💕أنت قلبي٢💕

الحلقة ٩

#انت_قلبي٢
#بوسي_مصطفي

  _______الحلقة التاسعة______

جريت فريدة ناحية كريم اللي كان واقع في الأرض وصاحب الصيدلية واللي معاه كانوا بيحاولوا يقوموا
ودخلوا بيه جوه .. وبدأ الصيدلي يشوف الجرح اللي في رجله
كريم : بسيطه ياجماعه مفيش حاجه... الحمد لله
فريدة وهي بتبكي : انت متأكد ياكريم
كريم : انا كويس متقلقيش
الصيدلي بيطهر الجرح اللي كان سطحي عبارة خدش لكن في أثر دم مكانه
وضع لاصق طبي
الصيدلي : حضرتك مشوفتش رقم العربية اللي حاولت تخبطك
كريم : لا للاسف ملحقتش
الصيدلي : طب حضرتك قادر تحرك رجلك
كريم وقف على رجله حاول يدوس عليها لكن كانت بتألمه
الصيدلي : ممكن تكون اتجزعت من أثر الرقعه بس
على العموم هوصلك ل أقرب مستشفى.
كريم : متشكر اوي حضرتك انا هتصرف
الصيدلي : هقفل الصيدليه واجي معاك.. مش هتعرف تسوق وانت كده
كريم : لا كتر خيرك متقفلش حاجه انا هتصرف
الصيدلي : طب هوصلك لحد العربية
سنده الصيدلي واللي معاه وركب كريم العربية وفريدة جنبه
فريدة : كريم انت متأكد هتقدر تسوق
كريم : هتصل ب علاء
فريدة : طيب ياحبيبي م ناخد تاكس ونوصل لحد المستشفى
يمكن نايم دلوقت
كريم بيتصل ب علاء طلب منه يجي ع العنوان اللي عطهوله
وصلوا لحد المستشفى
وبعدها خرجوا على البيت
علاء : الحمد لله... ياكريم انك كويس
كريم : الحمد لله
علاء : بس مين الناس دي وعملوا كده ليه
فريدة : انا شوفتهم مرتين هما هما نفس الناس اللي كانوا هيخبطوا العربية في الأول يا كريم
علاء : طب م اخدتيش بالك من رقم العربية يافريدة
فريدة : للأسف لأ مع إنهم كانوا واقفين قصادي وكان ممكن بسهوله ألمح رقم العربية لكن كل اللي كان في دماغي وقتها أكلم كريم ياخد باله وهو خارج أو ميطلعش خالص من الصيدليه
ويدوب بس كريم بيحط رجله على أوله سلمه
العربية لفت بسرعه وعدت من قدامه
كريم : الحمد لله على كل حال
علاء : غريبه اوي الحكاية دي
كريم : متشغلش بالك.. بسرعه بقى علشان خلاص هموت وانام
علاء : حاضر

____________

كمال يقوم وسيف مسنده يقعد ع السرير
كمال : بكره تنزل الجامعه وتدخل اللجنه بتاعتك
سيف : بابا انا بفكر أاجل التيرم دا
انا مش مركز خالص ولو دخلت الإمتحانات هشيل المواد كلها انا عارف
كمال : لأ ياسيف مفيش تأجيل
علشان خاطري ياسيف
سيف : خلاص هدخل علشان خاطر حضرتك
بس مقدرش اوعدك اني اعدي التيرم دا
كمال : اهو تكون عملت اللي عليك
سيف : حاضر يابابا هقوم بقى
التفت سيف وهو خارج من الغرفة
كمال : سيف
سيف التفت لكمال : نعم يابابا
كمال : قرب تعالي
سيف اتجه ناحية كمال
كمال اخده في حضنه وهو بيخبط على كتفه.. انهار سيف وبيبكي
كمال : انت راجل متبكيش انت اللي تواسي اخواتك وتصبرهم وتطبطب عليهم
سيف : ازاي اذا كنت انا نفسي مش قادر اعمل كده
كمال : هتقدر ياسيف
سيف بتدور عينه في الغرفة وكأنه بيتذكر مامته في كل ركن فيها
كمال : يلا اقفل النور وادخل نام علشان هتصحى بدري 
سيف وهو بيمسح دموعه وبتنهيده : حاضر يابابا تصبح على خير
كمال : وانت من اهله.. متنساش تقفل النور
قفل سيف النور وخرج وقفل الباب.
قعد كمال على السرير ب اعتدال والتفت نظر جنبه مكان م كانت بتنام نادين مسد عليه ب ايده
كمال ودموعه تتساقط : مش هنساكي يانادين
مش هنساكي ياام سيف كل حاجه كانت بينا عمرها مهتتنسي ياعشرة عمري
وحشتيني يانادين هفضل ادعي اننا نبقى مع بعض... في الجنه
زي م كنا سوا في الدنيا
قرب وفتح الدولاب وبيمرر ايده على ملابس نادين اللي متعلقه ع الشماعه واخدهم بين ذراعيه وكأنه بيضمها ليه وبيشتم رائحة الملابس وكأن نادين اللي واقفه قدامه يغمض عينه بتنهبده : وحشتيني يانادين
وحشتيني اوي ياام سيف.
_________