💕أنت قلبي٢💕

الحلقة ٦

#انت_قلبي٢
#بوسي_مصطفي

  _______الحلقة السادسة____

نادين : دعيالك ياسيف ياابني من قلبي.. بس لما اموت ابقى افتكرني انت بدعوة حلوة كده من قلبك
سيف : بعيد الشر عليكي ياماما
نادين : هههههههه وانا هفضل عايشه يعني
ضحكتني ياسيف..
ياترى هجوزك واشوف عيالك
سيف : وعيال عيال عيالي كمان
نادين : طب يلا علشان ألحق اعمل الغدا باباك زمانه راجع من المدرسة
سيف : يلا بينا
_________

في المستشفى
كريم : بس انا عرفت انك كنت هنا يادكتور مصطفى
مصطفى : هو فعلا انا كنت هنا الصبح يادكتور كريم بس استأذنت وخرجت
هو في حاجه حضرتك
كريم : دكتور مصطفى حياتك الشخصيه انا مليش علاقة بيها
بس لما تخص حد من دمي فلازم اتكلم واسأل ولا ايه
مصطفى بارتباك : مش فاهم يادكتور تقصد ايه
كريم : اقصد رحمه بنت عمي
مصطفى : الأستاذة رحمة؟؟
مالها يادكتور
كريم : حضرتك اكيد عارف انا اقصد ايه كويس اوي
مصطفى : الأستاذة رحمة جات هنا المستشفى فعلاً بس انا بالصدفه كنت خارج وقتها لاقيتها راكنه عربيتها قصاد المستشفى فعرضت عليه توصلني لإن عربيتي عطلانه
هو دا كل الموضوع
كريم : تمام.. وانا مكونتش عايز غير توضيح فقط
رغم اعتراضي ع الموقف لكن دا شيء بيني وبينها
اتفضل حضرتك شوف شغلك
مصطفى : اوكيه بعد اذن حضرتك
يخبط دكتور مصطفى في دكتور فؤاد وهو خارج
مصطفى : اسف يادكتور م اخدتش بالي
فؤاد : عادي ولا يهمك
تركه مصطفى وخرج
كريم : في حاجه يادكتور فؤاد
فؤاد : المريضه اللي في غرفة تلتوميه وتسعه كانت عايزة حضرتك
كريم : فاقت من البنج؟؟
فؤاد : فاقت بس عرفت اللي حصل ومن وقتها مبطلتش عياط وبتسأل عن حضرتك
كريم : طيب انا جاي
خرج دكتور فؤاد
وكريم بيتصل يطمن على فريدة 📞
فريدة : انا كويسه ياكريم... الحمد لله
كريم : اخدتي الدوا واكلتي كويس ولا زي كل يوم
فريدة : لا اكلت واخدت الدوا
انت هتتأخر
كريم : لا نص ساعة وجاي بس عندي شغل في العيادة الليلة م انتي عارفه النهاردة الخميس
فريدة : عارفه خميس وجمعه العيادة شغاله للفجر
كريم : زعلانه
فريدة : لا ياحبيبي محدش يزعل من عمل الخير
بس نفسي في ساعة واحده بس في يومك انا والولاد
كريم : حاضر ياحبيبتي اهم حاجه تاخدي بالك من صحتك
فريدة : حاضر ياكريم
كريم : سلام ياحبيبتي
فريدة : هتقفل؟؟
كريم : عايزة حاجه؟؟
فريدة : لأ سلامتك
كريم : سلام ياروحي
فريدة : روحك اوي
كريم : مليش غيرك يافريدة م انتي عارفه هيكون عندي روح غيرك يعني
فريدة : لأ م انا من الناحية دي متأكدة. علشان انت اصلا معندكش وقت للبيت علشان يبقى في غيره ياحبيبي
كريم : خلاص بقى هحاول اظبط وقتي م انتي عارفه اليومين دول عدوا عليه ازاي
فريدة : لا ياكريم انا مقصدش حاجه
بس بغلس عليك من نفسي يااخي
كريم : طيب غلستي ولا لسه
فريدة : اه خلاص
كريم : طب اشوف شغلي بقى ولا ايه
فريدة : اتفضل ياحبيبي مع السلامة.
_________________