#انتقام_العسل

الفصل الخامس

#انتقام_العسل
#حكايات_ياسو_و_ساسو

(اللهم عالم الغيب والشهادة فاطر السموات والأرض، رب كل شيء ومليكه، أشهد أن لا إله إلا أنت، أعوذ بك من شر نفسي، ومن شر الشيطان وشركه، وأن أقترف على  نفسي سوءا، أو أجره إلى مسلم)


اعتذار رسمى نظمى فهمى على التأخير.  ايوة رعد جابلى برد (حلوة يا ام ياسيين). الحمد لله الظاهر حد دعى عليا بضمير. الحيوب الانفية ملتهبة و انا سخنة مولعة و عنيا بتدمع لوحدها و صوتى مش طالع. كل دة ليه علشان دافعت عن رعد.
و هدافع عنه لانى احبه واااايد احبه والله. كلش احبه.
و نشوف بقى زفت الطين حسام دة اخرتها معاه ايه

وقفنا المرة اللى فاتت عند


ديالا: نفسى اعرف انت ازاى اقنعت امك انك متجوز اتنين و ازاى وافقت اساسا
حسام بندم: انا هحكيلكم
شهد: احكى
حسام:.......
و سكتت شهرزاد عن الكلام المباح اما تيلفون ديالا رن

نشوف بقى حلقتنا فيها ايه و بعتذر عن تأخيرى دة بس مع البرد قلت اسيبكم تركزوا ع رعدود الرعاديد رعدودى.

الحلقة الخامسة
☆☆☆في الحب تخلص المرأة لعجزها عن الخيانة أما الرجل فيخلص لأنه تعب من الخيانة☆☆☆

خرجت ديالا سريعا ترد على مكالمتها و المتصل كان مصطفى الظابط ابن عم ديالا ( فى اتنين مصطفى واحد صاحب حسام اللى متجوز قريبة شهد ووالتانى مصطفى ابن عم ديالا. نركز كدة علشان الجو برد و ممكن يجيلنا برد من عدم التركيز).
ديالا: ايوة يا مصطفى
مصطفى باسف: ديالا
ديالا تغيرت من نبرة صوته للقلق: ايه يا مصطفى
مصطفى: انا دورت و فتشت كويس ورا حسام و مش لاقى الفلوس حساباته فى البنك كلها اتصفت من شهر و نص و ومفيش حد من اهله له حساب فى اى بنك فيه المبلغ اللى بتقوله عليه ولا..
ديالا قاطعته: طب مفيش شقق مفيش فلل مفيش حساب له برا مصر
مصطفى بيأس: مفيش
ديالا: يعنى انت عاوز تفهمنى انه ١٣ مليون جنيه طاروا؟ طب ابو شهد اللى بين الحيا و الموت. طب و فلوسى و فلوسها.
مصطفى: بصى هو فيه حل واحد
ديالا: ايه غير انى اقتله
مصطفى: اهدى يا ديالا الموضوع دة عاوزك انتى و شهد.
ديالا: يعنى ايه؟ هنعمل ايه؟ ماحنا مكتفينه جوة اهو و مستنين يقول زى مانت ما قلت لحد ما تيجى سيرة الفلوس
مصطفى: لا الظاهر انى كنت غلطان ممكنش متوصلوش لحل معاه كل أقواله فى التسجيلات اللى بعتهالى و ريأكشانته بعد ما فسرناها اه صادق بس من الاخر بيحور علينا يا ديالا
ديالا: يعنى نعمل ايه؟
مصطفى: الحل انكم تعيشوا معاه.
ديالا بقرف: نعععععم
مصطفى: فى ايه يا ديالا دة جوزكم انتو الاتنين تعيشوا معاه و يفضل تحت مراقبتكم و مراقبتى و نشوف تحركاته اكيد المبلغ دة كله شايله فى مكان و اما هيخرج من عندكم هيروح يدور عليه
ديالا: انت اهبل؟ يعنى هو هيصدق ازاى اننا نعيش معاه و احنا اصلا خاطفينه
مصطفى بغضب: والله انتى اللى هبلة يا ديالا. انا من التسجيلات شفته بيقول فرصة تانية و و و استغلوا التقطة دى يا بنت عمى
ديالا: وازاى هنقدر نبص فى وشه اصلا
مصطفى : مثله يا ديالا كأنكم جواسيس فى اسرائيل عيشوا حياتكم عادى و انتو معاه دة جوزك انتى و هى فى ايه مفيش طريق علشان توصلوا للفلوس الا دة و خدى بالك ان شهد ماضية على عقد تنازل للمزرعة و لازم نلاقيه و انتى كاتبة عقد بيع و شرا للفيلا بتاعة العجمى و برضو مختفى و هو حويط اوى و مش لاقيين اى حاجة من دول يا انا كدة يا انا تستعوضوا ربنا على فلوسكم.
ديالا دمعت بس تمالكت اعصابها: طب طب افرض طب افرض...
مصطفى قاطعها: لو حصل بينك و بينه حاجة و لا بينه و بين
و تألم و هو بيقولها: بينه و بين يعنى شهد انتو اصلا مراتته و دة
كمل بتلعثم: و دة و دة يعنى انتى فاهمة حلال يا ديالا بس اى طريقة توصلكم للعقود و للفلوس.
ديالا: فهمت يا مصطفى
مصطفى: من الاخر اذا كان هو حويط انتو تقدروا توقعوه . يعنى ان كيدكن عظيم.
ديالا ابتسم ربع ابتسامة  و اتنهدت : طب هقفل و اروح اتفق مع شهد
مصطفى بتلعثم: هى كويسة؟
ديالا: هو انت حاسس بحاجة ناحية شهد
مصطفى : لا لا حاسس بايه لا بس اصل يع.. هى صعبت عليا
ديالا: ههههه ماشى يا ابن عمى
مصطفى: خلو بالكم من نفسكم
ديالا: سلام
قفلت التيلفون و اتنهدت و زفرت فى حنق: طب هنعمل ايه يا حسام  مخبى الفلوس فين
■■■■■■■■■■■■■■■■■■■■■■■  ■■■
اما فى الداخل عند حسام و شهد
مرت لحظات صمت بينهم وحسام عاوز يستغل تأثيره على شهد فى غياب ديالا.

حسام: شهد
شهد: نعم
حسام: انا مش زعلان منك عارف انى وجعتك
شهد: ولا تزعل مش فارقة
حسام: لا فارقة يا شهد
شهد: صدقنى مش فارقة. انت خونت. مش خونتنى انا و ديالا. انت خنت نفسك يا حسام. ضحكت على نفسك. حقك تعمل كل دة. احنا اللى اتهبلنا عليك. و انت لعبتها صح
حسام: بس انا حبيتكم انتو الاتنين يا شهد كل واحدة فيكم كانت بتدينى حب بطريقة مختلفة.
شهد كتمت دموعها و اتكلمت بصوت متحشرج: كيف يا حسام؟ كيف يعنى تحب اتنين سوا يا حسام؟
حسام: هو دة اللى حصل يا شهد. انتى لسة صغيرة و لسة مش مستوعبة انه الراجل ممكن يحب كذا واحدة مع بعض
شهد: لا والله. اسكت مش انا كبرت و عرفت و شفت.
حسام: و شوفى انى بحبك و انك ليكى حاجة مختلفة فى قلبى .
شهد: و ديالا؟
حسام: بحبها برضو انتو الاتنين بتكملوا اللى الراجل بيحتاجه انتو الاتنين....
شهد: فاهمة يا حسام و عارفة عاوز ايه
حسام: فرصة تانية
شهد: اما تكمل و هنشوف يا حسام
حسام: بس...

دخلت ديالا: و الله يا خسام انت مبتضيعش وقت.
حسام: ديالا
ديالا: نعم
حسام: خلاص بقى
ديالا: قلتلى مامتك ملهاش ذنب
حسام: اه
ديالا: ازاى
حسام: انا بعد ما اخدتها و اتقدمت لشهد و اتخطبنا سافرتلك اسك.....
ديالا: و خطبتنى و اقنعتنى انها مسافرة و المصيبة انها قابلتنى و كانت بترحب بيا على مدار العشر شهور من ساعة ما اتجوزنا. و الاعجب انك بتقول انها راحت معاك تتقدموا لشهد
شهد استرقت مظرات لحسام و بصت لديالا: و كانت بترحب بيا برضو
حسام: انا انا اقنعتها انى اتجوزت ديالا علشان مبتخلفش و صعبت عليا انه انه هتفضلى وحيدة
ديالا عينها دمعت و مقدرتش تمسك نفسها فأجهشت بالبكاء بينما شهد شهقت.
حسام بندم: انا اسف يا ديالا
ديالا: لا قولى كدة بالتفصيل
حسام: بعد ما حددنا انا و انتى ميعاد الفرح و اللى كان قبل فرحى على شهد باسبوعين تلاتة عرفت ماما انى مسافر شغل و بين توضيب بيتى مع شهد و بين الشغل و هكذا و هى اقتنعت
ديالا: و جوز اختك اللى كان فى الفرح و شاهد على عقد الجواز
حسام: رامز بس اللى كان يعرف انى هتجوزكم انتو الاتنين
شهد: نعم
حسام: ايوة. المهم قبل فرحى على شهد روحت لمامت بعد ما انبتنى و كدة و قلتلها انى اتجوزتك يا ديالا. و قلتلها حالتك انك مبتخلفيش و انى حبيتك و هى صدقت علشان هى امى و انى اتجوزت شهد علشان برضو بحبها و هى تقدر تخلفلى و كدة ابقى مزعلتش حد و اما امى شافت ديالا جميلة و طيبة سكتت.
ديالا: لا والله.  انتو عيلة و..
شهد: انت مقرف اوى يا حسام
حسام بزعيق: تقدروا تقولولى اعمل ايه ازاى اقنعكم انى حبيتكم. ازاى المجتمع هيقبل واحد متجوز اتنين و الاتنين عرايس و ميعبهمش عيبة؟
اندهشت شهد: لا بقيت انت الضحية
حسام بعصبية: تقدرى تقوليلى كنتى هتقبلى انى خاطب غيرك و بخرج معاها و انتى كمان
بص لديالا:  كنتى هتقبلى انى بجهز بيتى مع عروسة تانية معاكى
ديالا: ههههههههههههه يا حرااااام انت مسكين خاللص
حسام: قولولى اعمل ايه
ديالا: يعنى انت بتحبنا احنا الاتنين؟
تعجبت شهد من سؤال ديالا
حسام: اه بموت فيكم
ديالا: و عاوز ايه
حسام: نبدأ من جديد
ديالا: انا موافقة
شهد بدهشة و غضب: ايييه ايه اللى بتقوليه يا ديالا
ديالا: هنسيبك شوية تاخد و تدى مع نفسك و هقعد مع شهد شوية نتفق ماهو هتكون ضرتى و انا ضرتها ولازم نتفق
حسام ابتسم بمكر: ماشى يا ديالا
ديالا اومأت لشهد: يلا يا شهد. هنتكلم
■■■■■■■■■■■■■■■■■■   ■■■ ■

شهد: ايه يا ديالا انتى اتجننتى
ديالا: تفتكرى قدامنا حل ايه غير دة و دة رأي مصطفى
شهد بحنق: مش مصطفى دة اللى قلنا نفضل نعطله هنا لحد ما يشوف الفلوس فين
ديالا: شاف و ملقاش حاجة يا شهد لا حسابته ولا حسابات اهله فيها ال سبعة مليون بتوعك ولا ال ٦ مليون بتوعى. هو مخبيهم و رأى مصطفى انه نعيش معاه فترة و نراقبه غير الناس اللى هتراقبه معانا بس قربنا منه فى صالحنا العقود مش لقينها خالص
شهد: يعنى ايه
ديالا: افرضى فيه واحدة تالتة و لا له شريكة تاخد الجمل بما حمل
شهد كشرت وشها:  تالتة؟
ديالا: ورابعة انتى مش فاكرة اما حطينا صورته على جروبات البنات كام بنت قالت انه الاكس بتاعها.
شهد دمعت: اه فاكرة

تعالو احنا نفتكر
من حوالى اربع شهور
عند شهد بعد ما حسام سافربحجة الشغل طبعا

شروق بنت خال شهد اخت شيماء اللى كانت عروسة: انا نفسى اعرف مبتنزليش صورك انتى و جوزك ليع كيف كل البنات
شهد: لا يا ستى حسام لا بيحب النت و ميحبش حد يتدخل فى حياتنا و يشوف حياتنا ازاى
شروق: انتى عبيطة يا بنتى دامتو صوركم كيف الموديلز انتى بعينك الخضرا و لبسك اللى كيف الاتراك دة هو و هو بوسامته ما شاء الله عليكم
شهد بزعل مصطنع: اهو اخاف لنحسد من قرك
شروق: دة شيماء كانت بتنزل صورها من و هى فى الزفة مش زيك انتى
شهد افتكرت انها جت تنزل صورتها هى و خسام و حسام رفض و قالها تمسحها فمحبتش تزعلو ( ركزوا يا بنات و ركزوا يا ستات كدة و متبقوش عبط كيف شهد و ديالا): لا يا ستى حسام يزعل
شروق فتحت موبايلها و ابتسمت بخبث و ماهى الا دقائق و نزلت صورة شهد و حسام على جروب دندشة
و البوست كان

اقبلى يا ادمن
بزمتكم يا بنات مش زى القمر هما الاتنين
باركولهم كتير
الجمال دة من حلاوة صعيد مصر
سموا و كبروا
و الحقت الصورة مع البوست و منشنت لشهد و اكملت البوست:
انى اسف يا بنت عمتى

و ماهى الا دقائق و بدأت الكومنتات
☆ ما شاء الله الله امبر عرسان زى القمر
☆  واحدة منشنت لصاحبتها :شايفة قمر ازاى هما الاتنين
☆ العريس لهطة نوتيلا و العروسة حتة قشطة ماشاء الله
شهد قرت التعليقات و ضحكت: خلاص يا شروق بس متعملش كدة تانى
و بدأت التعليقات تكتر ووكله منبهر من جمال العروسين و كان فيه تعليقات بغزل للعريس لحد

☆ واحدة ممنشنة لواحدة: مش دة جوزك يا ديالا

اتقلب البوست فجأة و كله بقى مهتم و عاوز يعرف فى ايه  اما شهد اول ما شافت التعليق دة عينها دمعت ز قلبها حرقها و رمت التيلفون.
مفيش دقايق ز شروق مسحت البوست قبل ما حد ينقله

اما ديالا كانت بتشتغل فى شركتها و حسام قالها انه نازل القاهرة يتطمن على امه والمرة دى صدق فعلا و كانت مبسوطة و زايطة و طلعت من شنطتها الروج بتاعها اللى بيشيد بيه دايما الاستاذ حسام و فجأة
تن تن
اشعار من موبايلها
فتحت لقت منشن من صحبتها سالى
مش دة جوزك يا ديالا؟
بصت للصطرة تنحت و ارتبكت و الموبايل وقع من ايدها على الارض وطت بسرعة جابته فتحت الصورة تانى و كبرتها عينها احمرت من حبس دموعها و فجأة انفجرت فى البكاء لحد ما لمحت اسم صاحبة البوست و التاج اللى عملاه لشهد لقت نفسها داست على حساب شهد بايادى مرتعشة و دموع فضلت تدور فى الصور مفيش صورة تخص حسام على حسابها اتنهدت براحة و لكن الشك ساورها فتحت الماسنجر و كتبت تلك الرسالة برجفة فى سائر جسدها
( اسم جوزك ايه)

موبايل شهد رن تن تن باشعار رسالة وطت جابته من الارض و لقت اسم البنت ( ديالا) اللى منشنتلها صاحبتها فتحت الرساله
( اسم جوزك ايه)
شهد شهقت و كتبت و هى خايفة: حسام
ديالا لطمت على وشها و قالت لنفسها (لا لا لا مش معقول): حسام ايه؟
شهد بتعيط و من كتر العياط مش عارفة تتنفس و بتشهق. مسكت الموبايل : حسام الدين محمد رمزى
اول ما استلمت الرسالة و شافتها حست ان الدنيا لفت بيها الموبايل وقع تانى بس وقعة اقوى
ديالا: لا لا دة كدب كدب انا هكلم حسام
سكتت شوية: لاااا لااا مش هكلمه لا انا هشوفها يمكن تكون كدابة و متسلطة عليا
مسكت تيلفونها تانى و بعتت رسالة : دة رقمى .......... لو صحيح  جوزك اثبتيلى
شهد مسكت التيلفون و شافت رقمها و اتصلت بيها و اول ما ديالا ما فتحت شهد منطقتش: والله جوزى والله
ديالا مسكت دموعها: انتى كدابة
شهد: انتى اللى كدابة دة جوزى و دى صورتى انا و هى فى شهر العسل انتى مين مسلطك علينا عاوزة كام
ديالا عيطت: انتى متأكدة انه جوزك.
شهد: يعنى ايه متأكدة.
ديالا: طب بيشتغل....؟
شهد قاطعتها: انتى عمالة تسألى انتى مين و جوزك دة اسمه ايه و بيشتغل ايه
ديالا: حسام الدين محمد رمزى مهندس ديكور عنده ٣١ سنة و اخته اسمها رقي.....
شهد شهقت و انفجرت فى البكاء:  هو هو . انتى لو عاوزة توقعى بينى و بينه انا مش هسمحلك
ديالا: هبعتلك صورتنا
بعتتلهأ صورتهم فى الفرح و جنبه جوز اخته رامز اثناء كتب الكتاب
شهد شافت الصورة صوتت ووعيطت و رجعت كلمتها تانى: هو و اللى جنبه جوز اخته
ديالا عيطت بصمت: هتطلقى
شهد سكتت افتكرت عقد تنازل المزرعة اللى مضت عليه: مستحيل يطلقنى
ديالا كمان افتكرت عقد الفيلا و الملايين اللى سحبها: هو اخد منك فلوس؟
شهد ببكاء: سبعة مليون و مزرعتى اللى ورثتها من امى
ديالا: يعنى هو بيشتغل نصاب. اخد منى فيلا و ستة مليون.
شهد:طب هنعمل ايه انا مينفعش اتطلق منه بابا يروح فيها
ديالا: مش هنتطلق منه دلوقت بس لازم نتقابل.


نهاية الفلاش باك




شهد بصت لديالا: طب هنعمل ايه بجد
ديالا: هنستخدم انوثتنا ضده هنخليه يخس انهوهارون الرشيد لحد ما نعرف فلوسنا فين
مسحت دموعها: حاضر
ديالا ضمتها: انتى طيبة اوى يا شهد بطلى طيبتك دى و طاعتك دى اى حد يقولك حاجة تقولى حاضر
شهد: يعنى اعمل ايه يا ديالا اولع فى نفسى
ديالا: لا خليكى اقوى من كدة انا معاكى

بصوا على حسام من الشاشات و هو قاعد ساكت
■■■■■■■■■■■■■■■■■    ■■■■ ■

اما حسام سرح فى ملكوت تانى لم يعلم احد به


فلاش باك بعد ما اتجوز ديالا باسبوعين و قبل فرحه بليلة واحدة على شهد
رامز: انت مستعجل  على الجوازة التانية كدة ليه يا حسام نفسى اعرف اللى فى دماغك و ايه اللى انت هببته دة امك و اختك بيصوتوا و انا ماشى معاك زى الاطرش فى الزفة
حسام: انت عارف كويس انا بعمل كدة ليه
رامز: يعنى واحدة بس مكنتش هتريحك ماديا و معنويا
حسام: الاتنين بحسهم انهم بيكملوا بعض. يعنى لو اتجوزت شهد كمان لا هينقصنى مال ولا جمال ولا اى حاجة الاتنين اغنيا و دة نمبر وان علشان اقب على وش الدنيا زى مانا عاوز بس الاتنين قمرات يحلوا من على حبل المشنقة ديالا شقية شقاوة مش على حد و شهد بريئة براءة مش على اى ست فى الدنيا
رامز: خلاص يا عم عينك بتطلع قلوب
حسام بتهريج: و فلوس
رامز: صحيح انت جبت فلوس الجوازتين دول منين
حسام: انت مفكرنى مأشفر يلا انا شغلى بيكسب كويس
رامز: و دة مش كويس احمد ربنا
حسام: كويس و الحمد لله بس ميضرش انى اكبر و ابقى اغنى من كدة يعنى شركات ديكور على اعلى مستوى. و مكاتب باسمى كمان. يعنى فلل و عربيات
رامز: و ستات برضو
حسام: معتقدتش الاتنين دول عكس بعض فمش همل منهم و بعدين ...
رامز: ايه حبيتهم
حسام: ليه لا
رامز: هو فيه حد بيحب اتنين
حسام بهزار: انا يا اخى
رامز: برضو مش فاهم ليه مستعجل كدة
حسام: لو قسيمة جواز ديالا طلعت ممكن يجيلها خبر انى كتبت كتابى على شهد و بعدين حلاوتها فى حموتها و بعدين لازم ارفق حالتى الاجتماعية فى قسيمة جواز  شهد

(من الناحية القانونية: فقد نصت المادة 11 مكرر( مضافة) إلى القانون 25 لسنة 1929 الخاص ببعض أحكام الأحوال الشخصية: على الزوج أن يُقر فى وثيقة الزواج بحالته الاجتماعية، فإذا كان متزوجًا فعليه أن يُبين فى الإقرار اسم الزوجة أو الزوجات اللاتى فى عصمته ومحال إقامتهن، وعلى الموثِّق إخطارهن بالزواج الجديد بكتاب محل مقرون بعلم الوصول")

رامز: اه يا ابن اللعيبة.
حسام: اتلم يلا و انت خلى ماما تحن عليا
رامز: مش هتفرق يا عم انت كل اسبوعين بتدخل على عروسة
حسام: قر بقى و خلى عينك ترشق فى ام الدخلة

■■■■■■■■■■■■■■■   ■■■■■■■


اما شهد و ديالا اتفقا على وضعهم الجديد متجهين لذلك الحسام

هل هينجحوا انهم يردوا فلوسهم؟ و حسام ودى الفلوس فين؟





اللى عاوزنى اكمل بأمانة يقولى بحبك يا شيماء خمس مرات
انا بقيت اهلوس يا جماعة
رأيكم يهمنى
متنسوش
بحبك يا شيماء بصوت عالى