لقد احببني❤
البارت الاول:
ونبدا روايتنا ف اسكندريه كان فيه شخص عايش مع والده والدته واخته الصغيره وهنتعرف عليهم دلوقت
الام:صباح الخير يا ولاد
عمر: صباح الخير يا ماما
رهف: صباح الفل يا ست الكل
الاب: طب وانا اي مليش ف الحنيه دي
عمر و رهف: لاطبعا يا بابا دا انت الخير واالبركه بردوا
عمر نزل يروح الشركه بتاعته ورهف نزل الكليه وعمر طبعاا اخدها معاه ف طريقه لانها ف طريقه للشركه
نتعرف ع ابطالنا
عمر شاب عنده 25 سنه مدير شركه وحب واحده بس اتخدع فيها وهي محبتوش كانت بتتسلي يعني وسابته واتجوزت صاحبه وهو مش مغرور خالص زي صحابه
رهف بنت عندها 20 سنه ف كليه هندسه ومجتهده جدا ف دراستها
نروح بقي ل عمر ف الشركه
عمر : ايه يا زياد اتاخرت كدا ليه؟!
زياد دا صاحب عمر وتقريبا متربين سوا وهو بن خالة عمر
زياد: معلش علي ما جيت وصاحي متاخر
عمر: احنا عندنا شغل ومش فاضين للعب العيال دا وانت بقي صاحي متاخر لي؟!
زياد: مفيش يسيدي كنت سهران ف الديسكو امبارح وروحت متاخر بقي
عمر: ديسكو اي؟! تاني ي زياد مش قولتيلك ميت مره الشغل اهم ولازم تبقي جد شوياا انت اي يا اخي كل حياتك ديسكو وبنات وسهر مفيش حاجه عدله تعملها ف حياتك ابدا
زياد: انت بتزعقلي كده لي ولو علي الشغل بتاعك انا بخلصه ف معاده وانت عارف كدا كويس يا عمر
عمر: شغل اي وزفت اي..انا خايف عليك انت ي بني ادم افهم انت صحبي واخوياا ومن واجبي مش اشوفك كده واقف اتفرج عليك وبعدين اتظبط شويا الناس هتقول علينا ايه فاتحين شركه سياحه واحنا اللي مقضينها سياحه مينفعش كدا
زياد: خلاص ي مروان هتوب😂
عمر بجديه: اوعدني انك تبعد الديسكوهات والبنات والسهر طول الليل
زياد بجديه: اوعدك ي مروان
عمر: تمام اوي كدا نبدا الشغل بقي
طبعا انت عارف الشركه بتاعت منافسنا وعدوي مروان وعارف كمان هو مستني لينا اي غلطه علشان يسيطر علي الشركه
مازن دا بقي حكايته حكايه كان الاول هو وعمر اعز اصحاب يعني اقرب من اي اخوات وفي يوم كان عمر قاعد مع حبيبته اللي هي همس
وبعدين يحصل....................
البارت الثاني:
وبعدين يحصل مفاجاه وهي تعالوا نشوف
مازن كان عارف ان عمر وهمس هيتقابلوا النهارده ف الكافيه وراح مازن الكافيه عند عمر وهمس
مازن دخل الكافيه وعمر وهمس قاعدين يتكلموا وكدا ويقاطعهم صوت مازن
مازن: اي دا عمر عامل ايه؟
عمر: مازن!! بتعمل هنا ايه يبني مختفي فين كدا
مازن: معلش كنت مسافر بقي وكدا وانت عارف
عمر: ربنا معاك بس هتجيلي امتا علشان نبدا المشروع كدا هنتاخر
مازن: هعدي عليك بكره ف الشركه ونتفق علي كل حاجه
عمر: ماشي متتاخرش
مازن يبص ل همس ويقولها:
ايه الجمال دا ؟
عمر: احم احم
مازن يضحك ويقول: مرات اخويا في حاجه
عمر يبتسم ويقول: ادعيلناا بقي خلينا نخلص
وتضحك همس وتقول: يارب
مازن: اسيبكوا انا بقي وامشي ونتكلم بكرا يا عمر
عمر: تمام مااشي
مازن وهو بيبص ل همس: فرصه سعيده اني شوفتك النهارده
عمر: احنا اسعد
ويمشي مازن وهو ماشي فضل يبص علي همس بنظرات تفحص واعجاب
وطبعا همس سرحت ف مازن ونسيت عمر خالص
عمر: همس سرحتي في اي؟!
همس: اي!! لاء معاك اهو
وبفضل عمر يكلم همس وهي مش مركزه معاه اصلا
وبعدين عمر يوصلها بعدين يروح الشركه يشوف الشغل ف الشركه وصل لحد فين
عمر عنده ف الشركه سكرتيره اعوذ بالله عليها لازقه عاوزه توقعه بأي طريقه بس طبعا عمر رافض الفكره اصلا اصل قلبه شغله واحده بس وهي همس مينفعش يبص لواحده غيرها وعمر طلب السكرتيره تدخل وكانت السكرتيره دي اسمها ميس
وقالها: روحي لاستاذ زياد خليه يجيب ملفات الشغل ويحصلني علي المكتب بسرعه
ميس بدلع: ومش عاوز حاجه تانيه او عاوزني ف حاجه
عمر بنبره غضب: لا روحي اعملي اللي قولتلك عليه
وتروح ميس لاستاذ زياد وتخليه يروح ل عمر
ويدخل زياد ويقول: في ايه عاوزني ف ايه ي عمر
عمر: جبت الملفات
زياد: ايوه اتفضل
عمر: تمام كداا مش فاضل بس غير مشروع القريه السياحيه اللي بينا وبين مازن
زياد: تمام عاوز مني حاجه تانيه
عمر: لا روح انت بس استني عاوز منك حاجه مهمه ضروري
زياد: ايوه اعمل اي
عمر:...............................
البارت الثالث:
زياد: ايوه اعمل اي
عمر: عاوز تنزل اعلان ف الجرايد باننا عاوزين سكرتيره وتكون معاها مأهل عالي وكمان تكون بتتكلم لغتين الانجليزيه والفرنسيه
زياد: عاوز سكرتيره ليه يا عمر ما ميس موجوده؟!
عمر: لا منا هطردها
زياد: ليه كدا بس؟!
عمر: في ايه يا زياد مش شغلك دا الله
زياد: ماشي اللي تشوفه
ويخرج زياد وتدخل ميس
وتقول: في ايه يا استاذ عمر بتزعق ليه
عمر: مش شغلك
ميس بدلع: مالك يا عمورتي
عمر بغضب: في ايه انتي اتهبلتي وايه عمرتي دي كمان
ميس: عادي بدلعك يعني يا عمورتي
عمر وهو في غضب شديد: متقوليش زفت دي تاني واتفضلي اخرجي برا انتي مطروده من الشركه
ميس: متهزرش ي عمورتي بقي
عمر بغضب: لا مبهزرش واتفضلي برا
ميس: انت الخسران يلا احسن دا انت غبي
عمر: اطلعي برا مكتبي وبرا الشركه خالص يلا
وتخرج ميس وتمشي من الشركهه وهي بتتوعد ليه ومش هتسيبه في حاله ولا يتهني باللي مفكرها حبيبته(همس)
وعدت الايام والشهور والشغل واقف ومش لاحقين يخلصوا الشغل لانهم لسه لحد دلوقت ملاقوش سكرتيره مناسبه وخلاص كانوا فقدوا الامل
ونيجي بقي لبيت عايشه فيه بنت جميله جدا مع اسرتها الصغيره هي ومامتها ووالدها هو بيت بسيط جدا ومتواضع جداا ولكن مستواه المادي كان كويس جداا
ونلاقي البطله بتاعتنا فيه وهي بسمه عندها 24 سنه خريجه كليه اداب تخصص ترجمه وهي بتدور علي وظيفه ومش لاقيه ولا وظيفه واحده مناسبه ليها ولا قدراتها وبدات تفقد الامل في انها تلاقي وظيفه اصلا
وفي يوم من الايام وهي بتدور علي الانترنت وفي الجرايد لقت وظيفه مناسبه جدا وهي انها تشتغل سكرتيره في شركه( والشروط زي ما قولناها فوق)
والشركه دي طبعا شركه عمر وتاني يوم لبست ونزلت من بدري علشان تروح الشركه دي وتقدم ف الوظيفه وهي ماشيه في الطريق وخلاص وصلت للشركه وتلاقي شخص راكب عربيته وجاي نحيتها بسرعه وبعدين يقف مره واحده ويطلع وبيزعق
ويقول: مش تحاسبي يا انسه انتي واقفه هنا تعملي اي؟!
بسمه: اي انت اعمي ما بتشوفش مش تحاسب
ويطلع الشخص دا مين اكيد زياد
زياد: انا بردوا ماشي يستي ابعدي بقي من هنا وانا اسف
بسمه: ماشي
وتسيبه بسمه وتمشي وتروح الشركه وتدخل وتعد وتستني دورها وبعدين اجي دورها انها تدخل ودخلت بالفعل وقدمت نفسها واعدت مع عمر وعملها interview وبالفعل نجحت فيه واخدت الوظيفه
عمر: تمام كدا يا انسه بسمه تقدري تستلمي الشغل من بكرا
بسمه: تمام يا استاذ عمر بس ممكن يبقي من دلوقت
عمر: ماشي اتفضلي ع مكتبك
بسمه: عن اذنك
وتسيبه وتمشي وتروح مكتبهاا وبدات تشتغل وكان شغلها كويس جداا وعمر كان مبسوط انها لسه جديده في الشركه بس شغلها دقيق جداا ومظبوط
وقدروا يخلصوا كل الشغل دا ف وقت اقصر من المتوقع
عمر في مكتبه فونه يرن ويرد
عمر: الو!!
همس: انت فين يا عمر مختفي عني كل المده دي كلها
عمر: معلش يا حياتي انتي عارفه بقي الشركه كانت عامله ازاي
همس :ماشي
طبعا همس مكنش عمر واحشها ولا حاجه دي مجرد بس جزء من الخطه علشان ميشكش ف حاجه وهي طول الوقت مع مازن اللي هو مفروض صاحب عمر
ويحصل اللي مكنش متوقع طبعاا.............................
البارت الرابع:
ويحصل اللي مكنتش متوقع طبعاا بالنسبه ل عمر
همس ترن عليه وتقوله تعلالي حالا
عمر: في ايه طيب يا حبيبتي
همس: مصيبه يا عمر حصلت قابلني ف الكافيه اللي احنا بنتقابل فيه
عمر: خير..؟! طب انا جاي
ينزل عمر من الشركه ويسوق باقصي سرعه حتي انه كان هيعمل حادثه بس ربنا ستر ومحصلوش حاجه
ويوصل عمر الكافيه وهو علي اعصابه
عمر: في ايه يا همس ايه اللي حصل؟!
همس: انا جالي عريس وبابا وموافق ي عمر
عمر بغضب: انتي بتقولي ايه يا همس طب وانا
همس: مش عارفه بقي يا عمر
عمر: طب انا مستعد اجي اقابل والدك دلوقت حالا واطلب ايدك منه
همس ببرود شديد: لاء لاء متتعبش نفسك
عمر: يعني ايه مش فاهم؟!
همس: يعني انا موافقه عليه يا عمر وجايه اقولك علشان بس ننهي علاقتنا واني مش هينفع اكمل معاك وربنا يسعدك
عمر: انتي بتقولي ايه؟! بتهزري صح؟
همس: لاء طبعا مش بهزر انا هتخطب للي بحبه وهو بيحبني
عمر: بتقولي بتحبيه؟!..
همس: ايوه طبعا
عمر: طب وانا؟!
همس: انت ايه؟! شوفلك واحده تانيه بقي لكن انا لاء مش هينفع باااااي
وتسيبه خمس وتقوم وعمر متكلمش كلمه مصدوم من اللي حصل بيكلم نفسه: اي دا هي قالت انها هتتخطب للي بتحبه!! يعني اي كانت بتكدب عليا طول الوقت دا وبتخدعني!!
طبعا قلب عمر اتكسر وزعل جدا علي فراق حبيبته اللي هي متستاهلش اصلا يعني
وفضل علي دا الحال حابس نفسه في اوضته ومبيخرجش منها اكتر من شهر وطبعا الشغل متعطل ف الشركه بسبب انه مش بيروح الشركه اصلا
بسمه رنت عليه كتير وزياد رن عليها كتير اوووي بس عمر مكنش بيرد علي حد
وبعد كدا عمر جاله تليفون من رقم غريب ف
يرد:الو!! ايوه مين معايا؟؟
الشخص: النهارده فرح حبيبتك همس وصاحبك مازن اقصد اللي كانت حبيبتك
عمر: مين ؟! انت بتقول اي مستحيل صحبي يعمل كدا!
الشخص: لو مش مصدقني تقدر تروح مكان الفرح وتشوف بنفسك واداله العنوان
عمر: نزل بسرعه وراح علي العنوان ويلاقي.........................
البارت الخامس:
عمر نزل بسرعه وراح علي العنوان ويلاقي فعلا مازن هو اللي اتجوز همس ويدخل ويسلم عليهم مبروك يا عريس مبروك يا عروسهه وطبعا كانت خايفه شوياا ل عمر يبوظلهم الفرح بس طبعا دي مش اخلاق عمر
ومشي عمر وساب الفرح وطلع علي البحر يتمشي هناك ويشكي همومه للبحر وبعدين قرر ان مازن دا من هنا ورايح عدوه مش صحبه وطبعا شركاتهم كانت من اكبر الشركات ف الوقت دا وكانت الشراكه بتاعتهم مكسب ليهم واي حد كان يفكر انه يدخل ف منافسه معاهم كان يخسر المنافسه دي ودلوقت اتفرقوا ومبقوش اصحاب ولا حتي شركاء وطبعا شركه عمر تقدمت وبقت اقوي من الاول ودا بسبب كفاءه بسمه ف الشغل ومكانتش بتنام علشان تخلص الشغل اللي كان متراكم وعمر مش موجود وعمر رجع وشغل كل وقته علشان ينساها وطبعااا مقدرش ينساهاا وبسمه كل يوم تتشد ليه عن اليوم اللي قبله بس كانت تقول لنفسها فوقي يا بسمه تحبي مين ولا مين يحبك هو عمره ما هينسي حبيبته القديمه. ولا حتي ممكن يحبك
وفي يوم من الايام وكان دا اليوم اللي فيه منافسه مع شركه مازن وهمس
ماهو مازن كتب نص الشركه بأسم همس وطبعا بقت هي كمان منافسه ليه ودا مضعفوش ابداا ولا هزه في يوم لان مازن وهمس مساهمين في المنافسه دي بكل الفلوس اللي يملكوهاا يعني لو خسروا المنافسه دي هيبقوا علي الحديده زي ما بيقولوا بس طبعا مازن عمل كل الطرق علشان يكسف المنافسه وكان فاكر انه ممكن يكسبها بس طبعا شغل عمر واصراره انه يكسب المنافسه دي وبسمه كانت تعبانه جدا بس مبينتش دا وبقت تشتغل كتير جدا علشان عمر يكسب المنافسه دي ويفرح لانها طبعا زي ما احنا عارفين هي بتحبه ومش عاوزه حاجه غير انه يبقي مبسوط وهي مشافتوش مبسوط من ساعه ما همس سابته
وعمر عمل كل اللي عليه وبسمه عملت كل اللي عليها وزياده كمان واجي خلاص المعاد اللي هيقولوا فيه مين اللي هيكسب المنافسه
مازن: اكيد انا اللي هكسب بردوا زي منا كسبت منك حبيبتك
همس: طبعا يا حبيبي
عمر: هنشوف هتكسبها ولا لاء بس اوعدك انك مش هتكسبها يا مازن
مازن وصوت ضحكته بتعلي: هههههههه انت بتحلم مستحيل انا كسبان كسبان والدليل همس زي ما اخدتها منك هاخد منك كل حاجه
طبعا عمر ادايق جدا وكان باين عليه دا بسمه طبعا مستحملش ان حبيبها يتجرح كدا وهي تفضل ساكته ومن غير ما تدري
بسمه: اذا كان انت يا مازن اخدت منه حبيبته اقصد الخاينه اللي هي متستحقش ان شخص زي عمر يحبهاا ف احب اقولك انك مش هتاخد كل حاجه وانت بتحلم وعمر هيكسب المنافسه دي وهتبقوا ف الشارع حتي السنيوره اللي معاك دي هترجع زي الكلبه لانها جرت ورا الفلوس حبيتك علشان فلوسك وعربيتها ونص الشركه لكن محبتكش انت
همس بغيظ منها وغضب: اخرسي ولسه هتضربها بالقلم لقت ايد حد مسكت ايدها
وكان دا.........................
البارت السادس والاخير:
همس بغيظ منها وغضب: اخرسي ولسه هتضربها بالقلم لقت ايد مسكت ايدها وكان دا عمر وهو بيقولها: انتي اتجننتي ولا اي يا مدام انتي انتي هتمدي ايدك عليها وانا واقف يعني ازاي وبعدين عاوزه تضربيها لي وهي كل كلامها صح انتي بني ادمه زباله وواطيه وحقيره ومش عارف انتي عايشه ليه انتي عباره عن كلبه فلوس اي واحد معاه فلوس تبقي تحت رجله زي العبيد وكل لما الفلوس بتاعته تقل او يقع ف مشكله تسبيه وتروحي ل غيره انتي مش بني ادمه انتي واحده قذره وطماعه ومبتفكرش غير في نفسهاا
همس: اخرس انت بتقول ايه؟!
بسمه تتكلم تاني وتقولها: ايه مسمعتيش اللي عمر قاله لو حابه نعيده تاني اعيدهولك انا ومش هتعرفي تعملي حاجه ولا تغيري حاجه ولا حتي جوزك اللي واقف دا هيقدر يعملك حاجه اصلا
ويقاطعهم صوت بيقول: لو سمحتهم اهدوا علشان نقول مين اللي فاز بالمنافسه
والكل سكت وعمر وبسمه خايفين اوي وطبعا المغرور مازن والجشعه همس واقفين واثقين من نفسهم وانهم اللي هيكسبوا المنافسه وتحصل مفاجاه كان سعيده لطرف وحزينه لطرف تاني بس قبل ما يعلنوا مين اللي كسب المنافسه بسمه داخت والتعب زاد عنها لانها مكنتش بتنام ولا بترتاح حتي وفجاه متحسش باي حاجه وتقع ف الارض وتقول الحقني يا عمر وتفقد وعيهاا وعمر ينقلها بسرعه المستشفي ويقول: ل زياد خليك هنا
زياد: ماشي وابقي طمني عليها
عمر: ماشي
وياخدها وينقلها علي اقرب مستشفي ويتفاجأ ان حالتها متاخره ومحتاجه نقل دم ومش عارفين فصيلتها اي وعملولها تحليل وعروفوا الفصيله بس في مشكله تانيه ان فصيله بسمه كانت نادره جداا وخرج الدكتور من اوضته العمليات وقال لعمر: محتاجه نقل دم بسرعه وفصيله دمها مش موجوده
عمر بخوف: هي فصيله دمها ايه يا دكتور؟!
الدكتور يقوله فصيله دمهاا وتطلع فصيله دم بسمه هي نفس فصيله دم عمر
عمر: انا نفس الفصيله ممكن تنقلها دم
الدكتور:طب اتفضل بسرعه لاننا ممكن نفقدها ومش هنقدر نلحقها ويروح عمر بسرعه ويدخل اوضته العمليات وينقلوا منه الدم ل بسمه وخرجت من العمليات وحالتها بدات تتحسن وفضل عمر سخران جنبها طول الليل والنهار مستنيها تفوق وعمال يكلمها ويقول: بسمه فوقي بقي يا بسمه فين ابتسامتك الحلوه اللي اتعودت عليها واللي كانت تنسيني اي هم وانا ف عز همومي اصحي بقي يا بسمه وتعدي ساعات وايام عمر جنبها مش بيسبها لحظه و قلبه بدا يحبها ويحس بحبها ليه ويعرف اد ايه هو كان بيفكر ف الماضي والحب الحقيقي جنبه
وتبدا تفوق بسمه وهي بتقول: عم..ر..ع..مر..ع...م...ر..عمر انت فين يا عمر..
ف يرد عليها بسرعه ويقولها :اخير فوقتي انا موجود جنبك اهو مسبتكيش ولا دقيقه يا قلب عمر
بسمه وهي تعبانه ومرهقه بقي: انت بتقول قلب عمر؟!
عمر: ايوه قلبه وحياته وكل حاجه انتي غبتي عني شهر بحاله وانا مستنيكي تفوقي ومبعدتش لحظه واحده ولا سيبتك حتي كنتي محتاجه نقل دم وفصيلتك نادره وفصيله دمي زي فصيله دمك وحاليا دمي ماشي ف اجزاء جسمك
بسمه: عملت كدا ليه يا عمر؟!
عمر: علشان حبيتك يا بسمه حبيتك
بسمه:ايه؟!
عمر:بحبك يا بسمه بحبك
بسمه بفرحه وتعب: وانا كمان بحبك يا عمر من زمان اوي بس كنت ديما بتفكر ف همس وقلت مستحيل يحبني
عمر: مستحيل ليه؟! انا حبيتك ومبقتش قادر استغني عنك يا بسمه انتي بقيتي كل حاجه في حياتي بحبك يا بسمه
بسمه: بحبك يا عمر
ويجي الدكتور ويقولها: قلقتينا عليكي يا بسمه كل دا حمد لله علي السلامه والحمد لله حالتنا بتتحسن اهي
بسمه وعمر: الحمد لله يا دكتور
عمر: هي عامله ايه وممكن تخرج امته يا دكتور؟!
الدكتور: متقلقش هي بقت كويسه وتقدر تخرج بعد كام يوم لما حالتها تتحس
وتعد الايام وتبدا بسمه تستعيد قوتها تاني وتبقي كويسه ويخرجوا من المستشفي وتعدي الايام وبعدين بسمه تفتكر المنافسه وتسال عمر وتقوله: عمر ايه اللي حصل ف المنافسه؟!
عمر: متقلقيش يا حياتي طبعا كسبنا المنافسه وكنا هنخسرك بسبب انك اهملتي صحتك وفضلتي تشتغلي من غير لا نوم ولا حتي راحه
بسمه: طب كويس مبروك يا حبيبي ومعلش بقي كان لازم اعمل حاجه تفرحك وتكسب المنافسه
عمر: بحبك يا بسمه
بسمه: وانا كمان بحبك اوي
عمر: تتجوزيني يا بسمه حياتي وبسمتي؟!
بسمه: اكيد ي عمورتي وكل حياتي
" ليه نفضل حابسين نفسنا في الماضي الاليم واحنا قدمنا الحاضر والمستقبل نقدر نخليه احسن متفكرش ف الماضي وعيش الحياه زي ما هي لانها يوم فرح وعشره حزن واليوم الفرح دا لازم احنا اللي نخليه علطول بدل ما يبقي يوم بس❤😊"
