وسمني مريم نحب ناكل بزاف عندي ١٩ سنة نجوز ڨاع ياماتي فدار ماني مايصلح فيا والو من غير ضحتكي لمهم ملي كنت صغيرة نحب نتبهلل ونجياح واحد نهار جا واحد لبنادم يسكن قدامنا ڨاع يخافوه علا خاطاش هو زعيم عصابة مي أنا مازال ماشفتو في وجهو غير قولو ني عايشة فدار ماني ليوم ني رايحة لدارنا
لبست حوايجي وخرجت ركبت لبوس وكي لحقت لحومتي كونت نمشي حتى شفت واحد يخوف كان واقف قدام الدار لي مقابلتنا عرفتو بلي هداك البنادم ليجا جديد قعدت نشوووف فيه عندوا واحد للعينين تقول تاع الذيب والله غير خفتو ومع اللي شاف فيا بواحد لخزرة ملخلعة تفرفشت وجبتها بواحد الطيحة هههه الله غالب عندي مخ تع النملة المهم هو تخلع فيا سور كان يخمم يزكي لسبيطر مهابل يجو يدوني ههههه بصح والله غير bgالله يبارك دخلت لدار قابلتني ماما شابعة عليا ضحك من الطيحة انا رحت للكوزينة دركت باش نرهج
جا خويا وقاللنا بلي سمانة لجاية يروح يخطب هه كي قالها بديت نضحك وقوتلو
انا:يا درا شكون قبلت بواحد طلاب كيما نتا الله يكون معاها
خزر فيا وقلي
محمد خويا: ربي يهدي ماخلق قالك حايحلو صبيطار جديد تاع لمهابل نبعتوك دشنيه
انا: حاشاك ياوجه لبخص نبعتو لي راح نخطبوها قبلت بواحد كيما نتا واقيل مريضة مسكينة هههه
محمد : ايا بلعي حلاتلك وقيل يخي بنادم نورمالمو يسموك الجايحة ماشي مريم
انا : الغيرة تهدر
محمد: نغير من جحشة كيما نتا
ماما: ايا بلعو فمكم ايا
هههه ماما كي تزعف تولي بنادم وحدوخر
انا: ايه يا سيد رجال مقتاش نروحو نخطبو لالةالنسا
محمد: نهار الجمعة يا عرة النسا
انا: ايا حليتلك بزاف العين ايا أحشم
محمد : ما يكون غير خاطرك يا لالة مانيش حاب نزيد فالهدرة مورالي را هو طالع ما تجيش وحدة كيما نتي تهبطو
انا : ايا أصبرو واش نلبس ماعندي والو
محمد: البسي مسڨم ماتبهدليناش
انا: نهار تحط دراهم باش نشري حاسبني وديجا نلبس حوايجي نورمال
محمد: ايه باش يقولو مهبولة تع الصح هههه
انا : يلحقو ضفر مني اومبعد يحلو فمهم
عندو هو
ألو واش دخلت السلعة جديدة ولا مازال
؟؟؟؟:وي شاف دخلت رانا نسناو فيك جي تشوفها شاف باش نبعتوها
هو: خلاص فليل وجدوها نجي نفيرييها وردو بالكم غلطة صغيرة تخلصوها غالية
عندي انا
انا: محمد ياخ مورالك راهو طالع دير هدة وخرجنا نتعشاو ليووم برا
محمد : شغول ني حاب نتيريك مي علا وجه يما معلييش لعشيا وجدو روحكم نتعشاو برا
انا: قول والله وويييي ،ماما ، ايه أصبر ناكلو عفسة تشبع ماشي طرف بيزا وترجعنا لدار
محمد: يا ديني علا كرشها تخلي عرشها
انا: العرش بلا ماكلة ماجاياش اومبعد الملكة تموت
محمد: هههه طيري ديري كاس قهوة
انا : دوك نقول لماما ديرهالك
هو: نسيت بلي ماتصلحيش 😑😑
أنت تقرأ
حبيبي زعيم (باللهجة الجزائرية)
Actionوسمني مريم عايشة فدار متواضعة ملي كنت صغيرة نحب نتبهلل وناكل بزاف مالڨري مايبانش عليا عفسة ماتصلح فيا من غير ضحكتي يقولولي شابة كي كبرت ولا في عمري ١٩ جاو جيران جدد ولا نقول جا واحد سكن قدامنا يسكن وحدو مي ڨاع يخافوه علا خاطاش زعيم المافيا واحد مايق...
