رواية حكايتي

البارت الثالث

خشيت القسم لقيت مديرة  ومعاها أيوب 🌚
اني :السلام عليكم
مديرة وايوب  :وعليكم السلام
اني ؛ خير مديرة قالولي تبيني
مديرة :آჂ̤ تفضلي شوي نصيب 🌞
لما قالت مديرة اسمي أيوب شبح فيا اني توترت
اني ؛حاضر
قعمزت ومديرة قالت انهم ح يديرو زي حفلة هك عشان طلبة ممتازين وعشان طلبو الي كيف خشو لقسم إنجليزي  واني نتكلم معاه لاحظت ان أيوب يشوفلي وفي ختام كلمنا قاتلي مديرة ان انتي وايوب ح نكونو مسؤولين ع مهرجان هذا 😳وقاتلي اختاري معاك طلاب انتي وايوب  يساعدوكم 🤗 ومن بكرا ح نبدو في تجهيز
طلعت من قسم واني نسب ونكفر 🤬
ميسم ؛خيرك تهدرزي  بروحك أنجنيتي 😬 
اني ؛ مديرة دارتلي موضوع هكي كبره بيديرو حفلة للقسم وقاتلي انتي مسؤولة عليها قولن من معاي
ميسم ورتاج :من 🤯
اني :أيوب 🙄
ميسم :حي ع  صدف 😂😂😂 
اني :سكري فمك كييف بندير غبارتي  كيف بنتفاهم معاه ونديره مسؤولية كبيره بكل 😭😭😭
ميسم : عادي حبي انتي قدها 💙
اني ؛قالت اختارو طلبة معاكم   انتن زوز   ومن ثاني زعما
رتاج ؛سعد 😂😂😂😂😂

اني :صح والله 😂
واحني نهدرزو طلع أيوب وصاحبه علي  وجي جيهتي
أيوب :اهليين نصيب
اني توترت :اهليين
أيوب ؛بنسألك ع  حفلة هذي من  اخترتي
اني : صاحباتي زوز وفي ولد بنشوفه
أيوب :  لا صاحباتك  واني معاي زوز  أولاد
اني ؛ اها تمام زي ماتبي
أيوب : تمام اني توا لما طلعت من مديرة قتلها كيف نتفاهمو ع حفلة وتنسيق وهك قاتلي ديرو قروب ماسنجر وضيفوني اني ومشرف قسم لو ماعندك مشكلة طبعا
اني :  تمام
لما مشي أيوب  نشوف في غرام اختي تشبحلي  قلت في خاطري راحت عليا خلاص ح تخبر امي
كملنا يومنا عادي و روحت تغذيت  ورقدت مع عصر نسمع في هاتفي ألقيتها امي قاتلي انزلي عندنا ضيوف صليت عصر وغيرت دبشي ونزلت
خشيت طول لمطبخ ألقيت عشق في مطبخ
اني :عشق من عندنا
عشق :عمي احمد  ومرته واولاده 🙃
اني :مش كانو عندنا امس 😕 ابصر شن ف
عشق ؛   نعرفش
اني :ضيفتيهم شي ...؟
عشق : اها ، عصير ❣️
اني ؛باهي نمشي نسلم ونجي مديريهم قهوة وتي سفرة
عشق ؛اوك امشي بس
مشيت سلمت عليهم وقعمزت معاهم شوي 💛 ولاحظت ان قيس يشوفلي بشكل غريب وان. غرام مركزة علينا   نضت مشيت للمطبخ باش ندير قهوة ولحقتني غرام
في مطبخ
اني نكلم في عشق :  خيرك مقعمزه هنا
عشق :ماعنديش جو  نقعمز معاهم
غرام ؛ نصيب
اني : نـ؏ـم
غرام : شفتي قيس كيف يشوفلك
عشق :كيف يشوفلها
اني ؛ انتي عارفتيه منحرف فوتيه مش مدورته كان زودها   نخبر فيه خالد
غرام ؛ عادي شن فيها كان معجب بيك ولد عمك أولى بيك 😏 وهوا ماشاء الله عليه جميل وتوا  بعد تتزوجو يرزن

اني ؛ هوا م قال نبيك 🙁 يشبحلي بس  وانتي مدام عاجبك هك  خوديه  انتي  ولد عمك وأولى بيك ع قولتك 🙂اني م عندي ماندير بيه 😌
انصدمت في روحي كيف كلمتها  هك 
غرام : ع فكرة انتي  اموليا قليلة أدب  وشي هذا مش لصالحك
سبيتنا وطلعت
عشق : خيرها اسمله
اني ؛ جتها حالتها 😂😂 نوضي ارفعي معاي
عشق ؛ ورأس امك فوتي مانبيش نشوفهم
اني : ابصر شن في ، حطي  في بالك بتحكيلي بعدين
عشق : باهي المهم اني مش طالعه 🥺