عند تغير العذراء " كاملة "

بارت 1

سلام جماعة هادس انا وليت مييي بحكاية جديدة ايهه حكاية جديدة هاد الحكاية لي عندي بزاف و انا حابة نكتبها لاكن الوقت ماساعدنيش

نعرفكم على روحي و عائلتي انا عذراء زيرا عمري 28 سنة جاية بيضا بياض ناصع و عينيا كبار كحولا و شعري كحل طويل يوصل لركبتي و اما لاطاي حوتة ملي كنت صغيرة ندير سبور و كاين ختي ميرال عمرها 23 سنة و متشبهليش قاع جاية خمرية و عينيها بنية و شعرها شاتان و لاطاي سكولات مطرق شوا و حنا عايشين مع ماما منى تخدم مفتشة تاع رياضيات و فنفس الوقت أستاذة فالليسي و تان عندها المودال تاعها يعني اسمها مشهور فالسوق بتصميم الملابس هذا حلمها ملي كانت صغيرة و بابا احمد عندو شركات سياحة و شركة مستشفيات خاصة و شركة للتصدير و الاستيراد اسمهم ZR الاحرف اللوالة تاع اللقب

دوك نبدا يحكايتي انا حكايتي بدات كي كنت صغيرة عمري 14 سنة و ميرال 9 سنين كنا افضل اخوات فالموند و كونا عائلة عادية جدا مكوناش مرفهين كيما دوك كونا قيسنا قيس روحنا بابا كان وكيل عقاري و ماما أستاذة عادي و جدي الله يرحمو مخلينا الأرض و هوما 4 رجال و 2 نسا و طبعا محبوش يبيعوها شادين فعقلية بكري ليسونسيال

ميرال= عذراءءءءءءءءءءءءءءءءءءءءءءءءءءءءءءء نوضييي جات المسمومة تاع عمتك نوضيييي

عذراء=اوههه خليها تجي مرحبا و انا علاه تنوضي فيا مرقاد

ميرال =ياو قاتلك تسحقنا قاع كيما رانا

عذراء =اوهههه هادي لوكان زادت جات شوية بكري خير جات روطار ديجا

ميرال =هههاياااا فنيانة قدك مكاش

عذراء =شكرا على المجاملة

نظت غسلت و لبست روبة قري فوق الركبة تاع دار و درت شعري كوتشوفال و هبطت (كونا عايشين فدار 3 ايتاج شمبرتي 1 ايتاج و صالون فريت شوصي )

عمتي (سامية )= صباح الخير لالة هادا وين لوكان زدتي شوية مازال الحال

عذراء =ههه لالا عمتو المرة الجاية جيبيلي سردوك ينوظني نروح نحارب معاك فسوق الفلاح

سامية= شوف ا سيدي طوال لسانك المهم ماجيتش على هادي احمد خويا راك عارف رايحين نقسمو الأرض سما حبيت نفريو كلش اونسيجامي راك عارف عندك غير بنات

عذراء = يا مامي وشبيك مقلقة غيل وينتا خوك الشباب يدي حقنا (هادا عمي علي جاي زعما نية بصح هو حاب غير دراهم و عمتي دايمن تحبو هو كتر و مدابيها غير هو لي يسال و ولادو غير ذكورا واحد قدي منصف و لوخر 11 سنة مؤيد و الثالث قد ميرال محمد )

احمد قحر لعذراء تاع اسكتي

سامية = ايدا همك فدراهم اتزوجي وليد عمك و ديهم