحه انت شسويت شلون هيج تبيع اخواتك شنو انت ماعندك غيره اني تخبلت لزمته كتله شتحجي انت تخبلت سولف الي كل الي صار اني هنا انجنيت كلشي ولا اخواتي مستحيل كالي ڵـڱ حسام اخذ خواتك واشرد لان هذا عنده ضلع قوي ياخذ اخواتك مـڼـڱ ويشغلهن بنات ليل
كتله شلون وين اروح فهمني
كالي روح للغربيه للرمادي هناك مايكدرون يوصلون شوفلك شيخ وادخل دخيل عدهم يحموك ويحمون اخواتك احسن مايضيعن مـڼـڱ اني بسرعه رحت للبيت اركض
فاطمة: كاعدين ودخل علينه حسام ضل يعيط
حسام: يلا فاطمة زهراء بسرعه اجمعن اغراضجن وشكو شي مهم جناسي اوراق مستمسكات مال اهلي المهم لا تخلن شي حتى ملابسجن كلهن اخذهن بسرعه يلا خلي نطلع قبل لا يصير الصبح
زهراء: حسام شكو فهمنا شبيك
حسام: بعياط لج بسرعه شاحجي اني بعدين افهمج
ماعندي وقت اشرح الجن
فاطمة: جمعنا كل اغراضنا ماخلينا شي وصعدنا بالسياره مال بابا ماقبلنا يبيعها حسام ونطلق بينا ضلت تمشي بينا لسياره لحد ماشفت لافته بغداد تودعكم هنا زهراء انجنت
زهراء: حسام احجي وين مودينا ليش عفنا بغداد
حسام: لج اكو ناس تطلبني واني ماعندي ويردون يكتلوني لهذا شردت بين مااجمع الفلوس وهسه اسكتن خلني اركز بالطريق لا هسه انزل اجلدجن جلد
فاطمة: احنه هنا انخلسنا وسكتنا زهراء شويه ونامت واني ضليت كاعده لان كلبي يوجعني شويه وشفت لافته الرمادي ترحب بكم هنا خفت كلش لان جان استوه طالع داعش وبعد اكو طائفية فـ خفت لا يلزمونا او يسوونا شي ..........

هاي حياة البطلة وعائلتها بالبارت الثاني راح نتعرف ع البطل وعائلته انتظرونا