💕أنت قلبي٢💕

الحلقة ٥

#انت_قلبي٢
#بوسى_مصطفى

     ___الحلقة الخامسة___

رجعت فريدة لرحمه مرة تانية وكان عندها فضول تعرف مين هو العريس المنتظر دا
هي شاكه إنه ممكن يكون...
فريدة : رحمه
رحمه : نعم
فريدة : هو العريس اللي تقصديه دا دكتور مصطفى
منيرة : مصطفي مين يابنتي وعرفتي ازاي
رحمه : اصل فريدة شافته ياماما
اكيد اخدتي بالك يافريدة
فريدة : ايوه هو يعني ولا ايه
رحمه : اه هو دكتور مصطفى
فريدة : بس دا لسه شاب صغير يارحمه
رحمه : اه عنده سته وعشرين سنه
منيرة : ايه سته وعشرين سنه ايه يابنتي
يعني أصغر منك بعشر سنين
رحمه : وفيها ايه ياماما
مش احسن م يبقى اكبر مني بعشر سنين
ونظرت لفريدة
منيرة : ايوه لما يبقى اكبر منك هيكون كون نفسه طب حتى خدي واحد اصغر منك بسنه ولا اتنين إنما عشر سنين حته واحده
رحمه : يكون نفسه ايه بس ياماما
دا دكتور جراح وكمان لسه بيكمل دراسته واشتغل كده في المستشفى مع كريم علشان يعني يزاول المهنه بتاعته
بس انا ناويه اعمله مستشفى كبيره وتبقى بتاعته مش شريك فيها
وهنكبر مع بعض
هو إنسان متحضر جدا وقالي حياتك هتفضل زي ما هي شغلك وبيتك واولادك يعني مش هيقعدني في البيت اربيله العيال وهو يكبر وينجح ويتشهر ويبقى معروف للناس كلها وانا ابقى مختفيه ورا الكواليس محدش حتى يفتكر اسمي
طبعا كل الكلام دا كان موجه لفريدة من تحت لتحت
فريدة : مبروك يارحمه
رحمه : عقبال أولادك يافريدة
فريدة : وعقبال أولادك انتي كمان
رحمه : في حياتك ياحبيبتي
فتحت فريدة باب الشقة ونزلت
وهي ندمانه إنها سألتها ع العريس علشان مكانتش حابه تسمع منها الكلمتين اللي لمحت بيهم ليها

منيرة : ميصحش اللي قولتيه لاختك ده
رحمه : قولتلها ايه
هو انا وجهت ليها كلام ولو اخدت الكلام ع نفسها بقى فهي حره انا مالي
منيرة : كريم ابن عمك دا لو مكانتش اختك اتجوزته كانت هتندم طول عمرها
رحمه : ليه يعني من قلة الرجاله
منيرة : اه علشان هو مش زي أي راجل
رحمه : ياسلام ياماما
ليه يعني
منيرة : انا عايشه معاهم وشايفه كل حاجه بنفسي
هو اه مشغول دايماً في المستشفى والعيادة ومبيطلش مذاكرة ولا سفر من هنا لهنا
بس راجل يشرف وبيعمل كل دا علشان ينفع غيره
وهتلاقي الخير اللي بيعمله دا في أولاده وبيته
ومراعي اختك وشايلها جوه عنيه
رحمه : مش لما تشوفه الأول
هو انا مش عايشه معاكم هنا وعارفه حياتهم ماشيه ازاي
منيرة : هي راضيه ومبسوطه بحياتها كده انتي بقى تقوللها الكلمتين اللي ملهمش لازمه دول ليه
وبعدين انتي مش بتقولي عريس الغفله دا دكتور يعني الحال من بعضه
الفرق إن كريم كون نفسه وبعد كده اتجوز
رحمه : اه لما عدا التلاتين
منيرة : وماله يابنتي كام م عدي التلاتين بس كان عنده شقة وعيادة وشغال في أكبر مستشفيات البلد وناس كتير كانت بتعمله حساب وقتها واخد اخته وسافروا وعيشها احلى عيشه هناك ولما رجع ساب شقته اللي أجمل وأوسع من اللي فوق دي وجه يقعد جنب ابوه وأمه
وعمره م تكبر على حد بالعكس بيخدم الكبير والصغير
انتي بقى اللى هيجي دا عنده ايه
ولا هتسكنوا في شقتك القديمه
رحمه : وفيها ايه يعني ياماما لما أقف جنبه لحد بنات الأصول بتعمل كده
منيرة : طيب بس ولو سابك بعد م تساعديه ويوقف على رجله
هيبقى ايه الحل وقتها
رحمه : مصطفي راجل وابن أصول وبعدين هو مش فقير للدرجادي يعني
ومطلبش مساعدة انا اللي ناويه اعمل كده واختصر عليه الطريق
منيرة : اللي بيجي بالساهل بيروح بالساهل يابنتي
وبعدين دي فلوس ولادك
رحمه : لما اموت تبقى بتاعتهم ياماما
منيرة : بعيد الشر عليكي يابنتي
بس دي في الأساس فلوس ابوهم
رحمه : وانا اللي اشتغلت وكبرتها
وبعدين مش كفايه اللي عمله فيه وسنين عمري اللي راحت هدر دي ملهاش حساب كده
منيرة : م انا بساعدك في تربيتهم اهم وانتي في شغلك
رحمه : شغلي!
شوفتي حضرتك اللي بتقولي اهو يعني انا اللي تعبت وعملت كل ده
ايه متستحقش حتى نصهم
منيرة : خايفه عليكي يارحمه
رحمه : لا متقلقيش عليه دا انا محاميه يعني اوديه البحر وارجعه عطشان كل جنيه هدفعه حقي فيه محفوظ
منيرة : طيب يابنتي استنى شويه اوعي تقولي لحازم ولا عمك أكرم الكلام دا دلوقت علشان ولادك عمك يابنتي
رحمه : انا اعرف الأصول كويس اوي ياماما
__________