💕أنت قلبي٢💕

الحلقة الثالثة

#انت_قلبي٢
#الجزء_الثاني
#بوسى_مصطفى

            _____الحلقة الثالثة____

في محلات إياد
إياد(ابن عمار) : تمام ياعمي العمال دخلوا البضاعة كلها جوه المخازن
إياد : تمام يااياد اقعد بقى راجعلي الحسابات دي
إياد : حاضر ياعمي
ياسمين(بنت عمار داخله ومعاها مليكه)
ياسمين : انتوا ياقوم ياللي هنا
قام إياد(الصغير) اول م لمح مليكه.
إياد : يا اهلا وسهلاً المحل نور
ياسمين ببتسامة : ميرسي.. ميرسي يااستاذ إياد
ياترى عندكوا ايه يتشرب
مليكه عينها بتدور في المكان
إياد : ازيك يامليكه
مليكه : الحمد لله... ازيك انت يااياد
إياد :"تمام... الحمد لله.
اتفضلوا اقعدوا
ياسمين : امال عمي فين
إياد : طلع فوق يشوف البضاعة اللي لسه جايه
تشربي ايه يامليكه
مليكه نظرت ل ياسمين
ياسمين : يعني هي هتشرب وانا لأ
إياد : انتي هتطلبي عادي بس مليكه هتتكسف
ياسمين : هههههههههه دي بتتكسف دي لسه شاربه ازازة عصير قد كده
لتر ونص صح يامليكه
مليكه ببتسامة : بس بقى بطلي
إياد : بطلي تغلسي عليها
تشربي ايه يامليكه
مليكه : زي ياسمين
إياد : هتشربي ايه ياياسمين
ياسمين : نتغدا الأول اطلبلنا أكل
مليكه تهمس ل ياسمين : بس انا مش عايزة اكل
ياسمين : اطلبلنا كشري يااياد
إياد ببتسامة : حاضر
ياسمين : ونص فرخه لكل واحده فينا.. ماشي؟
إياد : هههههههههه حاضر
مليكه : انا مش هاكل
ياسمين : بطلي كسوف بقى وبعدين متضيعيش المصلحه دي مننا
انا مصدقت وافق
مليكه : هههههههههه طيب بس مش هاكل برضو
ياسمين : على راحتك المهم الاكل يجي
ينزل إياد من فوق
ياسمين : اهو عمو جه اهو
قامت ياسمين ومليكه
إياد : اهلاااا دا ايه النور ده
ياسمين : ميرسي ياعمو المحل منور بحضرتك
إياد : ازيك ياياسمين
ياسمين : الحمد لله
إياد : ازيك ياملوكه عامله ايه
مليكه : الحمد لله..ياخالو
حضرتك اخبارك ايه
إياد : الحمد لله... بخير
اقعدوا يابنات واقفين ليه
قولولي بقى تشربوا ايه
ياسمين : ولا حاجه ياعمو دي مليكه كانت عايزة تشتري شوية حاجات من هنا
إياد : المحلات كلها بتاعتك شوفي انتي عايزة ايه
وشاور ل واحده من البنات اللي شغالين في المحل
مليكه : ميرسي اوي ياخالو
وقامت مليكه مع البنت
إياد : وانتي مش عايزة حاجه ياياسمين
ياسمين : لما يجي إياد
إياد : هو راح فين صحيح
ياسمين : راح مشوار وزمانه جاي
إياد : مشوار ايه
ياسمين بتغير الموضوع : طنط منه وسهر عاملين ايه
إياد : الحمد لله.. تمام انتي بقى مبتجيش ليه
ياسمين : م حضرتك عارف بقى الدراسه بدأت ودي آخر سنه لازم اركز علشان اجيب تقدير كويس
إياد : شدي حيلك بقى
ياسمين : اه م انا عامله حسابي اني هشتغل هنا
إياد : هههههههههه من عنيه
ياسمين : بس ترفد إياد الأول
إياد : ليه بقى الاذيه دي
ياسمين : ماهو مش هينفع انا وهو نمسك الحسابات هنا
المركب اللي ب ريسين تغرق ياريس
إياد : هههههههههه عندك حق بس هتشتغلي تحت ايده بقى
هو خبرة عنك ولازم تتعلمي منه
ياسمين : إن كان كده ماشي بعد م افهم الشغل ازحلقه
إياد : ههههههههههه
روحي اختاري حاجه على ذوقك
كده
ياسمين : بس
يقاطعها إياد : هدية من المحل
ياسمين ببتسامة : وايه لزوم الاحراج دا بقى
هو انا يعني جايه علشان اغرمك بالشكل ده
إياد : هههههههههه امشي يابنت عمار اعملي اللي قولتلك عليه
ياسمين : طيب بس حضرتك قولت أي حاجه... افتكر الكلام دا كويس
إياد : هههههههههه اوكيه أي حاجه
ياسمين : يعني ب أي تمن
إياد : ب اي تمن... يلا بقى
ياسمين : مليكه تعالي شوفي ده
تلتفت ليها مليكه
إياد ببتسامة وسرح في الماضي شوية
مليكه.. سهر.. وياسمين سلمي اختي
إياد(ابن عمار) : بتقول حاجه ياعمي
إياد : ها..! لا مفيش... أنت كنت فين صحيح؟!
____________________
في دار الأمل... لرعاية الأيتام
امل(مسؤلة الدار) قاعدة على مكتبها بتراجع شوية أوراق قدامها
الباب يخبط.. تخلع نضارة القرايه وبتنهيده وهي بترجع بضهرها على الكرسي تستريح : ادخل
ناهد (إحدي العاملات في الدار) : القهوة يامدام
امل : متشكره اوي يا داده سبيها عندك هنا
ناهد ببتسامة : حاضر
وبعدها نظرت ل امل : شكلك تعبانه يامدام
امل : لا ابدا انا كويسه
ناهد تنظر من الشباك اللي بيطل على الجنينه : الأستاذة فايزة بتدرب البنات علشان الحفله اللي هتتعمل الاسبوع الجاي
امل ببتسامة : اه شوفتها وانا داخله
ناهد : البنات كلهم بيحبوها علشان طيبة قلبها دي
امل : وبيحبوكي كمان ياداده
ناهد : تشكري يامدام
امل ببتسامة : ولادك أخبارهم ايه
ناهد : الحمد لله... سألت عليكي العافية
امل : وابو ولادك لسه عامل معاكم مشاكل برضو؟؟
ناهد بحزن : لسه يامدام...خطب وهيتجوز
امل : ومالك زعلانه ليه
ناهد : مهما كان يامدام في عشرة بينا برضو.. عيشنا مع بعض خمستاشر سنه مش سهل ابدا انسى السنين دي كلها بين يوم وليلة!
امل : طالما مفيش امل في الرجوع يبقى انسى بقى اللى فات وخلي بالك من ولادك
ناهد : رجوع لأ.. رجوع ايه خلاص انتهى
امل : يبقى متبصيش وراكي
ناهد : عندك حق.. اللي باعني مبكيش عليه
امل : بكره ولادك يكبروا وهما اللي هيبقوا جنبك وهيعوضوكي عن كل وجع اتوجعتيه قبل كده
ناهد : فكرتيني باللي كان بيعمله معايا انا وولادي.. انا كده في نعمه... الحمد لله
امل : الحمد لله..
اتفضلي بقى ياست انتي معطلاني وكمان رغايه اوي
ناهد : انا اسفه يامدام
امل ببتسامة : بهزر معاكي اوعي تاخدي كلامي جد
ناهد ببتسامة : عارفه يامدام امل
الواحد أوقات بيفكر كده ان الدنيا دي بقيت مليانه شر ونفوس الناس بقيت وحشه اوي
بس اما افتكرك انتي والدكتور هشام اقول فعلاً الدنيا لسه بخير
امل تقوم وتاخد فنجان القهوة وتوقف في الشباك تنظر للجينيه بتنهيده
ناهد : طب هروح اشوف شغلي بقى... بعد اذنك
امل : اتفضلي
تخبط واحده من البنات تلتفت امل
امل : هند
هند جايه وبتبكي
ناهد : ايه ياهند مالك
امل :"تعالي ياهند اقعدي وقوليلي مالك
نظرت هند ل ناهد اللي فهمت وخرجت من المكتب
امل : اقعدي واهدي كده وقوليلي ايه اللي حصل مخليكي تعيطي بالشكل دا
هند : النهاردة حصلي موقف وحش اوي في الجامعة
امل : موقف ايه ده
هند : انا اتعرفت على زميل ليه في الكلية ووعدني إنه هيجي يطلب ايدي من بابا وماما
امل : مش فاهمه
هند : م انا كدبت عليه وقولتله اني عايشة مع بابا وماما
مكانش ينفع اقوله إني عايشه في ملجأ
ومعنديش اهل
وسكتت هند.........
امل : لا كملي علشان افهم الموضوع من أوله ل اخره
هند :"من اول السنه دي بقي وهو عمال يقولي هاتي رقم بابا
طب فين عنوان بيتكوا علشان اجي أتقدم
امل : اه وبعدين
هند : فكرت اأجر مكان وكمان اأجر اتنين يمثلوا دور ماما وبابا
امل نظرت ليها بدهشه
هند : بس طبعاً مش هينفع ومسيره هيعرف الحقيقة
مشي ورايا وعرف كل حاجه عني
وسأل سماح كمان وحكتله باقي الحكاية
امل : اولا انتي غلطتي دي مفيهاش نقاش
هند : ايوه بس انا مكانش ينفع اقوله الحقيقة
امل : خلاص مكونتيش تعلقيه بيكي
تاني حاجه بقى فأنتي لازم تعرفي إنه مكانش بيحبك
علشان لو بيحبك مش هيفرق معاه كل ده
هند : لأ هو زعلان علشان كدبت عليه
امل : وبعد م شرحتيله كل حاجه قالك ايه
لاحظي اني مش موافقاكي ع تصرفك من الأول لازم الصراحه وخصوصاً في الأمور دي
هند : قالي مينفعش اتجوز واحده خدعتني وغشتني بالشكل دا
وقالي كمان انا معرفش مخبيه عليه ايه تاني
مع اني قولتله كل حاجه
امل : طب تعالي نقلب الأدوار كده
لو انتي مكانه هتسامحي
هند : بصراحه لأ.. بس انا حبيته
امل : عارفه إن الموضوع صعب.. بس لازم تحافظي على كرامتك وتبعدي عنه خالص
هند بتبكي : مش هقدر اعمل كده
امل : الموضوع هيبقى صعب عليكي في الأول بس مع الوقت هتنسي وخصوصاً بقى لو دخل حياتك شخص تاني حبتيه هيقدر ينسيكي كل دا
وبعدين مش قولنا ناخد بالنا من نفسنا ونهتم ب دراستنا
هند حضنت امل بقوة : ماما امل انا بحبك اوي
امل : وانا كمان بحبك اوي ياهند وعايزاكي تاخدي بالك من نفسك اكتر من كده
هند : حاضر
امل تسمح دموع هند : تخرجي من هنا بقى تغيري هدومك وتتغدي وتشوفي مذاكرتك اوكيه
هند : حاضر
تليفون امل يرن
هند : بعد اذنك
امل : اتفضلي
واخدت التليفون وببتسامة : يامساء الفل
هشام : بتعملي ايه
امل : بشرب قهوة
هشام : هههههههههه بقيتي مدمنه قهوة مع إن مكانش ليكي فيها خالص
امل : الطاهر إن كل اما الواحد يكبر في السن شوية حاجات كتير جواه بتتغير حتى الاكل كمان
هشام : مين بقى اللى كبر في السن دا
امل ببتسامة : انا... ولا هتنكر؟!
هشام : هو انا اه كبرت لكن انتي لأ
امل : ياراجل!
بقى انا مكبرتش؟!
هشام : هههههههههه ايه راجل دي
؟؟
امل : هههههههههه خلاص يادكتور متزعلش!
هشام بتنهيده : عارفه اني عندي شغل كتير اوي
حسيت اني مش قادر اكمل قولت اكلمك علشان نفسي تتفتح للشغل.
امل : امممم هتتأخر الليلة
ولا دي بقي تمهيد علشان مزعلش لما تتأخر ؟؟!
هشام : هههههههههه لا مش كده خالص بس هحاول اجي بدري
امل : اوكيه روح خلص شغلك
هشام : مع السلامة
امل : سلام ياحبيبي
هشام : امل
امل : في حاجه ياهشام
هشام : نسيت اقولك إن والد الدكتور كريم اتنقل المستشفى الصبح
امل : ياخبر... ليه هو تعبان اوي كده
هشام : بكلمه مبيردش انا لسه عارف الخبر من شوية
مازن هو اللي قالي
امل : طيب هكلم فريدة اطمن منها
هشام : اوكيه ياحبيبتي مع السلامة.. انا كمان شوية كده
وهروح هناك المستشفى اطمن.
__________________