رحيلك أوجعني

بارت 10

قصة_رحيلك_أوجعني

الكاتبة_فَہرٍآشُهہ ۦ، ۦ،❀🦋

بارت 10

كم أتمنى أن أعود طفلة صغيرة !
لاتفهم ما يدور حولها !💔

مريم: وباخر ضحكه ضحكته وجريت حسرة جبييييرة وارجع اذكر الصار ومدوم ضحكتي

..ظل ابراهيم يقنعني ارجع اكمل حياتي من جديد وانتبه على دراستي ومستقبلي وارجع لضحكتي وسوالفي من جديد لان اهلي اتأذو علية حييييل لازم ارجع من جديد

..بقيت افكر بكلامة واقتنعت بكلام ابراهيم كله وفعلا لازم ارجع ل حياتي ومستقبلي واهلي واحاول بقدر الأمكان انسه ظرغام ولو امأيسه من هذا الشي لان ظرغام شي وانغمس بداخلي مااكدر امحيه من حياتي وذكرياتي

..ورا فترة رجعت للبيت مالتنه واتلكتني ماما وبابا ومصطفى ويسألوني اشلون صرت ولكيت ماما وبابا ومصطفى متغيرين حيل وماما اتباوع علية والدموع بعينه حاولت ابين كدامهم انو صرت احسن وكدرت انسه وصرت قوية على مصيبتي بس بداخلي كسره وقهر ماله حدود امشي واتصرف واحجي وياهم كله بس ظاهر واني بداخلي محطمه تحطيم

..رحت فتت ل غرفتي واني اباوع على كل ركن بيه واكفت كدام المرايه واباوع على نفسي اشكد متغيره وذبلانه بقيت اباوع واني اذكر كلشي وكأنو شريط حياتي اني وظرغام انعاد من جديد صارن دموعي ينزل بدون توقف

..سمعت صوت ماما اتناديني عل غده مسحت دموعي بسرعه وطلعت غسلت واتوظيت بدون محد ينبه علية ورجعت كعدت وياهم واني امثل انو صرت قوية ونسيت وهمه فرحو بية وماما كاعدة واتوكل بيه عبالك طفله عمرة سنه وكاعدة تهتم بيه من جديد خلصنه غدة وكعد بابا يحجي وياي

ابو مريم : بابا ابنيتي صيري قوية وانسي انتي بعدج اصغيرة والحياة طويلة كدامج لازم ترجعين مثل ما كنتي اذا مو لخاطرنه لخاطر ظرغام انتي بتصرفج هذا كاعده اتأذيه تره

مريم : بابا يحجي وياي ومن ذكر اسم ظرغام نغزني كلبي واتبهذلت احوالي وخصوصآ من كال لخاطر ظرغام وبتصرفج هذا كاعده اتأذيه رأسن اتذكرت من جان ايوصيني على نفسي وانتبه علي نفسي قبل ليموت بدون مقدمات نزل دموعي وكمت ما اسيطر عليهن شافني بابا كام باسني من راسي ويبجي وياي وماما كاعده يمنه وتبجي على بجي ومصطفى خانكته العبرة وعيونه صارت حمره راسن كام وطلع بره ظلو يهدون بيه الى ان بابا طلع شكله ما اتحمل وحظنت ماما ونمت واني اشهك بحظنه وهيه تمسح على راسي وتقرأ ايات وتبجي على بجي عبالك جنت محتاجه حضنه حييل  الى ان نمت وما احس بنفسي

..بقيت نايمه ل ثاني يوم الصبح كعدت لكيت ماما كاعده وبابا ومصطفى كمت صبحت عليهم وغسلت وصليت حاولت ابين انو مابيه شي واحسن من البارحه وهمه هم شكلهم ماجابو سيرة شي حته اينسوي

..ورا فترة بلشت المدارس ورجعت ل دراستي بس ما قبلوني بالصباحي لان فاتت علية سنه بل احداث وسنه من اتوفه ظرغام تركته وحولوني مسائي رجعت داومت والحمدلله رجعت على طبيعتي بس الكسرة محفوره بداخلي مدا اتروح مني وكل مسألون اهلي على ظرغام اكوللهم الله يرحمة خلص