عشق الروح (الجزء الثاني)

من قوانين الكرامه:
--أن تعيش وحيداً خيراً لك من أن تعيش بديلاً.
--لا تجبر نفسك على أحد ولا تجبر أحدا عليك.
--أن تستند على عصا أفضل لك من أن تستند على كتف من لا يريدك.
--لأ تفعل المستحيل لشخص لم يفعل لك الممكن.
--لا تخسر نفسك وأنت تحاول الحفاظ على شخص لا يهتم بفقدانك.

💜الفصل الثامن 💜

وقفنا في البارت السابق لما ساره أنهت مع والدتها تلك المكالمه بسعاده غامره تعالوا نشوف هيحصل إيه مع بعض⁦♥️⁩

فى القاهره
كانت حنان فى غرفتها تقف أمام تلك الشرفه ناظره لنقطة ما فى الفراغ جاءت من خلفها زهره وربطت على كتفها بحنان وتحدثت قائله: حبيبتي إنتى لسه صاحيه قوليلي طيب عامله إيه دلوقتى لسه تعبانه نفسى أفهم بس إيه إللى وصلك للحاله دى وإيه إللى حصل وإزاى جيتي كل الطريق ده لوحدك وفى نص الليل وفين يحيي...إحكيلي حبيبتي

مازالت حنان على وضعها وتحدثت بإنكسار قائله:خالتى أنا جيت هنا علشان أنا إتطردت من بيت جوزى فى نص الليل

تحدثت زهره بإستفسار قائله:ومين طردك من بيت جوزك بالطريقه دى وفى إنصاص الليالى

تحدثت حنان وكإنها تقص قصة ما ولكنها فى حقيقة الأمر قصتها هى وبدأت قائله:هو كان بيت كبير أوى حاجه كده زى القصر من سنه تقريباً سابتنى أمى فيه والناس إللى فى البيت الكبير ده فضلوا يفكرونى بأصلى وإن أنا مش من مستواهم وطردونى ومفرقتش معاهم كل الأيام والليالى إللى عشتها مع يحيي....داسوا على كل شئ ورمونى وكإنهم بيرموا زباله

لم تستوعب زهره ذلك الحديث الذى أثار إنفعالها وتحدثت قائله:حنان إيه إللى إنتى بتقوليه ده...إنتى واعيه للى بتقوليه ده...ومين إللى يقدر يعمل كده

إستمرت حنان فى قص تلك الحكايه وكإنها لم تستمع ل حديث زهره وأكملت حديثها قائله:ده أنا حتى مصعبتش عليهم...وإللى كنت معتبرها أمى كسرتنى ورمتنى من غير شفقه ولا رحمه....ده أنا حتى إتحايلت عليها تخليني لحد الصبح مرضيتش وبكل جبروت هددتنى بالبوليس....ده حتى جوزى إللى أنا مسؤوله منه وعارف إنى ماليش حد إلا هو محاولش يسمعنى ولا يدافع عنى ومصدقنيش أنا وصدقهم هما يا خالتى...صدقهم هما من غير ما يسمعنى وأخد كلامهم على إنه حقيقه مسلم بيها...وكرامتى وشرفى وإحترامى داسوا عليهم وإتهمونى بأبشع تهمه...وجوزى إللى على أساس إنه بيحبنى شوفت فى عيونه نظرات الإتهام وكإنى جانيه ومذنبه مش مجنى عليها...ونسى كل حبي وإخلاصي ليه طول السنه إللى فاتت.... الناس دى يا خالتى تافهين أوى وفاضيين من جوا...هما مش مناسبين ليا أبدا ولا أنا مناسبه ليهم من البدايه

تحدثت زهره بتأثر ودموع من حالة حنان المزريه والدموع التى لم تتوقف أبداً قائله:فهميني ليه عملوا كده إيه مصلحتهم ده إنتى سمعتك من سمعتهم يعنى هيضروا زيك بالظبط لإنك مرات إبنهم وإسمك على إسمه