Ang League of Angels ay samahan ng mga bayaning tinangkilik natin noong mga nakakaraang taon. At ngayong 2020 ay malugod kong binubuksan ang kanilang pahina upang lumipad at harapin ang mga bagong pag subok na parating sa kanilang tadhana. Muli nat...
Oops! Ang larawang ito ay hindi sumusunod sa aming mga alituntunin sa nilalaman. Upang magpatuloy sa pag-publish, subukan itong alisin o mag-upload ng bago.
PAUNAWA:
"Hindi lang ikaw ang manunulat sa mundo. Ang ano mang pagkakahawig ng tauhan, lugar at pangyayari sa totoong buhay ay hindi sinasadya ng manunulat. Ang mga nilalaman ng akdang ito ay pawang kathang- isip lamang. Kung hindi mo gusto ang iyong binabasa maaari mong lisanin ang pahinang ito. Maraming salamat po."
Ang Tadhana ni Narding 3
League Of Angels
Season 4
AiTenshi
Feb 25, 2020
Babangon na sana ako mula sa pag kakahiga sa lupa ay biglang may nag tutok ng sibat sa aking mukha. "Sino ka? At saan ka nag mula?" tanong ng isang lalaki na naka suot ng kalasag na pula na animo kawal.
Hindi ako naka sagot. "Hindi ko alam, basta pag gising ko ay nandito na ako." ang sagot ko.
"Ikulong ang isang ito! Isa itong espiya mula sa karatig na planeta!" ang sigaw niya at dito ay agad nila akong dinala sa loob ng isang gusali ay dito ay kinulong kasama ng isang pamilyar na mukha na aking ikinabigla.
Part 115: Lupain ng Anghel 1
Oops! Ang larawang ito ay hindi sumusunod sa aming mga alituntunin sa nilalaman. Upang magpatuloy sa pag-publish, subukan itong alisin o mag-upload ng bago.
NARDING POV
"Narding, ang iyong misyon ay kuhanin ang likido na nag lalaman ng iyong kapangyarihan. Bumalik ka rito agad kapag nagawa mo ito. Mahalaga ang oras, kailangan mong mag madali." ang boses ni Enki at kasabay nito ang pag mulat ng aking mata. Hindi ko namalayan na ako ay nakatulog dahil sa matinding hilo at pang hihina ng katawan.
"Inumin mo ito para hindi ka mahilo." ang wika ng lalaking naka suot ng lumang damit na parang basahan. Madungis ang kanyang mukha at halata sa kanyang mata ang matinding lungkot. Kinuha ko ang tubig at ininom ito.
"Hindi ka natakot na baka may lason ang tubig? O baka may inilagay ako dito?" tanong niya.
"Hindi.. kilala kita kaya hindi ako natatakot." ang sagot ko.
"Kilala? Hindi kita maunawaan ginoo, wala akong pamilya at wala rin akong kinagisnang kaibigan. Lagi lang ako ang iisa at naka kulong sa kweba kasama ang aking munting imbensiyon." ang sagot niya at maya maya ay tumahimik siya at tumalungko sa isang sulok dahil dumating ang kawal. "Anong ingay iyan! Tumahimik kayo!" ang wika nito saka muling umalis sa aming selda.
