💕أنت قلبي٢💕

الحلقة ٤

#انت_قلبي٢
#بوسى_مصطفى

           _____الحلقة الرابعة____

في فيلا اسر
سهر في التليفون📞
لا سيبتهم وطلعت
سلمي : سيبتي جوزك معاها؟! 😲
سهر : في ايه ياسلمي مالك متحاسبي على كلامك
سلمي : يابنتي افهمي انا اقصد ميصحش يعني انهم يقعدوا لوحدهم
سهر : لا اطمني الولاد معاهم
سلمي : سهر انتي كويسه
سهر : افندم يعني عايزة ايه
سلمي : يعني مش سخنه؟؟
صحتك كويسه وتمام التمام
سهر : ولو عملت مشكلة معاها كده بقى هي مش هتقدر تاخد ولادها
سلمي : ياخيبتك يعني بعد م تربى وتكبري هي تيجي تاخدهم كده ع الجاهز
سهر : تعبت من المشاكل ياسلمي
وحاسه اني خلاص مبقتش قادرة أواجه أي مشكلة
سلمي : بيتهيألي إنها هتاخد هم عندها يومين ولا حاجه وترجعهم لباباهم تاني
هما اصلا مرتبطين بيكي
سهر : اول م شافوها جريوا عليها وكإنهم عارفينها
سلمي : مش اسر قالهم ان دي مامتهم.
سهر : ايوه واول م قالهم كده لاقيتهم بيجريوا ناحيتها واحضان بقى مقولكيش
سلمي : غيرانه؟
هههههههههههههههههه فكرتيني لما كنتي بتنامي مع مليكه في اوضتها قبل م اسر يتجوز هايدي
سهر : تعرفي اني أوقات بعملها
سلمي : بكره تتجوز والارتباط الجامد دا يخف شويه
سهر : بيتهيألك
سلمي : هههههههههه ابقى روحي اقعدي معاها هناك
شكلك هتبقى حما متعبه اوي ياسهر
سهر : هههههههههه ليه بس كده دا انا غلبانه
سلمي :"هههههههه غلبانه اوي
الباب يخبط
سهر : اتفضل
اسر : سهر كنت عايز اتكلم معاكي في موضوع مهم
سلمي : سهر انا هقفل دلوقت وابقى اكلمك الصبح
سهر : اوكيه ياسلمي مع السلامة
وقفلت سهر مع سلمى
سهر : خير يااسر عايز تقولي ايه؟؟
أسر بتنهيده قوية ولسه هيتكلم
سهر :"ياااه للدرجادي الموضوع دا صعب اوي كده
اسر : سهر انا عارف انه صعب عليه وعليكي كمان
سهر وهي مدمعه : يبقى هتسيبهم يروحوا معاها يااسر
اسر يقرب منها ويضمها ليه :" مش عايز اشوف الدموع دي في عينك ياسهر
سهر : بعد كل اللي حصل دا لسه شايف انه ينفع
اسر : يومين مش هيعملوا حاجه
سهر : وانا!
هقعد يومين مشوفهمش
اسر : سهر هقولك وجهة نظري بعدين
بس انا عايزك تدخلي لمليكه علشان منهاره ومش عايزة ملك وعلى يروحوا مع مامتهم
سهر : كل دا ليه يااسر
اسر : لمصلحتهم
سهر : طب روح بقى هدى بنتك
اسر : ما انا لو اعرف أهديها هجيلك ليه
سهر : والمطلوب
اسر : زي م قولتلك ادخلي هديها بس دلوقت وبعدها نتكلم
سهر وهي بتمسح دموعها : حاضر
خرجت من الغرفة وبتخبط على باب غرفة البنات
سهر : ملوكه انا مامي افتحي ياحبيبتي
ملك بتفتح الباب.
سهر : خارجه ياملك
ملك بفرحه : مامي جات... مامي رجعت من السفر وخلاص مش هتسافر تاني
سهر : يعني انتي مش عايزة تقعدي معانا هنا
ملك : لأ بابي قالي إننا هنقعد يومين بس مع مامي علشان المدرسة
سهر : طيب ياحبيبتي.. ألبسي بقى حاجه تقيله علشان بره الجو برد
ملك : حاضر
واخدت جاكت وبتلبس
سهر نظرت ل مليكه اللي كانت ساكته ودموعها ب تتساقط على خدها
قعدت سهر جنبها على طرف السرير ونظرت ليها
مليكه بصوت مخنوق : عارفه يامامي حضرتك جايه تقوليلي ايه.
سهر ببتسامة : ايه دا... ازاي عرفتي؟؟!
مليكه : يعني حضرتك شايفه إن اللي عمله بابي دا صح
سهر : اولا مينفعش نتكلم بالاسلوب دا ع اللي اكبر مننا وخصوصاً لما يكون بابي
تاني حاجه بقى إن اخواتك موافقين ولوكان العكس اللي حصل
اكيد كان هيبقى في رأي تاني
مليكه : مش دي الست اللي
وضعت سهر ايدها ع بق مليكه علشان منتكلمش
نظرت ملك ليهم بدهشه
سهر بهمس : مينفعش نتكلم في الموضوع دا قدام اختك
مليكه : مش هو دا اللي حصل
اقولها بقى دلوقت إن مامي كانت في السجن مكانتش مسافرة ولا حاجه
واقولها كمان دخلت السجن ليه؟؟!
سهر : يبقى عايزة تدمري اخواتك
مليكه وهي بتبكي : اخواتي هيعيشوا في مكان تاني خالص بعيد عننا
حضرتك ازاي عايزني اقبل الفكرة دي
ملك وسمعت الجمله الأخيرة اللي قالتها مليكه لإنها قالت بصوت مسموع : بس انا وعلي مش هنقعد هناك ع طول يا مليكه
مليكه : كلام!
بكره تحبي القعدة هناك وتنسيني
ملك وقربت منها : لا طبعا مقدرش انساكي ياملوكه
مليكه حضنتها وهي بتبكي وسهر كمان بتبكي
على بيخبط على الباب
مليكه : تعالي ياعلي
على :"يلا ياملك مامي قاعدة تحت مستنيانا
مليكه تسلم ع.. على
مليكه : تروح وتيجي ع طول ها..!
على : حاضر... سلام بقى يلا ياملك