' لحبك رواية '

البارت الاول 1

تنويه القصه حقيقي لكن فقط تم تغيير الاسماء ... وباللغه العاميه

---------------
------
---

السلام عليكم اسمي ايلاف عمري 13 سنه
عيوني ملونه واني بيضه وشعري طويل وشكلي وجسمي مو مال 13 مال 19 سنه وهيج واكثر وادرس بالاول متوسط وشاطره ووحيده اهلي احب بابا كلش هواي اكثر من ماما لان مو دائما اشوف ماما لان عدها شغل تشتغل بدائره حكوميه صح بابا مهندس زراعي بس دائما متواجد وياي ويسندني ويعلمني ومشجعني علئ الدراسه طبعا اهل بابا شيوخ الي همه عمامي واهل ماما لا ناس كاضينها دراسه وهجره فمنعرفهم ولا رايحين الهم هواي بس حتئ اهل بايا ولا رايحين جدو ابو بابا شيخ وعنده اولاد ما شاءلله هواي واذا يروح بس بابا يروحلهم اني اخاف ما اروح ..

عندي صديقات ثنين
نرجس
وياسمين
بنفس الصف وياي وهم بنفس منطقتي صداقتنه بدت من صف الرابع لليوم ..
......
ام ايلاف: ماما ايلاف كومي حبيبتي كومي راح تتاخرين علئ دوامج
ايلاف: همم بيش الساعه ماما
ام ايلاف: ماما هسه ب 7:00. راح تتاخرين
ايلاف: :ماما مثلا ابيع كيمرر للمديره شسوي رايحه بعد وقت شو بس اعطس اوصل للمدرسه مو قريبه علينه هئ هئ راحت نومتي
ام ايلاف: يا حبيبتي مو راح اروح للدوام جا منو يكعدج وابوج عباس طلع للشغل
ايلاف: يي ماما روحي هياتني كعدت
ام ايلاف ; تريكي واني راح اوصي ابو حسن يدير باله علئ البيت راح اروح حبيبتي
ايلاف: راحت ماما وكمت غسلت وبدلت واتريكت واشوي واندك الباب طلعت اجوني نرجس وياسمين
نرجس: صباحووو ام عيون
ياسمين: صباح العسل يا عسل
ايلاف: احمم هلا صباح الورد علئ صديقاتي الحلوات يله نروح بسرعه
نرجس: شاطره مو بيدج
ياسمين: لا تستعجلن هاي المدرسه باعولها قريبه ترئ شبيكم
ايلاف: لج اليوم ام الاحياء توزع الاوراق مالت الامتحان ومتشوقه اعرف شكد درجتي
نرجس: اممم اني متاكده ايلاف تاخذين 14 من 15 وياسمين 13 واني 15 من 15
ايلاف: لا بالله ليش عيني بس انت الشاطره
ياسمين: نشوفج ست نرجس
ايلاف: نشوف ... ودخلنه للمدرسه طبعا احنه كاعدين بالبدايه اني ونرجس وياسمين ورانه كاعده دخلت ام الاحياء واول وحده نرجس ههههه طلعت ماخذه 12 من 15 بس عاد صارت نارر ما تنوصف
ياسمين: هاا نرجس خل اشوف ابداعج
نرجس: حسدتوني
ياسمين: يي للاسف
ست وسن: ايلاف عباس احسنت ماما درجه كامله بارك الله بيج ماما
ايلاف: شكرا ست يي يالله راح افرح بابا
نرجس:  انننن راح افرح بابا
ياسمين: اهوو طنكرت ست نرجس عفيا فوفه جبتيها والله
ايلاف: يي والله تعبت واني اقره ومن يتعب يلعب
نرجس: عفياا ايلاف
ايلاف: يله تعوضينها والله بس شدي حيلج
ياسمين،: اني اخذت 14
ايلاف: عفياا
نرجس: بخت
ياسمين: لا فدوه لا تحسديني اهلي منتضرينها مني عاد افرحهم
نرجس: امزح والله امزح غير احبكم واني مو 12 ماخذه بخخخ
ايلاف: شكد ولج
نرجس:  اخذت 14
ياسمين: جا ليش تجذبين ولج تطردين عيون
نرجس / ايلاف: هههههههه
ست وسن: ايلاف نرجس ياسمين فاتحين كهوه ??
نرجس: لعفوو ست
ست وسن: اخر مره المره لاخ اطردكم من الدرس
ايلاف: حاضر ست.

خلص الدوام ودروس ورجعت للبيت شفت سياره بابا بالباب رحت ركض دخلت لكيته يصلي اني هم بدلت وغسلت توضيت هم وصليت ونزلت لكيت ام حسن طابخه طبعا احنه عدنه ام حسن مريه حبابه تجي تنضف وتطبخ النه والها راتب وما تتعب لان البيت نضيف اربع وعشرين ساعه سلمت عليها مثل امي وكلما اجي اشتريلها كرزات لان تحبهم وانطيها الها ورحت لبابا
عباس: هلا هلا ببنتي الحلوه
ايلاف: طالعه عليك والله ااوف شكد مشتاقتلك
عباس: بشريني يروح بابا بالمدرسه شلونج
ايلاف ;كلش زينه وماخذه علامه كامله بفضل الله ثم انت
عباس ; عفيا بالبطله ايلاف
ايلاف: بابا جوعان
عباس:يي بابا كلش
ايلاف: هسه حصبل الاكل
ام ايلاف: السلام عليكم ..

.........
يتبععع

.........

مرحبا حبايبي لا تنيون 🌟
والتعليق واكون ممنونه
♥️🌹♥️🌹