Ang League of Angels ay samahan ng mga bayaning tinangkilik natin noong mga nakakaraang taon. At ngayong 2020 ay malugod kong binubuksan ang kanilang pahina upang lumipad at harapin ang mga bagong pag subok na parating sa kanilang tadhana. Muli nat...
Oops! Ang larawang ito ay hindi sumusunod sa aming mga alituntunin sa nilalaman. Upang magpatuloy sa pag-publish, subukan itong alisin o mag-upload ng bago.
PAUNAWA:
"Hindi lang ikaw ang manunulat sa mundo. Ang ano mang pagkakahawig ng tauhan, lugar at pangyayari sa totoong buhay ay hindi sinasadya ng manunulat. Ang mga nilalaman ng akdang ito ay pawang kathang- isip lamang. Kung hindi mo gusto ang iyong binabasa maaari mong lisanin ang pahinang ito. Maraming salamat po."
Ang Tadhana ni Narding 3
League Of Angels
Season 4
AiTenshi
Feb 13, 2020
"Iyan rin ang naisip ko. Oo nga't magiging abnormal ang tidal waves pero madali itong masusulusyunan dahil meron tayong Irano. Ano? Pupunta tayo sa buwan upang harapin si Alpha at tapusin siya!" ang wika ni Nai.
"San ayon ako." sagot ni Ace. "Ikaw kuya Narding?"
"Kung saan kayo ay doon kami ni Bart." sagot ko habang nakatingin kay Bart at pinisil ko pa ang kanyang kamay.
Tumingin sa siya akin at tumango. "Sang ayon rin ako." seryoso niyang sagot.
Part 100: Natatanging Alyansa
"Pasensiya na, nais ko munang sabihin na hindi ako tumututol sa inyong plano, ngunit ang pag punta niyong lahat sa buwan ay hindi makabubuti sa ating planeta. Bakit? UNA, dahil mawawalan ng lakas ang Earth. Sino ang tutulong sa amin sa digmaan? IKALAWA, kailangan namin ng dalawa o tatlong tao na malakas para sugpuin ang batalyon. Ang layunin natin ay mapanatiling buo ang Earth at may posibilidad na masira ito kung lahat kayong may kakayahan ay aakyat sa buwan. Ang aking suhestiyon ay maaaring umakyat sa Buwan sina Narding, Irano, Ace, Nai at Jorel, kayo ang humarap kay Xeno Alpha. Sina Bart, Cyan, Juho at iba pa ay mabuting maiwan upang ipag tanggol ang ating lupain." ang wika ni Gun Duran.
"Eh bakit maiiwan si Kuya Bart? Nasa kanyang ang binhi ng isang Diyos. Malaking tulong siya para mabagsak si Alpha." ang wika ni Nai.
"Paano kung sa isang daang libong hukbo na parating dito ay mayroong dalawa o tatlong nilalang ka lebel nina Enki, Isayas o ni Gamal? Sino ang haharap sa kanila? Ito ay aking suhestiyon lamang. Ang sa akin lang ay mas kailangan si Bart dito." sagot ni Gun
"Iyon rin ang naisip ko." ang pag suporta ni Sam.
Natahimik kami..
"Tama sila, sa libong kalaban na parating ay hindi natin alam kung may nag tataglay doon ng malakas na sagradong sandata. Mas makabubuting maiwan ako at siguraduhing mayroon kayong tahanang mauuwian." ang sagot ni Bart at mas lalong humigpit ang pag hawak niya sa aking kamay.
"Kung iyan ang plano ay sang ayon ako." ang sagot ko.
At iyon ang set up, kaming lima nina Ace, Nai, Jorel at Irano ang lilipad sa base ni Alpha at sina Bart ay maiiwan dito kasama ng mga hukbong sandatahan ng planeta. Ang totoo ay gusto kong makasama si Bart dahil alam kong malaking tulong siya ngunit kinakailangan ay balanse ang lahat dahil alin man sa labanang ito ay dapat maipanalo namin.
