غصبوني بلمارحم بيه

البارت العاشر

ربما لم يكن شيئاً عميقاً بالنسبةِ لك لكنهُ كان قلبي💗

وصارة الساعة ٩ واجوي عمتي وعباس ، واول من طبو بجيت وكتلهم..

فاطمه: وين جنتو شبي علي؟؟؟
عمتي: يمه كل الاخبار الزينه
عباس: باجر نطلعج من المستشفئ وعلي بعد باجر نكدر نطلعه من المستشفئ ان شاء الله

فاطمه: كلبي مامرتاح عفيه عباس بس اشوفه وارجع
عباس: لاتخافين والله مابي شي ولايظل بالج
فاطمة: لعد شو اتاخرتو؟؟

عباس: رحنه شترينه قريوله الج وحظرت كم غرض لان راح نطلع للبيت لان الدكتورة كالت حظرو الها قريوله ميصير تنام بالكاع ،هسه اطمنتي ؟؟؟

فاطمه: اي

والله وراح عباس جاب عشه ودوب اكل مادري شبيه بس عباس وعمتي فرحانين بعلي ، وعباس يلح عليه اكل يكول حتئ يصير بيج حيييل شويه وتكدرين تمشين علئ حيلج.

اكلت وكملت وهاج عليه الالم، واجتي الممرضه ضربتني ابره مسكن للالم وبيها منوم ونمت ماحسيت الا الصبح وعباس يكعد بيه حتئ نرجع للبيت من وقت

تعدلت وغسلت وبدلت كال تريكي اكلي شويه حتئ نطلع كتله ماشتهي والله ولح عليه واكلت بسكت وكيك وجتي عمتي مكمله اوراق الخروج حتئ اطلع وتبقئ هيه يم علي ، طلعت امشي علئ كيفي بالمستشفئ وطلعت منها ورحنا للبيت ،وصلنه وباركتلي سلفتي وبوستني وحماي هم باركلي وتحمدلي عالسلامه

تمددت ارتاحيت اول شي وكالت سلفتي كومي اسبحج حتئ ترتاحين وتنامين باوعت عليها وخايفه منها كتلها يالله بس ساعديني ، طببتني للحمام وتسبحني بس حركاتها كل قوتها تليفني واني امووت من الوجع وتلني من يدي حييل والله واني ساكته اخاف لا احجي ،كتلها هاي هيه عمليتي راح اطك خوفتها شويه حتئ تعوفني وكمت ابجي كملت سبح وطلعت تمددت وجاب التلفون عباس كال امج تريدج اخذة الموبايل منه وكلت

فاطمه: هلا يمه شونج
امي: هلا بيج الحمدلله انتي شون صرتي؟؟؟
فاطمه:الحمدلله بخير
امي: باجر نجي اني وحمودي عليج ان شاء الله
فاطمه: امانة الله صحيح؟؟
امي:ايي والله باجر احنا يمج ان شاء الله

وصيتها علئ غراض من الموصل وحلويات وهيه تضحك عليه دكول كبرتي مو كافي حلويات وماتدري اني بالضيم عايشه وحسره عليه الحلويات .......

مر اليوم بالف تعب واني حتئ عمتي ماكو وراح عباس باليل شرب واجاني ،واخذني للفراش بهاي حالتي وغصب عني واريدة بس يبتعد لان صدك اذاني وانوب يكول سدي حلكج لا اذيج والله ومتت وجع ورئ ماكمل ، ضل يغث بيه واني حييل نقهرت والله ،وكال اني انجبرت بيج واني احب وحدة وانتي اخذتي مكانها واني جنت اتمنئ علي منها مو منج بس يجي يوم واخذها وازتج مثل الجلبه ....مو انتي الي تمنيتها اني بس اصبريلي والله لشوفج شي بحياتج مراح تشوفي والا اخليج تبجين دم.

بقيت مصدومة اول مرة اعرف هذا الحجي ومحد كالي ولا اعرف بهذا الموضوع ابداً حسيت نار بكلبي وشي ياكلني اكل لا بيه احجي الاحد ولابيه اسوي شي بقيت ابجي بس دموعي تجري بدون صوت...

وماقبل انام لل٢ باليل وخليت راسي علئ فراشي وابجي لان تعبت حيييل وماكدر اتحمل شينتظرني ماعرف....

اجا الصبح وتعدلت ورتبت غرفتي وعزلتها وعباس نايم حتئ للشغل مارايح ،طلعتلي ملابس وطبيت سبحت وشويه ترتبت لان امي حتجي عليه وفرحانه لان راح اشوفها واكعد يمها كلش جنت مشتاقتلها
طلعت من الحمام واخذت موبايل عباس لان بي رصيد اتصلت علئ عمتي واطمنت علئ ابني كالت بخير وان شاء الله باجر اطلعه من المستشفئ واجيبه للبيت

رجعت اتصلت علئ امي الساعه ١٠ كالت من ال٤ الصبح طلعت وان شاء الله ٣ قبلها نصل ان شاء الله...

كعد عباس كبل طب سبح وطلع كال حظريلي ريوك ولاكان صاير شي البارحه ،حظرتلو الريوك واكلت ويا وشافتي ضايجه ، يكول عدلي وجهج لا اني اعدله بيدي ، كتله مو ضايجه؛يكول بله ضايجه وعدلي وجهج احسلج داكلج

كمت من يمه واريد امي بس تصل قبل لاتصير مشكله
سوينه غدا وتغدينه واجت امي(راح اختصر عليكم الوضع)تونسة بيها وطلع ابني من المستشفئ وكالو خلو الطفل بقطن او صوف لان مو كامل بقت يمي امي ٤ ايام وراحت ورئ ماراحت الطفل كام مايرضع

ومعدته تعبت هووايه وتعب الطفل لحد ما كلش انتهئ

ومات ابني مات عباس يبجي من صدك نقهر، وعمتي تبجي ودكول مامكتوب تصيرين ام ،اني هنا صدك نجنيت صدك فقدت مامصدكه بس ابجي وادك والطم علئ حظي شلت نفسي وادكها بالكاع فقدة ذيج الليله ،وماحسيت علئ روحي الا وكعت بالكاع واسمع عباس صاح بكل صوتو فاااطمه.........