مرحبا اني مروة عمري ٢٣ سنه موشاطرة بالمدرسه وصلت لصف رابع اعدادي وتركت… حابتدئي وياك مراحل حياتي الي عشتها بالتفصيل… اني شكلي وجهي مليان ومربربه مثل مايكولون شعري طويل بشرتي بيضه من الاخر اني اشبه الممثله العراقيه ايناس طالب…. اني يتيمه الام وبابا متزوج بمحافظه النجف واني من زغري عايشه بيت عموا ابو شجون ..بنات عمي 7 … ٦ متزوجات… والسابعه لسه طالبه تدرس… اني ماشعرت باليتم نهائيا لان عموا وباجي ابدا ماحسسيني اني موا بنتهم بالعكس مهتمين بيه ومدلعيني ومامقصريين ويايه….
بزفاف بنت عموا شيماء شافتني وحدة من اقارب زوجه وكلش انعجبت بيه جتي لبيت عموا وخطبتني وبصراحه جنت طايرة من الفرحه الولد جان مهندس وشاب وشكله كلش حلوو وحباب ومؤدب…
مروة ابد ماقصر ويايه محمد مهر عالي وذهب وحفله بالقاعه بس فرحتي ماتمت…
محمد/ مروة اريد احجي وياج بموضوع
مروة/ تفضل
محمد/ مروة اني المفروض زوجج ولازم اسوي وياج مثل كل زوج ويا زوجته باليله الدخله بس اني اعتذر منج اني مااكدر اتقرب عليج
مروة/ يعني شتقصد مافهمت
محمد/ مروة اني عندي عجز جنسي عالجت بس ماكوا نتيجه اهلي مايعرفون بهذا الموضوع نهائيا
مروة/ ليش محمد اني شنوا ذنبي تغشني
محمد/ مروة صدكيني اني جنت شاب طبيعي بس من سويت الحادث قبل سنه ونص صار عندي هذا العجز
مروة/ 😢وهسه شسوي فهمني
محمد/مروة الج مطلق الحريه تختارين تكملين حياتج ويايه لو ننتظر كم شهر وننفصل
مروة/ عوفني محمد رجا عقلي كله مشوش ومداستوعب الي ديصير ويايه
محمد/ حقج مروة اني اعتذر منج ابقي انتي بالغرفه واني انام بالصاله اخذي راحتج
مروة/ ظليت ابجي واندب حظي عبالي افرح بزواجي مثل البنات غيرت ملابسي وظليت اتكلب بفراشي اشحجي واشكول منوا راح يتفهم مثل هيج موضوع ..ظليت افكر قررت اظل ويا فترة وننفصل
مٌن كثر التفكير نمت……
كعدت متاخرة ساعه ١١ غسلت ونزلت ..شفت محمد بالمطبخ
صباح الخير
صباح الفل .. سويتلج احلى ريوك
مروة/كعدت اتريك لان من البارحه مامتعشايه جان الاكل كلش طيب ومحمد حيل مهتم بيه وهو يوكلني بايدي
محمد/ مروة خلينا نصير اصدقاء ترى مايصير شئ اذا نتفهم بعض
مروة/ اوكي مثل ماتحب
محمد/ مروة اطلب منج طلب اذا اهلي سالوا عالصار ممكن
مروة/ فهمت لاتهتم محمد اني اعرف اشكول
محمد/ مروة اوعدج ماراح اقصر بشئ وياج انتي خوش بنيه وتنحبين
مروة/ راح نخلصها مجاملات وين نروح بشهر العسل
محمد/ كيفج انتي اختاري
مروة/ نروح للعمرة وهناك تطمئن النفوس
محمد/ تم تامرين
مروة/ جوي اهله يباركولي وبصراحه جانوا ناس واعيين اقصد امه واخته ابدا ماسالوا شصار ماصار بعد ٣ ايام طلعنا للعمرة ..يعني اشوصفلكم محمد انسان بمعنى الكلمه خلوق وطيب وكلش مدللني…
ظليت تقريبا ويا محمد ٦ أشهر والقدر اخذة مني باانفجار الكرادة… .لو تعرفون شصار بيه وصلت لمرحله الجنون صح هو مامقترب عليه بس انسانيته واخلاقه وتعامله ويايه تكفي احزن عليه العمر كله مات محمد الله يرحمه وهو بمثابه شهيد . ومات ويا السر ولا اي شخص عرف بعجز محمد نهائيا ..رجعت لبيت عموا ظليت اعاني من الصدمه شهرين وعموا وباجي والبنات ابدا ماقصروا ويايه كلهم ساعدوني حتى ارجع مروة من جديد…
