سوف نلتقي

الجزء العاشر والاخير

# .. اخر يوم في الكانسر ..#

- حبيبه حالتها سيئه جدا ، والفرص بتقل ، ومفيش أي إستجابة للعلاج ، ومراد كل يوم يجي ويمشي وهو بيعيط ، وحبيبة حست إنها مش بخير ، باين دي النهاية والقصه خلاص هتنتهي ، ويمكن تبدأ قصه تانيه جديده أحسن من دي ، حقيقي الفارق بيوجع ، لا دا الفراق بيقتل ، بس مين عارف مش يمكن نفترق عشان نرجع تاني نتلاقى ، يمكن .
.
• حبيبه : مراد هو أنت مخبي عني حاجه ..؟!
• مراد : هخبي حاجه زي أي يا حبيبه ..؟!
• حبيبه : على فكره أنا حسه إني مش كويسه ، وعارفه إن الدكتور قالك إني هموت ..
• مراد : شششش ، بلاش الكلام دا يا حبيبه ، والدكتور مقلش حاجه ، وأنتي مش هتموتي ..
• حبيبه وهي بتعيط : مراد قولي الحقيقه ، بلاش تخبي عليا ، أنا حبيبتك ، ريحني ..
• مراد والدموع في عنيه : حالتك مش مستقره يا حبيبه ، ومفيش أي إستجابة للعلاج ..
• حبيبه : يعني خلاص هموت يا مراد ..؟!
• مراد في غضب وبصوت عالي : قولتلك مش هتموتي إنتي مش بتفهمي ، مش هتموتي ..
• حبيبه : أنت كداب يا مراد ، وطول الوقت كنت بتكدب عليا ، وأنا مش هصدقك تاني ..
• مراد : حبيبه ..
• حبيبه : شششش ، أطلع برا يا مراد ، لو سمحتي أمشي دلوقتي ..
• مراد : مش همشي يا حبيبه ، ومش هسيبك لوحدك ابدا ..
• حبيبه بصوت حزين : لو بتحبني ، أمشي يا مراد روح من هنا ، أنا مش قادره خلااص ..
• مراد : أنتي بتعملي كدا ليه يا حبيبه ، أنا لما خبيت كنت خايف عليكي ..
• حبيبه : لو خايف عليا فعلاً ، امشي دلوقتي ..
• مراد : حاضر يا حبيبه ، أنا همشي ، بس نرجع تاني وبعدها مش همشي تاني أبداً .
.
- خرج مراد ، وحبيبه بتنادي على الممرضه ، وطلبت قلم وورقه .

- وكتبت ...
( أنا أسفه عشان بكتبلك الكلام دا يا مراد ، وصدقني مكنتش أتمنى أكتبه ابداً ، بس أنا خلاص مش عارفه هعيش قد ايه تاني ، ويمكن دي تكون آخر مره اكتبلك فيها ، بص يا مراد ، أنت لازم تبعد عني خاالص ، متقربش مني تاني ، قصتنا خلصت ، مش هيكون بينا أي جديد ، عيش حياتك يا مراد ، وانسى كل حاجه حصلت بينا ، أوعى تفتكر إن الكلام دا سهل عليا ، أنا بتقطع وأنا بكتبه ، بس دا الحل الوحيد دلوقتي ، أنا مزعلتش منك عشان خبيت عليا ، أنا زعلت عشان اتعلقت بيا وأنا هموت ، دا كانسر يا مراد ، يعني مفيش فرصه تانيه عشان أعيش ، سامحني ، ياريت تسامحني ، وخليك فاكر إني حبيتك من كل قلبي ) ..
- وشالت الورقه دي في الشنطه بتاعتها ، وطلبت من الممرضه تعرف مراد مكانها ، لو هي ماتت .
.
• الدكتور : الو أيوا يا كابتن مراد ، ممكن تجيلي المستشفى دلوقتي ..
• مراد : في حاجه ولا إيه يا دكتور ، حبيبه كويسه ..؟!
• الدكتور : مفيش حاجه متقلقش أنا بس عايز أتكلم معاك شويه ..
• مراد : حاضر يا دكتور أنا جايلك حالا .
.
* مراد مرحش المستشفى للدكتور ، ايوا زي ما بقولك كدا ، بس مش عشان هو مش عايز يروح ، لاء مراد خبطته عربيه وهو نازل من الشقه ، ودلوقتي في العناية المركزة ، وحالته خطيره جداً ، تقريباً حصل نزيف داخلي ، وكسر في عظام الجمجمة ، تفتكر حبيبه لو عرفت دا ممكن يحصلها اي ، أيوا هو دا اللي ممكن يحصل ، عشان كدا خبوا عليها ، وهي كدا كدا مكنتش عايزه تكلمه تاني ، عشان هتموت وهو هيتعلق على الفاضي ، فضل مراد في العنايه المركزه أسبوع كامل ، وحبيبه طول الوقت فكراه نسيها ، وخلاص حب غيرها وعاش حياته ، معقوله بالسرعه دي قدر ينساها ويبعد عنها ، يبقى هو محبش من الاول اساسا ، بعد أسبوع خرج من العنايه ، ومكنش على لسانه غير حبيبه ، وقرر يتصل بالدكتور ويطمن .
.
• مراد : الو الو ، أيوا يا دكتور ، طمني على حبيبه ..
• الدكتور : أنت كنت فين بقالك أسبوع يا مراد ، ومجتش ليه زي ما قولتلك ..؟!
- مراد خاف يقول اللي حصل للدكتور فيقول لحبيبه فقرر يخبي .
• مراد : معلش يا كتور كان عندي ظروف منعتني اجي لحضرتك ، المهم حبيبه عامله اي ..؟!
• الدكتور : حبيبه حالتها مستقرة جدا ، وفيه إستجابة كبيرة للعلاج ، يعني الموضوع مسألة وقت بس وتخف نهائي ..
• مراد وهو بيعيط : بجد يا دكتور بجد ، يعني حبيبه مش هتموت ..!!
• حبيبه : قولتلك مفيش حاجه بعيده عن ربنا ، يالا بقى تعالا شوفها عشان هي بتسأل عليك كتير .
- مراد حالته لا تسمح بالمشي ، يعني مش هيقدر يروح عند حبيبه ، مش هيقدر يخرج من المستشفى اساسا .
.
• مراد بعد تالت جرس : أيوا يا حبيبه مش بتردي عليا ليه ..؟!
• حبيبه : مين معايا ..!!
• مراد : مين معاكي ، يبقى أنتي اكيد زعلانه مني عشان بقالي أسبوع مجتش ولا كلمتك ..
• حبيبه : عادي أنا أساسا مش عارفه مين بيكلمني ..
• مراد : حبيبه أنا عملت حادثه ، وبقالي اسبوع في العنايه المركزه ، وأول ما خرجت كلمت ..
• حبيبه : أنت بتكدب عليا عشان اسامحك مش كدا ..؟!
• مراد : لاء يا حبيبه مش بكدب ، أنا الدكتور كلمني من شويه ، وكنتي على حالتك ، بس مقدرتش اجي عشان حالتي لا تسمح ..
• حبيبه وهي بتعيط : مراد أنا أسفه عشان ظلمتك ، بس أنت وحشتني أوي ..
• مراد : إنتي اللي وحشاني اوي يا حبيبه ، عرفتي بقى إنك مش هتموتي ، وأن ربنا هيجمع بينا ..
• حبيبه : عرفت يا حبيبي عرفت ، المهم طمني عليك انت كويس ولا فيك حاجه ..؟!
• مراد : بخير يا حبيبه ، إطمني كلها كام يوم وهخرج وهجيلك ، متقلقيش ..
• حبيبه : لاء انا هجيلك دلوقتي ، لازم أشوفك ..
• مراد : متتعبيش نفسك ، أنا كويس والله الحمد لله مفيش حاجه ..
• حبيبه : أسكت خالص ، قولتك هاجي يعني هاجي ، اديني بس عنوان المستشفى .
.
* عرفت بقى إن بعد الحزن بيجي الفرح ، وبعد العسر بيكون يسر وخير وفرح ، قولتلك ربنا مش بيظلم حد أبداً ، حبيبة كسبت الكانسر ، لاء ومش بس كدا دي كسبت مراد كمان ، ودلوقتي اتجوزوا وعايشين في سعاده ، كان ممكن حبيبه تموت ، وكان ممكن مراد يموت ، بس ربنا أراد يجمع بيهم .
.
* كل اللي حبيت أوصله في الروايه دي ، هي إن مفيش حاجه بعيده عن ربنا ، ودايما الشخص الطيب أبو قلب صافي بيكسب ، هتقابلك ظروف وحشه كتير ، وهتحس إن الطريق صعب وحلمك مستحيل ، بس دا مش معناه إنك تبطل تسعى ، بص أعمل اللي عليك ، أعمل اللي يرضي ربنا ويرضيك قدام نفسك ، ممكن يكون نفسك في حاجه ، وربنا يحرمك منها ويديك الأحسن منها عشان أنت تستاهل كدا ، حارب عشان اللي بتحلم بيه ، حارب عشان حلمك ومستقبلك ، أمشي في طريقك حتى لو عكس الناس كلها ، وخليك فاكر إن القلب الصافي دايما بيكسب .
+ إنتهت 💙 10