الابن ١: حجي رايدك بسالف
الاب ٢: كول شكد رايد
١ : لا يابه مو شغله فلوس
٢ : لعد؟
١: بس يعني مدام انته كلتها ف اريد افلوس انطيني
٢: ما عندي
١: لعد ليش كلت؟
٢: هيج احب اشوف نضره الاحباط ع وجهك
١: اشكرك
٢: لا كول .. شتريد؟ بيره؟ كرستال؟ شكو بيها!!
١: عندك كرستال!!؟
٢: لا بس هم اريد
١: لعد اني الي راح اجيبلك
٢: احجي ؟ شرايد ؟ نسوان ؟ اجيبلك عادي .. احجي لا تعبني
١: وين تعبتك هو اني شحجيت يابه
٢: لا مو انته تعرف كلما اجيب طاري النسوان اني اتعب من يوم ما ماتت امك واني على هالحال
١: اسم الله ... امي جوه بالمطبخ يابه شالسالفه
٢: لا.. اني معتبرها ميته من ٢٢ سنه
١: المهم يابه اني اريد اتزوج
٢: ليش منو جبرك
١: شنو منو جبرني يابه .. الا انجبر؟؟ احب وحده
٢: عادي اني هم جنت احب امك وهسه شوف اني وين وهيه وين
١: وين يعني ؟؟ هاي هيه بالمطبخ وانته بالصاله
٢: هذا هو المقصد .. اول ما تشوف المره تخلص وقتها بالمطبخ والرجال بالصاله يتابع .. فاعرف انو العلاقه انهارت
١: مو كل اصابعك سوه يابه
٢: لا كلهن سوه ( كام وكف شوفه اصابعه شلون اتساوت) انته هسه متخيل لو تزوجت من تدخل للمطبخ تساعد مرتك بالزلاطه وكل شويه تبوسها لو تحضنها من وره مو؟؟ لا غلطان
١: زين عوف الحب .. اريد اتزوج اريد اكون اسره و يصيرون عندي جهال
٢: جهال مثلك يعني ؟
١: ليش شبيه ؟
٢: انتي كلي شبيك؟
١: فهمتك لا تكعد تبسمر... لا اني رح اربي جهالي
٢: اي يعني رح تتعب اكثر مني.. وبالاخير شتستفاد ؟
١: يوكفون وياي من اكبر
٢: هااا.. وانته هسه واكف وياي ؟؟ اشو حتى من الفيس حاضرني يا قندره
١: يابه انته تعليقاتك غريبه ومنشوراتك انقرضت اصلا
٢: بالضبط همه جهالك راح يشوفنك طراز قديم وما مواكب افكارهم ويعيبون عليك
١: زين اتزوج علمود استقر
٢: شوف ابني ... طوبه يلعبون بيها جهال وطاحت بنص الخيس ومحد طلعها استقرت ومحد حركها ... هذا هم استقرار .. بس استقرار بنص الخره .. انته هيج تريد ...
١: ولا يستقر لقمان الحكيم
٢: انجب
١: يابه اني تعبت .. اريد بنيه بحياتي اريد جنس لطيف
٢: وره الزواج رح يروح الجنس رح يبقه بس لطيف .. اللطافه كلها رح تروح لحد ما تضل تحس بشواربها من تبوسها
١: عادي .. اني هم وره الزواج رح يطلعلي كرش واصير اصلع وهيه راضيه
٢: وره شنو ؟
١: وره ما اتزوج
٢ : عفيه وفرت عليه الشرح ! شفت شراح يصير بيك وره ما تتزوج
١: زين شأسوي اني شاب ومحتاج بنيه افهمني
٢: ميخالف هاك هذا رقم ام سحر خابرها وكلها ابوي ما فادني
١: منو هاي ؟
٢: صاحبتي من ايام قبل
١: مو جبيره عليه؟
٢: لك مطي كلتلك ام و سحر اثنين .. سحر مو مثلك انته عاق هيه تساعد امها
١: ماشي.. الله يحفضك اليه يابه
٢ : ويحفضلي ام سحر
١: ليش وامي
٢: بالله روح كلها ابوي يحبج
١: كلتلها كالت حبته حيه
٢: هااا؟
١: حقك يابه ... الله يحفض سحر وام سحر
٢: هييييييييي الله يرحمك يابه لو ماخذ حجيك
