سوف نلتقي

الجزء السابع

#.. تالت يوم في الڤيلا ..#

- مراد وصل ، ولأول مرة ، يلاقي حبيبه ، مستنياه ، على الباب كمان .
• مراد : اي دا اي دا ، دا إحنا يومنا بيضحك ولا إيه ، إنتي بنفسك بتقابليني على الباب ...
• حبيبه : شوفت بقى انت غالي إزاي ، يالا بقى ادخل ، وبلاش غلبه ...
• مراد : طيب هو فين أدم ..؟!
• حبيبه : أدم جوا ، تعالا أنت بس أدخل ..
• مراد : أديني دخلت يا ستي ، فين بقى أدم ..؟!
• حبيبه : هو انت مش بتيجي غير عشان أدم ،، إيه مش عايز تقعد معايا شويه ..
• مراد : مقصدش والله ، بس أنا أصلي من أول ما دخلت وأنا مشوفتوش ، علشان كدا بسأل عليه ..
• حبيبه : طيب ولو قولتك إن أدم مش موجود ، ومفيش غيري في الڤيلا ..
• مراد : مش موجود إزاي يعني ، آمال أنا جيت علشان امرن مين ..!!
• حبيبه : بص هو التمرين إتلغى إنهارده ، وآدم عند خالو في إسكندريه ، وبابا وماما كمان معاه ..
• مراد : طيب لما هو مفيش تمرين ، محدش عرفني ليه ، علشان مجيش ..
• حبيبه : الحقيقه بابا كان هيكلمك ، بس أنا قولتله إني هكلمك أنا واقولك ..
• مراد : بس إنتي مكلمتنيش ..
• حبيبه : علشان كنت عايزك تيجي ..
• مراد : اجي ومفيش حد في البيت ، وإنتي لوحدك ..!!
• حبيبه : ايوا ، أنا عايزه أتكلم معاك شويه ..
• مراد : طيب مكنش ينفع نتكلم في مكان تاني ..؟!
• حبيبه : لاء هنا أحسن ، علشان نعرف نكون لوحدنا ، ومفيش حاجه تزعجنا ..
• مراد : بس لو حد جه يعني أو كدا ..!!
• حبيبه : متقلقش أنا عارفه بعمل إيه كويس ، فاكر يوم ما جيتلك شقتك ، وكنت عايزه أفضل معاك ، وانت وقتها قولتلي مش هينفع ..!!
• مراد : صدقيني أنا قولت كدا عشانك ، أنا مش عايز حاجه وحشه تحصلك بسببي ..
• حبيبه : تعرف إني كنت بختبرك ..!!
• مراد : بجد ، يعني إنتي كنتي قاصده تيجي ، ودا كله كان من تدبيرك ..؟!
• حبيبه : أيوا كل دا كان إختبار ليك يا مراد ، والحقيقه إنك نجحت وبتقدير كمان ..
• مراد : طب الحمد لله ، بس إيه لزمته الإختبار دا ..؟!
• حبيبه : مش لازم تعرف ، لما يجي وقتها هتعرف كل حاجه ، اللي لازم تعرفه إنك نجحت في إختباري ..
• مراد : تعرفي أنا من يوم ما عرفتك ، وأنا مش عارف اي حاجه ، بتعملي حاجات مش مفهومه ..
• حبيبه : وأنا من يوم ما عرفتك وانت مستعجل ، أصبر يا مراد ، صدقني كل حاجه في وقتها أحسن ..
• مراد : أديني صابر ، لما أشوف اخرتها معاكي ..
• حبيبه : اخرتها خير بإذن الله ، خير وبس يا مراد ، أوعدك بكدا ..
• مراد : ماشي يا ستي ، تقدري تقوليلي بقى ، كنتي عايزه تتكلمي معايا في إيه ..؟!
• حبيبه : هقولك ، بس الأول تعالا افرجك على الاوضه بتاعتي ..
• مراد : ما تخلينا هنا أحسن ، مش حابب اطلع فوق ..
• حبيبه : هو انت على طول كدا بتقاوح ، يالا على الاوضه وبدون كلام ..
• مراد : حاضر حاااضر ..
• حبيبه : ها قولي بقى ، إيه رأيك في اوضتي ..؟!
• مراد : حلوه ، حلوه اوي كمان ، بس أي الصور اللي متعلقه دي كلها ، من الولاد اللي بيضحكوا دوول ..!!
• حبيبه : دول بقى ، الكنز بتاعي يا مراد ، أجمل حاجه في حياتي ، هما الولاد اللي في الصور دول ..
• مراد : كنز ..!!
• حبيبه : عارف يا مراد ، كل ولد من دول ، ليه قصه طويله جداً ، دولا فقرا ، ومحتاجين ، ربنا جعلني سبب علشان اساعدهم ، ضحكتهم دي كنز ، شوف رغم كل الظروف والصعوبات اللي هما فيها ، لكن دايما تلاقيهم مبسوطين وبيضحكوا ..
• مراد : تاني هتوقليلي بيضحكوا ، يا بنتي دا وجع ، عارفه اللي بيعيط بيرتاح ، لكن اللي بيكتم دا ، بيكون متحسر ...
• حبيبه : تعرف يا مراد ، أنا نفسي في إيه ..
• مراد : نفسك في إيه يا حبيبه ..؟!
• حبيبه : نفسي ميبقاش فيه حد فقير ، ولا حد مسكين أو محتاج ، نفسي الناس كلها تكون غنيه ...
• مراد : ومين قالك إن الفلوس هتريحهم ، الناس دي مبسوطين علشان على قدهم ، راضين باللي مقسوم لهم وشاكرين ربنا ..
• حبيبه : طيب وأنت يا مراد ، نفسك في إيه ..!!
• مراد : تعرفي إني معنديش إجابه للسؤال ده ، حقيقي مش عارف نفسي في إيه ، أنا بس نفسي أحس بالسلام ، مش عايز أشوف مشاكل وصراعات بين أي حد ، عايز الناس تحب بعضها ، الكل يخاف على بعضه ، بتمنى السلام ، السلام وبس والله ..
• حبيبه : أحلامك جميله ، شبهك يا مراد ..
• مراد : تاني هتعاكسيني ، هههههه ...
• حبيبه : وهو انا عندي غير عشان اعاكسه ، وبعدين ما قولتلك إنت اللي حلو بزياده ، ههههه ...
• مراد : إنتي بس اللي عنيكي حلوه مش أكتر ..
• حبيبه : تشىرب شااي ..؟!
• مراد : اشرب شاااي ..
• حبيبه : مراد هو انت مؤمن بالحب ..!!
• مراد : أكيد طبعاً ، وهو فيه حاجه أجمل من الحب ..
• حبيبه : طيب امتى نلاقي الحب ..؟!
• مراد : إحنا مش بنلاقي الحب ، الحب هو اللي بيلاقينا ، دايما بيوصلنا ، بيعرف طريقنا ، مفيش حاجه تقدر توقف في وش الحب ، الحب دا اللي بيخلينا نشوف الدنيا أجمل ، الحب اللي بيقدر يكسر حواجز الخوف والحزن ، مفيش حد محبش ، قلوبنا لازم يدخلها الحب وتميل ، مين محبش ...
• حبيبه : على كدا أنت حبيت قبل كدا ..؟!
• مراد : أكيد طبعاً حبيبت ..
• حبيبه : طب ما تحكيلي عن قصة حبك ..
• مراد : حبيبتي دا أجل ست على وجه الأرض ، أو ما فتحت عيني شوفتها ، دايما معايا وجمبي ، بتشبهني كتير ، بتدعيلي دايما ، فكراني قبل نفسها ، حبيبتي هي أمي يا حبيبه ، ست الكل ...
• حبيبه : ربنا يخليهالك ، بس أنا مش قصدي على مامتك ، انا إنك عمرك ما حبيت أو ارتبطت ..!!
• مراد : لاء أنا مكنش عندي وقت ، أنا من يوم ما دخلت الجامعه ، وجيت للقاهرة ، وأنا مش فاضي غير لدراستي وشغلي ، كنت عايز انجح ، واكون حاجه كويسه ، والحمد لله ، ربنا وفقني ...
• حبيبه : طيب ممكن أسألك سؤال ..؟!
• مراد : أكيد يا حبيبه ..
• حبيبه : إنتي شايفني إزاي ، يعني أنا حقيقي مستغربه إنك مستحملني ، وانا بتصرف معاك بغرابه كدا ، ومش قادره افهمك ..
• مراد : هتصدقيني لو قولتك إني نفسي مش عارف أوصف إحساسي تجاهك ، بس كل اللي اقدر اقوله إنك مش شبه الباقيه ..
• حبيبه : يعني ايه مش شبه البقيه ..!!
• مراد : يعني الناس كلها حاجه وانتي حاجه تانيه خالص ..
• حبيبه : وضحلي اكتر يا مراد لو سمحت حابه أسمع ..
• مراد :عارفه يا حبيبه ، أنا بفكر فيكي كتير ، وكمان يبقى نفسي أشوفك طول الوقت ، انا حبيت النادي عشان كنتي هناك ، وكمان كنت هطير من الفرحه لما أبوكي قالي تعالا مرن أدم هنا ..
• حبيبه : يعني افهم من كلامك دا ايه بقى ..؟!
• مراد : مش كل حاجه بنحسها ينفع نقولها يا حبيبه ، ومش دايما بناخد اللي نفسنا فيه ، في حاجات بنفضل نبص عليها من بعيد ، ومش بنقدر نلمسها ..
• حبيبه : للدرجادي إنت شايفني كتيره عليك ..؟!
• مراد : ايوا كتيره يا حبيبه ، دي الحقيقه الوحيده اللي لازم نصدقها ..
• حبيبه : بس لازم يكون عندك إصرار عشان توصل للي نفسك فيه ، مفيش حلم بيتحققك بسهوله ، لازم تكون عنيد يا مراد ..
• مراد : ما قولتلك مش كل حاجه نفسنا فيها بنقدر نوصلها ..
• حبيبه : طيب ولو قولتك إني بفكر فيك كتير ، وكمان بحب أشوفك ..
• مراد : بجد يا حبيبه يعني أنا مش بحس باللي بحس بيه دا لوحدي ..!!
• حبيبه : لاء مش لوحدك يا مراد ، إطمن ..
• مراد : تعرفي إنك اجمل بنت شوفتها في حياتي ، لاء أنا مشوفتش بنات اساسا ، هههههه ..
• حبيبه : وقعت بلسانك يا شاطر ، بس هعديها لك ، انت اللي جميل ، جميل أوي يا مراد ..
• مراد بعد ما بص في ساعته : يا نهار مش فايت ، دي الساعه 3 الفجر ، أنا لازم أمشي حالاً ..
• حبيبه : مراد خليك جنبي ، صدقني مش هتلاقي وقت زي دا تاني ..
• مراد : أنا لو عليا ابات هنا ، بس صدقيني أنا بعمل الصح واللي إتربيت عليه ..
• حبيبه : ماشي يا مراد ، اللي تشوفه ..
• مراد : ياريت متزعليش ، أنا أسف بس إنتي لو مكان هتعملي كدا ..
• حبيبه : أنا فهماك كويس يا مراد ، ودا اللي خلاني فضلتك عن البقيه ..
• مراد : مترحمش منك أبدآ ..
• حبيبه : ولا منك يا مراد ، طول ما انا عايشه ..
• مراد : يلا بقى أنا همشي ، خدي بالك من نفسك ، وربنا يوفقك في اللي جاي ، ويارب تفضلي بخير كدا ومبسوطه طول العمر ..
• حبيبه : مراد عايزه أقولك حاجه قبل ما تمشي ..
• مراد : في إيه يا حبيبه ، لونك اتغير ليه كدا ..
• حبيبه : مراد أنا عندي كانسر .
.
* مش لازم تعرف اللي حصل بعد ما مراد سمع الكلام دا من حبيبه ، عشان إنت اكيد عارفه ، بس اللي حبيتك تعرفه إن اللي جاي صعب ، إحنا شوفنا الحلو اللي في قصتنا ، ودا وقت النص الوحش ، حبيبه عندها كانسر ، يعني سرطان لو مش فاهم ، ومش كل الناس بتقدر تغلب الكانسر ، دا محتاج بطل ، اصلها حرب طويله ، كفايه الكيماوي ، محدش عارف اللي جاي ، بس أكيد اللي جاي مش اللي في دماغك .
يتابع 💙