السلام عليكم أخواتي
القصه دي غريب جدا وأهم حاجه فيه رأيكم مهم جدا
انا من فطره كونت منزل بوست اني اللي حصل معاه موقف رعب يحكيلي بحيس انا اعرف االف منه قصه جديده
لقية ناس كتير دخلتلي ع الخاص تحكيلي موقف مرعبه حصلت معاها وانا بتابع الرسائل لقيه قصه غربب اوي وصحبه القصه بتحلف بالله اني القصه دي حصلت معاها وانا متاكتش منها غير لمه كلمت ام صحيت القصه اقولك القصه وحستني رأيكم
كنت داخلة أنام عشان عندي شغل الصبح بدري افتكرت إني نسيت اغسل المواعين، دخلت المطبخ كانت الساعة حوالي ١١ ونص، وقفت أغسلهم وكان في حلة على البوتوجاز لفيت عشان اخدها اغسلها لاقيت عليها خيال أسود ببص ورايا ملقيتش حاجة استغربت وكملت عادي بلف أخدها لاقيت الخيال ظاهر تاني فضلت مركزة معاه اشوفه هيتحرك ولا لأ لأقيته بيقرب ناحيتي لفيت بسرعة أشوفه ملقيتش حاجة رجعت أخد الحلة ملقتهاش في مكانها! لاقيتها في الحوض وأنا متأكدة إني محركتهاش خالص ولا قربت منها، قولت لنفسي يمكن أنا شيلتها ونسيت، خلصت اللي كنت بعمله ودخلت أنام، تاني يوم وأنا راجعة من الشغل لاقيت جوزي في البيت على غير العادة، كل مرة أنا اللي برجع قبله وهو بيكون لسه فاضل له ساعتين على ما يوصل، لاقيته فاتح التليفزيون وقاعد بيتفرج على ماتش كورة استغربت جدًا لأنه طول عمره مش بيتابع الكورة ولا بيحبها، لاقيته بيبص لي بتركيز وبيقول لي إنتِ لابسة ورايحة فين؟ قولت له أنا جاية من برا أنا كنت في الشغل!
لاقيته بيضحك وبيقول لي بلاش هزار بقى الغدا كان طعمه حلو أوي النهاردة ممكن بقى كوباية شاي من إيديكِ الحلوة دي!
كمان شاي؟!! إنتَ مبتحبش الشاي وبعدين غدا إيه أنا لسه مطبختش بطل هزار إنتَ، دخت المطبخ لاقيت كل حاجة زي ما هي من امبارح ومفيش حاجة اتحركت من مكانها، طلعت أكلمه تاني واسأله مين اللي حضر الغدا ملقتهوش ولاقيت التليفزيون مقفول ومفيش حد في الشقة، قعدت على الكرسي قدام التليفزيون مش فاهمة حاجة! ثواني ولاقيته بيفتح بابا الشقة وداخل وبيقول لي حضري الغدا بسرعة هغسل إيدي وجاي، اتجمدت مكاني مكنتش قادرة اتحرك أومال مين اللي كان هنا ولسه ماشي! لاقيت تليفوني بيرن ببص لاقيته رقم جوزي استغربت هو ليه في الحمام جوا وبيتصل بيَّ!
فتحت الخط لاقيته بيقول لي أيوه يا حبيبتي أنا جاي البيت دلوقت عايزة حاجة اجيبها معايا؟
اتخشبت في مكاني مكنتش قادرة اتحرك ومقدرتش حتى أرد عليه فضل يقول ألو لحد ما الخط اتقفل، ضغطت على نفسي وقومت اتسحبت براحة عند الحمام اشوف مين اللي جوا ده، لاقيت الحمام فاضي ومفيش حد قعدت أدور في البيت ملقيتش حد سمعت جرس الباب بيرن قلبي كان بيدق بسرعة وكنت مرعوبة ومش فاهمة حاجة، قعدت أدور على تليفوني مش لاقياه، فجأة سمعته بيرن! ببص لاقيته في إيدي! وجوزي بيتصل تاني فضل يرن وجرس البيت يرن روحت أبص من عين الباب مفيش حد!
