و ليث يوم عن يوم ايحبني اكثر
احدا هذا اليوم الي مضل ذره حب بكلبه تجاهي
جنه كاعدين وهم رفيف يم أهلها من رجعت جانت كلش حبابه ابد مشايفه رفيف هيج غير بالخطوبه 😂😂
فرغ لبيت بس اني وياهه والجهال اني بالمطبخ شفتها دخلت غرفتي وطلعت و بيدها رداد تلاعبه جان الموضوع عادي ومهتميت
و ثاني يوم رفيف و غيث سأفرو للشمال اني و ليث بالبيت كاعدين نسوالف بالغرفه سمعنا صوت تلفون يرن ستغربت ليث تلفونه بيده واني تلفوني ؏ شحن ضلينه ندور لكيته بين ملابسي فصل الخط و
ليث صفن بوجهي كال هذا مال منو
ماريا:والله ما اعرف انـہٰي هذا فوني
ليث : بس هذا بغرفتچ وبين ملابسچ
فتح و ضل يكلب بي ما اعرف شنو شاف وكام عليه يضربني ب خبال ويصيح منو هذا جنت احلف واكوله ِوالله ما اعرفه ما اعرف عن شنو تحجي رجع رن التلفون حجه وي شخص و قفل لباب اخذ تلفونات و طلع واني ضليت الوب ما اعرف شنو صار
رجع ساعه 3 بليل فات الغرفه سحلني من شعري وً طلعني للصاله وبده يحچي و هو مخنوك
ليث : ليش تسوين هيج ليش تخونيني عفت الدنيا علمودچ تخاربت وي صديق عمري حتى اخذچ عفت اهلي و عفت كلشي حتى ترتاحين تالي اجازيني بالخيانه ليش ليش
ماريا؛ ليث والله مو تلفوني والله ما اعرف منو حطه والله انـہٰي مو بعيني اي رجال غيرك والله انت كل حياتي انـہٰي مو مخبله حتى اخونك
ليث: انتِ طالك بعد ما اريدچ تضلين هنا علمود جهال خدامه
لزمني من شعري وهو يكول خدامه انتِ هنا خدامه
حاولت اتفاهم ويه بس عبس قافل تخبلت منو الي حط تلفون و ليش انـہٰي ما ضريت احد من يوم الي زوجت كاعده و ساكته لا طلعه ولا طبه
ليث نام بالغرفه واني بالصاله انـہٰي و جهال مرت الايام و هو ما يقبل يحجي وياي وما يفوت البيت غير تالي الليل سبوع ورجع غيث و مرته ليث نبهني ما اكول الاحد غيث عرف اكو شي سئلني و كتله كلشي ماكو ضلينه كم يوم انام بنفس الغرفه انام ؏ جربايه هو ؏ كاع حسيت رفيف تعرف لان دائما تسمعني حجي بس ما اهتم الي بيه كافيني
بارت قصير جدًا اعرف بـٌس ماكو تشجيع مالي واهس اكتب حتى اذا شفت هنا تفاعل اكمل واذا ماكو تفاعل بارت الجاي اختم
أنت تقرأ
الاذن تعشق قبل العين احياناً
ChickLitبتلك الدقيقه الأولى التي سمعت فيها صوتك شعرت أنني سأغرق بك دون نجاة، وفعلاً حدث.
